طب انا ذنبى ايه؟

[د/نداء الجنة المصرية]

انا بتكلم عن الاسلوب اللى الناس بقت تتكلم بيه يعنى اى حد بقى يتكلم مع حد نص الكلام شتيمه وغلط يعنى لوواحد بيقول رايه مثلا انه مش موافق على محاكمة مبارك انت فلول وانت وانت جاهل وانت حرامى ولو واحد حابب يتظاهر وواحد تانى معترض انت جاسوس وانت وانت وحتى فى الكوره كل ماتش بدل التشجيع بقت شتيمه وانا من صغرى واخدة فكرة عن اخلاق المصريين وكرمهم وحبهم لمصر بس ماكنتش بشوف ناس كتير ودلوقت لماابدااعرف الناس يكون اسلوبهم كده لدرجة انى بقيت حاسة انى من عالم الخيال يعنى انا مثلا لو مش معترضة على محاكمة مبارك ولا على الثورة وقلت انى ضد اى مظاهرات بعد الثورة هايتقالى انتى ضد الثورة وانتى فلول مع انى ماليش فى السياسة اساسا بس انا كل اللى اعرفه مبادئ الحب والاحترام اللى علموهالنا فى المدارس ولو قلت انى بشجع فريق معين اللى من الفريق التانى يشتموا مع اننا مش مستفيدين حاجة من التشجيع دى مجرد تسلية بجد نفسى الناس يكون فى بينهم احترام اكتر