واضح ان حضرتك انسانة مهذبة لكن للاسف الشديد كثير من الناس بيعتبروا ان الادب والتهذب والذوق ضعف وقلة حيلة فى الزمن الاغبر ده، والدليل انها جت بسرعة الضوء عشان تهاجمك بالاسلوب اللى حضرتك ذكرتيه واللى للاسف تقبلتيه ساعتها وده اكبر غلط، عموما محدش بيتعلم بالساهل.
انتى تقابليها وتساليها انتى قصدك ايه بالكلام اللى قولتيه وتشوفى ولو لقتيها مصرة على كلامها اديها فوق دماغها وردى الطاق طاقين وفى نفس الوقت تبعتى شكوى بالفاكس للادارة التعليمية والمديرية بالمشكلة بتاعة المرتب اللى واضح انها السبب فيها وتقريبا بتحاول تاخدك بالصوت عشان تخافى منها،
اسف جدا لو قلتلك انه فى غيبتك مش هيتقال الاستاذة فلانة طيبة ومؤدبة ومحترمة لكن هيتقال فلانة (من غير استاذة) شخصية ساذجة وعبيطة وميتخافش منها والحل انك توقفى كل واحد عند حده خصوصا لو كانت شخصية واطية ومريضة لان الادب مش هيجيب فايدة مع النوعية دى.. اصبحنا فى غابة للاسف!
|
02-04-2012, 10:06 PM
العرض الشجري
