ليه مؤيد وليه معارض؟

[222ahmed222]

يا انسه نونا مع كامل احترامي لحضرتك
الناس ال ماتوا ماتوا عشان عاوزين بلد تكفلهم كل احلامهم
فلو هم ماتوا ع الاقل اخواتهم او اولادهم يتمتعوا بالبلد دي ف ظل دستور بيكفل لهم كل ال كانوا بيحلموا بيه وال ماتوا عشانه
العقل ال حضرتك بتتكلمي عليه
المفروض تقولي عليه لدكتور مرسي
كان قدامه فرصه تاريخيه انه يجمع الشعب حواليه
احن المعارضين ال انتخبناه ف الاعاده
لو كان وفّى بوعوده كان كل الشعب هيلتف حوله
بس ضميها لسنوات الفرص الضائعه مع الاستاذ مصطفى الفقي
والثوره كما قال دكتور علاء الاسواني لا تقبل بحلول وسط وإلا متبقاش ثوره
وغلطتنا ساعة الاستفتاء على التعديلات الدستوريه قبلنا بحل وسط وهو تعديل الدستور
والاصح اننا كنا نلغيه ونقيم دستوراً جديداً للبلاد
وهذا هو سبب ما حدث لنا من مشاكل وتأخير للفتره الانتقاليه وحل لمجلس الشعب وما إلى ذلك
كان زماننا دلوقتي اديلنا سنه مخلصين الانتخابات والدستور وعايشين حياه كريمه
لذلك انا لا اقبل بتكرار هذا الخطأ ثانية
ومينفعش تقولي المؤيدين مصريين
ماهو طبيعي هيكونوا مصريين يعني
بس دا بيحسسني ان المعارضين من بنجلاديش ولا الصومال مثلاً
على فكره انا صديقي اخواني الانتماء والهوى لسه مكتشف من شويه انه معارض مثلي