ممتاز السعيد يتلاعب بمليون و200 ألف مواطن

[محمود أبويوسف]

اخواني الكرام ... بعد التحية
طبعا كلنا سمعنا كتير وقرأنا أكثر عن قانون الكادر المجدد اللي فاضحنا في كل حتة
ولم يخطر ببال أحدنا أن يحسب ما سيتقاضاه طبقا للتعديلات التي سمعناها مؤخرا
أنا الآن علي درجة معلم ومنتظر الترقية لمعلم أول والله أعلم مصير الترقية دي إيه....
المهم .. الأساسي بتاعي 289.96 جنيه ... قول 290 دول 100% حوافز أتقاضاها شهريا
الأساسي بتاع العام الماضي 263.28 جنيه ... قول 263 دول 100% كادر أتقاضاه شهريا
يبقي المجموع 290+263= 553 جنيه ..... سيتم خصمهم في حالة تطبيق الكادر الجديد
اللي هايحرم جميع المعلمين من أي حوافز أو كادر سابق .......... طب هاخد إيه ؟
الجداول التي أعلنت فيها المعلم هياخد 1200 جنيه .... علي سنتين ...... يبقي 1200 /2 = 600 جنيه
يخصم 10% أجور متغيرة 60 جنيه ... يبقي فاضل 600-60=540 جنيه !!!!!!!!
يبقي أنا يتخصم مني 553 جنيه عشان أخد 540 جنيه .....المرتب بينقص مش بيزيد
بالزمة ده كلام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ويقول لك كادر المعلمين هيكلف الخزينة عشرات المليارات ... ده هيوفر لك يا عم الحاج النصاب انت
ع الرغم من أن كادر الأطباء سينفذ هذه الأيام وبدون تقسيط .... خزينة الدولة مش هاتعيط دلوقتي .....
المفروض اخواني الكرام يكون رواتب المعلمين كالآتي :
(الراتب الأساسي + العلاوات الخاصة + منحة عيد العمال + العلاوة الدورية ) + 200% بتاع كل موظفين الدولة ويضاف لذلك الكادر الجديد كل معلم حسب مسماه 1000 أو 1200 أو 1500 أو 2500 أو 3000 أو 3500 جنيه .... أمال هو ميزة ليه .......ولا هي فضايح ع الفاضي وخلاص ....
لكم اخواني كل الشكر