فاقد الشى لا يعطية وزوج الام عمرة ما بيكون اب

[مريم السباعى.]

غانا عايزة افهم هى عاشت ليه معاه اصلا دة لا جوز ولا اب ولا حتى واحد بيساعدها فى مصاريف يبقى دة جوز جزمة بقا طبعا تطلق منه وتلحق الى فاضل من عيالها بنتها كبرت ولا جالها عريس وجوز امها كدا وابوها بعيد عنها حرام تضيع عيالها هى مغلطتش انها تجوز بس غلطت انها تكمل مع واحد زى دة مرعهاش ولا قدرها دى مش محتاجة تفكير دى كدة فى عذاب اكتر ما هى كانت مطلقة وربنا يعين يارب ويعوضها خير فى عيالها ويصبرها

[الآمبراطور المصرى]

المشاركة الأصلية كتبت بواسطة شروق السيوفى

غانا عايزة افهم هى عاشت ليه معاه اصلا دة لا جوز ولا اب ولا حتى واحد بيساعدها فى مصاريف يبقى دة جوز جزمة بقا طبعا تطلق منه وتلحق الى فاضل من عيالها بنتها كبرت ولا جالها عريس وجوز امها كدا وابوها بعيد عنها حرام تضيع عيالها هى مغلطتش انها تجوز بس غلطت انها تكمل مع واحد زى دة مرعهاش ولا قدرها دى مش محتاجة تفكير دى كدة فى عذاب اكتر ما هى كانت مطلقة وربنا يعين يارب ويعوضها خير فى عيالها ويصبرها

على فكره
افضل للمراءة المطلقة او الآرملة حسب راى معظم علماء الآجتماع
انه تتجوز واحد مبخلفش عشان يعوض مشاعر الآبوة لاولادها
او متتجوزش وحذارى

من الآمومة البيولجية

تترك اولادها عند اهلها وتتزوج هى
ممكن تسبب لهم اكتئاب حاد

+

هيكرهوا امهم جدا وهى هتندم بعد كده

[الآمبراطور المصرى]

بصى فيه امثلة قليلة لزوجات اب افضل من الآمهات ولكنى زى ماقولت قلة بالنسبة للقاعدة العامة
وهذا راى علم الآجتماع لان زوج الآم يغير من ابن الزوجة

وهذا مثال ولا فى الآفلام

منقول على لسان زوجة اب

علش حبايبي استحملونى شويه انا عندى حوالى 48 سنه ومتجوزه هحكيلكو حكياتى من الاول عشان تفهمو مشكلتى انا اتربيت ف بيت متدين وميسور الحال بس انا كان نفسي اشتغل عشان يبقالى شخصيه وكمان كان عندى فكره كدا ف دماغى ان خلاص وصلت لسن عيب ان اخد مصروف من اهلى مع ان بابا فضل يدينى مصروف لحد ما اتجوزت ما علينا

طبعا بحكم ان ليا زمايل اتقدملى شاب زميلي ف الشغل قمه ف الاحترام والاخلاق كان طيب اوى وكل الناس بتحلف باخلاقه وطيبته بصراحه كنت مبسوطه اول ما اتقدملى وكنت معجبه بيه

بس انا كنت اصغر اخواتى وكنت ما شاء الله خلقتى جميله بس كان عندى اخت اكبر منى لسه مخطوبه وبابا قال لما تتجوز ابقا انا اتخطب بابا مرفض فكره الخطوبه بس الشاب ده كان جاهز وعايز يتجوز ع طول

فبابا مرضاش وهو ف الاول والاخر نصيب رضيت بنصيبي وطبعا مكناش بتكلم مع بعض ف الشغل خالص وبابا صمم ان اسيب شغلى بس ماما واختى اقنعهوه وانا ان مفيش حاجه وهو عمره ما هيتعرضلي

المهم نسيته والشاب ده اتجوز ف خلال سنه وماشاء الله خلف ع طول بحكم شغلى كنت بعرف اخباره
بس بعد الجواز لقيته شكله غريب مربي دقنه وحزين حتى شغله مش مهتم بيه نهائي

وشكله عجوز وحالته تصعب ع الكافر بصراحه كنت هموت واعرف ماله
انا اتقدملى ف الفتره دى عرسان كتير واخوتى اتجوزت بس انا مكنتش شايفه فيهم حد مناسب ودى كانت نقطه الجدال بينى وبين والدى

المهم الشاب ده فضل متغيب عن الشغل اكتر من شهر كان نفسي اسال عليه
وزميلنا طبعا كانو بيسالو عليه بس انقطعت اخباره وكان هيترفض وف مره وانا خارجه من الشغل لقيته واقف برا الشركه وبيندهلى اتخضيت وسلمت عليه وسالته مبتجيش ليه وليه شكله تعبان كدا طلب منى ان اعد معاه اتكلم رفضت عشان ميصحش بس اترجانى وكان شكله صعب اوى

روحت معاه اعد يحكيلي حكايه ولا ف الاحلام ان مراته اكتشف انها مش بتحبه واتجوزته غصب عنها عشان اهلها ضغطو عليها وفضلت معيشاه ف مشاكل وبعد ما ولدت سابت الولد ومشت

ولما راح لاهلها ملقهاش وطبعا مفهومه انها هربت وراحت للى بتحبه وسابتله الولد عمره تلت شهور رضيع مش لاقي حد يرضعه طبعا طلقها غيابي ووالدته دخلت المستشفي بسبب الى ابننها فيه من قهرتها عليه

وطبعا الفضايح الى مراته عملتهاله لان كل الناس وقرايبه وجيرانه عرفو
قالى انا بقالى اكتر من شهر مبتكلمش مع حد معرفش ايه الى خلانى اجيلك بس انا عمرى ما نسيتك وانتى اكتر وحده ممكن اجالها
كان من وجبي اقف جمبه خصوصا انه كان غالى عليا اوى صعب ان اشوفوه بالحاله دى ومسعدوش كنت بروح لوالدته المستشفي هو مكنش عنده اخوات والدته خلفته وهى فى سن كبير وكانت كبيره ومريضه صدمه كبيره تشوف ابن عمرها بيحصلو كل ده ربنا يكيفنا شر الفضايح

بس هو محترم الحق يتقال لما كان بيعرف انى موجوده ف المستشفي كان بيمشي وانا كنت باخد ماما سعات واخد اخوتى هما لاحظو انى بحبه وابويامكنش بيرضا بس انا كنت بترجا امى
وكان الست بتصعب عليها ولما روحت البيت كنت بروحلها وطبعا كان هو بيمشي اول لما يشوفنى

بس حالته اتحسنت وانا كنت بهتم بالولد حبيته من كل قلبي بتهيالى انا محبتش عيالى كدا
بس كانت مشكلته الرضاعه واتفقنا مع وحده جارتهم كانت لسه والده انها ترضعه مع ابنها طبعا مكنش سهل لان الوله مكنش بيرضا يرضع منها ابدااااااااااا
والولد اتعلق بيا ومكنش بيسكت غير لما اشيله كنت تقريبا مقضيه معظم اليوم عنده
لحد ما ف يوم زميلي ده طلب منى الجواز تانى
وقالى انه عارف ان المفروض اخد واحد متجوزش قبل كدا ولما راح لابويا رفض بشده
وكنت انا موافقه خصوصا انى بحب ابنه حب بجنون وابويا مخلنيش اروح عندهم تانى
بس فضل ورى ابويا لحد ما وافق ولما انا اقنعته انى بحبه وسبب رفضي لكل الى جوالى انى عيزاه

وابويا كمان شايفه اخلاقه كويسه وكانت كلمته لابويا ان لولا رفضك مكنش حصلي كل ده ومش زمبي ان حصلي كدا انا بحب بنتك ولو ف يوم زعلتها صدقنى مش انت الى هتعقبنى انا الى هعاقب نفسي اشد عقاب

واتجوزت وكانت احلى سنين عمرى ربنا يخليهولى عمره ما زعلنى حتى الشكل بين اى اتنين متجوزين الشكل البسيط ده كنت اول لما ابصله نعد نضحك وكاننا مكناش بنتشاكل ولا حاجه

وقررت انى مخلفش غير لما ابنى(ابن جوزى انا بقول عليه ابنى لانه فعلا ابنى ابن قلبي)
انا اتجوزت وهو كان عنده حوالى سنه وكام شهر

والله حبيته اكتر من نفسي ده ابوه كان بيغير منه من كتر حبي فيه وطبعا اهلى واهل جوزى انا امه
ومحدش كان بيجيب سيره امه الى سبته دى خالص تقريبا نسيناها بس ازاى ده عذابي ف الدنيا ربنا يسامحها

خلفت وهو عنده اربع سنين وجبت ولد وبعديهاجبت بنت وجبت ولد ف الاخر بس ده صغير ف اعدادى عمرى ما فرقت بينهم لو كان في تفرقه كانت لصالح ابنى الكبير الى مشلتوش بطنى شاله قلبيى

لما دخل اولى ابتدائي ظهرت امه وكانت مسافره برا مصر ورجعت وراحت لبيت حماتى وطلبت منها تشوف الولد حماتى شتمتها وفرجت عليها الناس وكانت هتتطلبلهاالبوليس
طبعا مش قادره اوصفلكو حالتى كنت عامله زى المجنونه مفيش ع لسانى غير ابنى هضيع منى كان ممكن يجرالى حاجه لو خدته ده ابنى

بس جوزى فضل يهدنى وقال ان هى مسالتش عليه تانى مرتحتش غير لما عرفت انها سفرت وطبعا الولد ميعرفش انى مش امه واخواته ميعرفوش حتى الى يعرفو تقريبا نسو الحمد لله من كتر حبي واهتمامى بيه

وهو ماشاء الله عليه هادى من صغره ربيته احسن تربيه طالع راجل زى ابوه قمه ف الادب والاخلاق والتدين ربنا يحميه

ولما كان بيكتب الاستمارات المدرسه ف اعدادى عشان خلاص هيروح ثانوى والاستمارات دى عشان الامتحان وبتتقدم للمدرسه السنوى كتب اسمى انا
وطبعا استدعو ولى الامر عشان ف غلط بين اسم الام ف شهاده الميلاد والاستماره
طبعا اضطريت اقوله وكان قلبي بيتقطع بس اتفقنا انا وابوه نقوله انها توفت وهى بتولوده عشان نفسيته متتعبش كنت هقولوه ايه يعنى امك سبتك وانت حتت لحمه حمرا وسبتك وانت بترضع سبتلك فضيحه تعيش بيها طول عمرك كان ممكن يجراله حاجه بعد الشر

هو زعل شويه بس طبعا هو عمره ما حس انى مش امه عشان كدا ده الى هون عليه كنت بموت وانا بقولوه ولقانى بقيت وبقوله انت مش هتقولى يا ماما تانى لقيته حضنى وقالى انتى ماما وانا بحبك اوى وماما الله يرحمها انا هدعلها ع طول بس انتى امى انا معرفش ام تانيه واعد يحضن ويبوس فيا روحى ردتلى تانى

وطبعا فضل يسال مدفونه فين وعايز يزورها كانت جدته بتاخده معاها لما يقول كدا ويزورو جدوه الله يرحمه
بس وكبرو عيالى وهو اتخرج من السن كان شاطر جدا ما شاء الله عليه
ودخل الجيش ضابط تلت سنين هو الوقتى ماشي ف 25 سنه ربنا يطول ف عمره وابنى التانى لسه مخلص ليسانس اداب قسم صحافه
وقرب يخلص الجيش سنه وحده

وبنتى راحه 2 كليه صيدليه والاخير اولى ثانوى
اشتغل ع طول ابنى الكبير وخطب وهو ف الجيش ف السنه التالته ليه بنات ربنا يحميها تستاهلو وهيتجوز قريب مبخليش مراته تفرش حاجه ف شقتها بعمله الحاجه برموش عنيا
ده ابنى ومراته وخده حته منى لو اطول احطها فوق دماغى مش هتاخر من كتر ما بعد اديها نصايح لما يتجوزو تعملوه ايه ومتعملوش ايه بتعد تضحك

فرحانه انه هيتجوز بس قلبي بيتقطع هيبات بعيد عنى مع انى عارفه انه هيجلي كل يوم
انا وهو زى الاصحاب اخواته يعدو يتريقو علينا لما نقفل الباب ونعد نحكى انا ووهو
حنين اوى وطيب ربنا يخليه ويالى التانين برده ما شاء الله عليهم ازكيا وشاطرين جدا بس اشقي اوى دمهم زى العثل

مشكلتى بقا الى حاسه انى هموت خلاص بسببها قريب امه ظهرت تانى بس الله اكبر ربنا يعفينا
عندها المرض الوحش وبعتت ناس لجوزى اترجته تشوف ابنها مره وحده قبل ما تموت هى تعبانه اوى ربنا يشفيها بتقول عيزاه يسمحها جوزى راح زارها وقالها انه ميعرفش انها عايشه ومكنش ينفع نقوله

اعدت تعيط وهى اساسا تعبانه ومش قادره تتكلم وجوزى اجه وحكالى وهيقول لابنه لانها صعبانه عليه برغم كل الى عملته ربنا يسمحها
انا اعمل ايهلو قلتله هيعرف انى كدبت عليه انا مقدرش استحمل نظره عتاب منه اول نظره حزن
ده نفسيته هتتعب لما يعرف كل الحكايه ده داخل ع جواز وحياه جديده

اكسر قلبه ابوظ حياته وغير كدا هيبعد عنى انا امه انا الى سهرت وتعبت عليه انا الى ربيته احسن تربيه

ده ابنى انا حد حاسس بيا ده ضنايا هيبعد عنى هيعرف انى كدابه ولو رجع بيا الزمن طنت هكدب عليه برده
ومقدرش مقلوش حرام ضميري بيعذبنى بسببها هى مريضه ونفسها تشوفه وتتطلب منهه يسمحها

هى حكت لجوزى قد ايه اتعذبت والراجل الى هربت معاه هانها وكان بيضربها وبيعذبها وانها مخلفتش تانى
ويوم ما راحت لحماتى كان عندها امل تشوفه بس محولتش تانى عشان محبتش ابنها يعرفها
وقالت مدام هو مرتاح خلاص
طيب كانت تكمل جملهااا
ابنى بيضيع منى انا حاجه بيت ربنا وخايفه ربنا يحسبنى عليها مش عايزه اقوله
خايفه اوى من الى جاى الى فضلت مدرياه طول عمرى هيتعرف خلاص اخواته محدش يعرف حاجه
وخطيبته كمان متعرفش اعمل ايييه
انا مشتركه ف المنتدى هنا من سنتين تقريبا خطيبه ابنى وبنتى هما الى قلولى عليه مكتبتش بعضويتى عشان بيدخلو هنا وهيعرفوا اعمل ايه قلولى دماغى هتتشل عيانه وضغطى عالى من ساعه ما عرفت
الكل ملاحظ وهو مضايق بسبب تعبي وعمال يقولى مالك يا ماما
مش هسمع كلمه ماما منه تانى ده انا كنت اموت

حاسه انى خلاص اجلى قرب سعدونى اقولوه ولا لا جدتوه ست كبيره ربنا يخليهالنا لما عرفت مرضتش وقالتى مقلوش بس عذاب ربنا اعمل ايييه

ربنا كرمنى بزوج صالح واولاد صالحين وحياتى سعيده بس ده ابتلاء
ابنى هيضيع منى ابوس ايدكو قلولى طولت عليكو معلش حبايبي انتو زى عيالى واخواتى
ارحمنى ياااااااااارب وخرجنى من الكابوس ده

لكنهم قلة

لان د هغريزة زى ماقلت لحضرتك