ليــــــــــــــــــــــــــــــــــــــــــــــه؟ !!!

[Travel]

المشاركة الأصلية كتبت بواسطة Baskoota

السلام عليكم ورحمة الله


طبعا اكيد عنوان الموضوع غريب

لا؟

مش غريب؟؟؟

طب كويس والله


المهم يعني انا عايزة اقول ان موضوعي كله بيدور حول الكلمة دي


نفسي اللي يدخل يحاول يرد على اسألتي لاني بجد مش لاقيالها اجابة




ليه البنت اللي بتمشي مع ولد وبتكون متأكدة انه عمره ما هيفكر يتزوجها ومع ذلك بتخدع نفسها وتكمل معاه؟؟؟

وليه اصلا هى تمشى معاه؟
هو ممكن يكون استفادة انها تتعلم منه حاجات
او ممكن زى الافلام (اصله .....زى اخويا!!!!)

وليه نفس البنت دي بعد ما الولد دا يسيبها تروح تمشي مع ولد تاني؟؟

علشان خلاص
هى اتعودت على كده
تمشى مع ده ومع ده
هى دى بقت الطبيعة البشرية للجيل بتاعنا

ليه بنذاكر واحنا عارفين اننا مهما دخلنا كليات عالية برضه في الاخر الواسطة والمحسوبية هي اللي بتغلب في الشغل؟؟

يمكن علشان من واحنا صغيريين وجوانا طموح
جوانا تفوق اتولد معانا من ساعت ما عرفنا الدنيا وطلع معانا حب الاكتشاف (الفضولية)
حبينا فى يوم من الايام ان احنا نكون زى عالم او مهندس
او قدوة لشخصية فى حياتنا

ليه الاب والام مش مقتنعين ان ابنهم او بنتهم مش هيتصلح حاله الا اذا بقى دكتور ولا مهندس؟؟

مش كل اب وام بيقولوا كده
هما بيدوروا على مصلحة ابنهم او بنتهم
بس يمكن ..
علشان ان الكليتين دول من كليات القمة
وانتى عارفة بقى لما حد يدخل الكليتين دول
يبقى ايه
يبقى التفوق والامتياز
رغم ان ناس ممكن تكون متفوقة بس حظها ميخليهاش تدخل الكليتين دول

ليه ساعات بتقول انك انت الصح وبتحاول تقنع التانيين بكدا وعارف انك غلط وبتضحك على نفسك؟؟

لا
عمرى ما عملتها
لان الدنيا عاملة زى المدرسة
الانسان هيفضل يتعلم منها لغايت ما يمووت
واحلى حاجة ان الواحد يتعلم نصيحة من القريب له بدل ما الغريب يقولهاله

ليه بنكره الاعتراف بالخطأ وبنتكبر اننا نقول اننا غلطانين؟؟

يمكن علشان الدنيا دلوقت
بقت ماشية ورا (البرستيج ....كوووول....سبور)وكل المصطلحات دى
ف استحالة ان حد يعترف بخطا فى الزمن ده
والا هيكون شكله ....

ليه مبقيناش نحترم الكبير زي الاول؟؟

والله فعلا بقى
دى معاكى حق
لانى مش عارفة احلها
دلوقت اصلا
موصلتش للكبير وبس
دى وصلت للوالدين
واللى بيضايقنى انى اعرف
بنات اصحابى والله يعرفوا ربنا وبيصلوا ومحافظين على الصلاة واوائل
انما تيجى واحدة منهم تكلم مامتها كانها ماسكة العصاية فى ايد
والايد التانية ماسكة........

ليه كل الناس عايزة تتكلم بس مفيش حد عايز يسمع؟؟

برضه
يمكن علشان الدنيا وحالها عى اللى فرضت علينا كده
او يمكن ان كل واحد فى اللى مكافيه ومش ناقص انه يسمع اى حاجة خالص
بس برضه
مش عارفة
(لو عرفتى ابقى قوليلى)

ليه لما بكون داخلة من باب الكلية بالحجاب الشرعي وواحدة تانية داخلة بالاحمر والاخضر ييجي حارس الامن يطلب مني الكارنيه او يقولي لفي من البوابة التانية مع انه عارفني وبيشوفني كل يوم لكن بيسيبها هي تعدي مع انها ممكن يكون اول مرة يشوفها؟؟

والله انا لسه مدخلتش الجامعة (ان شاء الله بعد التنسيق )
بس لو موقف اتعمل معايا زى الموقف ده
انا ممكن بكل هدوء جدا انى ادخل وراها ولا كانى شايفاه
ولو اتكلم هروح لعميد الجامعة لان اخويا لما كان فى الجامعة كان بيحكيلى على المهازل اللى كان بيشوفها

ليه بتبقى شهم اوي لو واحد صاحبك طلب منك خدمة انما لو ابوك طلب منك تغسل العربية بتبقى متكدر مع انك انت اللي بتخرج بيها ؟؟


ليه بتقعدي تكلمي صحبتك بالساعات في التليفون ولما امك تطلب منك حاجة في شغل البيت تقولي انك تعبانة؟؟

ههههههههه
كويس ان ماما مش قاعدة جنبى دلوقت:D:D
لا والله انا اولا مش بكلم حد فى التليفون
يمكن لانى فكرت اعتزل عن كل اللى حواليا
حسيت ان اللى فى المنتدى ناس كويسة فقررت انى ابقى معاها
انما ماما لما بتطلب حاجة بعملها (ماعدا البصل):D:D
بس ممكن استهبل حبة يعنى فى النص لما اكون مخنوقة او متضايقة

ليه ممكن تقرأ موضوع 10 صفحات ع النت ومتقراش ولا صفحة قرآن في اليوم؟؟

لا
الحمد لله
انا بحفظ سورة البقرة
وربنا يهدينى واكملها

لييييييييييييييييييييييييييييييييييييييييييه؟؟

ولسا كتير
كتير
كتير

بس ليه؟؟

لييييييييه ايه تانى
هو لسه فى ليه تانى بعد الليهات اللى انت حطاها
على العموم
والله اسئلتك فعلا جامدة
وانتظر
الجزء التانى من
ليه
وليه

:D:D