الغلط فى مين؟

[د/نداء الجنة المصرية]

دايما بحاول ابعد فكرة الياس عنى وكمان برجع اى غلط ليه ومابحاولش اغلط غير نفسى وبس وبقول ان الغلط مش فى الناس ولا فى الزمن لكن الغلط فيا انا حاولت كتير افضل كده لما حاليا تعبت من الناس اللى حوالينا بجد وفقدت المصداقية فى كل الناس وحسيت انى بظلم نفسى بزيادة انا كان عندى احلام كتير نفسى احققها وكان عندى فكرة جميله عن البشر وكل ده بيتمحى مع الوقت يعنى انا المفروض انى عايزة اكون دكتورة زمان كنت عايزة ابقى دكتورة عشان ابقى جراحة ويمكن احلامى كانت بتوصلنى انى ممكن احاول واقضى حياتى علم عشان اكون عميدة للكلية وبعدين وزيرة عشان اقدر اعمل انجازات واغير نظام التعليم وابقى عملت حاجة فى حياتى وكمان كنت فاهمة البشر قلوبهم مليانة مودة وتسامح لكن فقت على الحاجات دى

هكون دكتورة مش هعمل حاجة غير انى ازود عدد الدكاترة الكبير ده واحد ولو حاربت وتعبت طول حياتى مش هوصل لحاجة لان الناس بعمى قلوبها بقت تمنع اى حد يساعدها وكل الناس شايفين نفسهم صح وبصراحة فى التاريخ المصرى اى عالم او اى حد حب يعمل ابحاث ماقدرش يكمل وينفع بلده وكمان فقت على اننا من دول العالم التالت وان مصر الكيان الكبير اللى كان فى دماغى بقت دولة ضعيفة وان ناسها اللى كنت فاكراهم احسن ناس بيتصارعوا وكل حد بيدور على مصلحته بعد كل ده حاليا حتى لوربنا كرمنى ودخلت الطب مش هفرح ولاهزعل بس عشان افرح ماما وبابا لكن انا نفسى محبطة

عشان كده عايزة اسال العيب فى مين؟
فينا؟
فى غيرنا؟
فى الزمن؟
فى حكامنا؟
فى العالم العربى؟

طب وايه الحل؟