ممكن تحكم على حد من دراسته

[prince of scientists]

فى البداية تحياتى للموضوع الرائع ده
ثانيا انا وجهة نظرى ان المؤهل الدراسي والكلية لما تكون كويسة دى حاجة مش وحشة دى بتخلي الناس تحترمك وبتديك موضع اجتماعى مرموق
اما موضوع الاخلاق فده بيرجع للشخص نفسه وتربيته واسرته اللى نشأ فيها واكيد بنلاقي ناس مؤهلات متوسطة وتحت متوسطة محترمين جدا واخلاقهم عالية اووى
ده ميمنعش انى اقول ان معظم الناس اللى فى كليات قمة شخصيات محترمة ومتربية وعلى اخلاق جدا وده عن واقع انا شوفته يعنى اوائل المدرسة فى الثانوية مثلا كانوا شخيات متربية وعلى خلق بجد
دى نقطة كمان انا مقدرش احكم على شخص انه محترم ومؤدب من كليته او من وظيفته
لازم الاحتكاك الفعلي والتعامل معاه
لكن انا ممكن اصف واحد جاب مجموع عالى ودخل كلية قمة بانه انسان مجد ومجتهد وطموح ..الخ
بس مقدرش احكم على اخلاقه من الوضع ده وان كنت مصر على ان الاغلبية محترمين وده راجع لانضياطهم واجتهادهم والاهم البيئة اللى اتربوا فيها هنلاقي معظم اللى فى الكليات دى من اسر محترمة
بالنسبة للاعضاء الكرام اللى علقوا على موضوع الجواز
انا وجهة نظرى ان موضوع انى عاوز اتجوز دكتورة اوهيه عاوزة مهندس او صيدلي ... الخ
دى مش حاجة وحشة الموضوع مش كلية اد ما هو وضع اجتماعى ووظيفة محترمة وشخصية الناس بتحترمها كمان حاجة مهمة محدش واخد باله منها اللى هيا التوافق الفكري والثقافى
لازم الموضوع ده لانه حاجة مهمة بجد مينفعش اكون دكتور مثلا واتجوز واحدة معاها دبلوم مش عشان هيه وحشة ولا مش محترمة لاء بالعكس عشان فى اختلال فى ميزان التوافق الفكري والثقافي ومينفعش بنت صيلانية تتجوز واحد مش متعلم مثلا اكيد مش هيتفقوا على حاجة وهيكونوا دايما مختلفين فى وجهات النظر واظن موضوع التوافق ده قال عليه الرسول صلى الله عليه وسلم ونقطة اخيرة ان المستوى الاجتماعى للدكتور والمهندس والظابط وغيرهم بيقللوا موضوع الفروق المادية يعنى لو الشاب مهندس مثلا وراح يخطب واحدة غنية وهو حالته متوسطة هيقبلوا بيه للاسباب اللى فاتت على عكس لو كان واحد مش متعلم او مؤهله متوسط ...
ميرسي بجد موضوع يستحق المناقشة