فاقد الشى لا يعطية وزوج الام عمرة ما بيكون اب

[aleman]

المشاركة الأصلية كتبت بواسطة الآمبراطور المصرى

منقول على لسان امراءة


انا عندى 35 سنة عندى بنت وولد الولد 10 سنين والبنت 12
منفصلة عن ابوهم من 8 سنين
اتجوزت صغيرة وخلفت الولاد ومشاكلنا كانت بتزيد من عصبيتة ومن قلة خبراتى
ومن الظروف المادية الصعب اللى كنا عايشنها
انفصلت وبنتى عندها سنة مرة وورجعت وربنا رزقنا بالولد وبعدين انفصلت تانى
وقلت خلاص ربنا اختارى كدى وانا راضية
عشت فى بيت ابويا انا واولادى والحمد لله شغلى مكفيهم
بدا تامى تقول لا مقدرش اشوفك كدة تعيشى حياتك لوحدك انا مريضة وابوكى حنموت ونسيبك وكلام من دة
وكنت ارد واقولها معايا ابنى حسة فى الدنيا وبعدين مين حياخدنى بعيلين وانا مش ممكن اسيبهم لحظة
انا حياتى كلها هما جالى عرسااان كتيرررررر
ورفضت كتيرررر
لحد ما جاة جوزى جارنا بيحبنى بقالة 10 سنين
اتقدملى كذا مرة قبل ما اتجوز وبابا كان بيرفضة
لية ؟؟؟؟؟؟؟
هو عندة اعاقة مرض جالة وهو عندة 18 سنة وساب معاة اثر كبير
على المشى
فدة كان سبب رقض يايا
وقعد من غير جواز
والله انا الموضوع دة ما كان عندى فية مشكلة خالص حتى قبل ما اتجوز
المهم اتقدملى بعد انفصالى ووافقت لان قال ولادك مش حيسيبوكى يوم واحد
وقال ان موضوع الانجاب نسيبة على ربنا
قلت مش مشكلة انا ربنا رضانى
واتجوزنا من خمس سنين اخدت ولادى يعيشوا معايا
مش بخلية يصرف عليهم قرش واحد مرتبى كلة رايح فى البيت
هو اساس مش بيعزم بالمصروف حتى ابنى تحت ايدة زى الساعة طلبات لية بيرحلوا الصيدلية فى اليوم و عشرين مرة
مش بيفتكر طلباتة مرة واحدة لا انزل اطلع
بينضف لية العربية
قلبى بيتقطع والله البنت كبرت مبقتش انزلها
مش شايف من غير كل حاجة وحشة دى لسة نايمة دى مش عارفة معيرتش هدومها لدلوقتى
دى بتبصلى ازاى مكشر على طول فى وشها
عمرة فى جياتة ما طلع عشرة جنية واداهة لعيل
انا والله ما محتاجة منة انا الحمد لله ربنا موسعاة عليا من شغلى واهلى حالتهم تمام وبيدونى كتيررر
بس نفسى احس بحنانة عليهم يعوضهم
ابوهم مش وحش بس بعيد عنهم فى محافظة تانية
كان الالو مش بيسال عليهم خالص لكن دلوفتى لما كبروووا بقا عايزهم
البنت كمان عايزاة يعنى ضحيت واتجوزت الانسان دة علشان ولادى يفضلوا معايا
وهو حيضيعهم منى اعمل اية لو قالو انهم عايزين يعيشوا مع ابوهم
انا حياتى خلصت عندهم ولاد مفيش تانى
حياة طبيعية راجل وست مش موجودة ودة اللى اكتشفتة بعد الجواز مفيش علاقة حميمة
ونحمد ربنا وجزاءنا الجنة بامر الله
لكن ولادى لالا الولاد كرهوا خالص
انا عاملة زى الاسد على عيالى ميقدرش يضرب عيل ولا يلمسة
حتى شوية الانوثة اللى كانوا عندى ضيعهم
صوتى بقا عالى بقيت اتخانق لاتفة الاسبابا
وهو عندة بروووود من عجب ابقا حتشل وهو ولا هنا عايز طلباتة وبس ياكل يشرب
يعنى انا ومن بعدى الطوفان
انا عارفة ان فاقد الشى لا يعطية وان الابوة اكتساب بس برضة فين الرحمة اللى ربنا وضعها فى قلوبنا
دلونى اعمل اية اسيبة واعيش تانى فى بيت اهلى بنتى كبرت ونفسيتها تعبت منة اوضاعنا
ابنى بقا يفهم ويقولى انتى مستحملة كدة ازاى
ولادى مش وحشين متربين بشهادة الكل
الاوائل كل سنة قربوا يختموا حفظ القران كان نفسى فى اب مش جوز ام
تعرفوا انى خليت بنتى تتصل بابوها وتكلمة بعد ما قلتلى انا عايزة اعيش فى عالم مفيهوش رجالة خالص غير اخويا
نفسى اعيش فى مكان كلة امهات وستات بس
بقيت احس انها فرحانة بعد ما بتكلم ابوها
ادعولى انا وولادى ودلونى اعمل اية؟؟؟؟؟؟

اسلم حل الانفصال
وتعيش بحياتها بعيد هى واولادها
ويمكن ربنا يصلح الحال بينها وبين زوجها الاول

ابو الاولاد
وهو كويس انه مخدش منها عيل يربيه اما اتزوجت من غيره
ربنا يهدى الاحوال