اقتباس:
المشاركة الأصلية كتبت بواسطة Baskoota
السلام عليكم ورحمة الله
وعليكم السلام ورحمة الله وبركاته
طبعا اكيد عنوان الموضوع غريب
لا؟
مش غريب؟؟؟
طب كويس والله
المهم يعني انا عايزة اقول ان موضوعي كله بيدور حول الكلمة دي
نفسي اللي يدخل يحاول يرد على اسألتي لاني بجد مش لاقيالها اجابة
ليه البنت اللي بتمشي مع ولد وبتكون متأكدة انه عمره ما هيفكر يتزوجها ومع ذلك بتخدع نفسها وتكمل معاه؟؟؟
والله دى حاجة ترجعلها اما انها وحيدة يعنى مفيش حد بيقعد معاها وفاكرة ان الحياه وردى وطبعا بتكون ضعيفة النفس فبفتكر ان الدنيا حلوة
يأما بنت عارفة كويس ايه اللى بيحصل وعارفة ان النهاية مش حتكون كويسة بس بتستعبط وعايشة لنفسها دور الوهم
وليه نفس البنت دي بعد ما الولد دا يسيبها تروح تمشي مع ولد تاني؟؟
لو بنت ملهاش تجارب فى الحياة ومرت بتجربة واتقرصت وعملت كدة تانى تبقى بتستعبط وملهاش يتقال عليها]محترمة
اما لو بنت مشت مع واحد واتنين يبقى دى مش تستاهل غير ضربة على دماغها وينطبق عليها الحبس والضرب مائة جلدة كما ذكر فى القران الكريم سواء الاولانية او التانية
بس مش على البنت بس وعلى الولد كمان
يقول الله عز وجل"والزانى والزانية فاجلدوا كل واحد منهما مائة جلدة"
الى ان يفتح الله لهم باب التوبة
ليه بنذاكر واحنا عارفين اننا مهما دخلنا كليات عالية برضه في الاخر الواسطة والمحسوبية هي اللي بتغلب في الشغل؟؟
بصى يقول عز وجل"ان الله لا يضيع اجر من احسن عملا"
ويقول عز وجل"قل اعملوا فسيرى الله عملكم ورسوله والمؤمنون ثم تردون الى عالم الغيب والشهادة فتنبئون بما كنتم تعملون"
المهم اننا نسعى مع الايمان بالقدر
ليه الاب والام مش مقتنعين ان ابنهم او بنتهم مش هيتصلح حاله الا اذا بقى دكتور ولا مهندس؟؟
للاسف ده اسمه جهل لان كل شىء مقدر بقدر الله بس المهم ترجع الاصل الى تربية الابن وسعيه وكل شىء مقدر من عند الله
ليه ساعات بتقول انك انت الصح وبتحاول تقنع التانيين بكدا وعارف انك غلط وبتضحك على نفسك؟؟
للاسف هو ده البنى ادم بس الشاطر هو اللى مبيقعش فى الغلط ولو غلط يعترف
ليه بنكره الاعتراف بالخطأ وبنتكبر اننا نقول اننا غلطانين؟؟
عشان فى حاجة فى نفس البنى ادم اسمها التكبر
مفيش حد عاوز يغلط نفسه عشان فاكر انه لو عمل كدة يبقى كرامته اتهانت ادام الناس
ليه مبقيناش نحترم الكبير زي الاول؟؟
ده من علامات الساعة الصغرى وحدثنا النبي الكريم على كدة
ليه كل الناس عايزة تتكلم بس مفيش حد عايز يسمع؟؟
عشان الدنيا بقت مليانة هموم والكل عاوز حد يسمعله
ليه لما بكون داخلة من باب الكلية بالحجاب الشرعي وواحدة تانية داخلة بالاحمر والاخضر ييجي حارس الامن يطلب مني الكارنيه او يقولي لفي من البوابة التانية مع انه عارفني وبيشوفني كل يوم لكن بيسيبها هي تعدي مع انها ممكن يكون اول مرة يشوفها؟؟
دى بقى اسمها قلة ادب وعدم احترام واحنا واخدينها من الغرب
بس بصراحة الغالية هى الغالية والرخيصة حتفضل طول عمرها رخيصة وعرض طلب
ليه بتبقى شهم اوي لو واحد صاحبك طلب منك خدمة انما لو ابوك طلب منك تغسل العربية بتبقى متكدر مع انك انت اللي بتخرج بيها ؟؟
مش كله والله
ترجع لاصل التربية
ليه بتقعدي تكلمي صحبتك بالساعات في التليفون ولما امك تطلب منك حاجة في شغل البيت تقولي انك تعبانة؟؟
الحمد لله مش بتحصل معايا
ليه ممكن تقرأ موضوع 10 صفحات ع النت ومتقراش ولا صفحة قرآن في اليوم؟؟
اى والله بس الحمد لله برضه مش بتحصل معايا كتير
لييييييييييييييييييييييييييييييييييييييييييه؟؟
كفاااية
ولسا كتير
كتير
كتير
بس ليه؟؟
|
جزاكى الله كل خير
ومهما قولنا ليه حنقول هى دى الدنيا ومش حتتغير الا لما نتغير الاول
__________________
عشت دنيا غير دنيتى وصدقتهم وكانت غلطتى مين ده قلبه ابيض فى الزمن ده
آخر تعديل بواسطة Cray_Bird91 ، 26-07-2008 الساعة 04:07 PM
|
26-07-2008, 04:04 PM
العرض الشجري
