استفسار بخصوص الملخصات والكتب الخارجية ل 3ث دفعة 2016

[شرف الزملكاوى14]

المشاركة الأصلية كتبت بواسطة سوسوكاتى

مقدرش أزود على كلامكوا حاجة لان فعلا الكتب دى كويسة جداا ومستواها فوق الممتاز
أنا عندى سؤال بس ينفع اذاكر كل المواد من كتب المدرسة واحل بس من الكتب الخارجية عشان تلاحظوا ان كل نماذج الاجابة من كتاب المدرسة بالصفحة والسطر
يعنى هل ينفع اذاكر الكيميا والجيولوجيا والفيزيا والاحياء من كتاب المدرسة ولا هتبقى مقصرة ؟ مع العلم انها لو فيها تقصير ممكن اشوف الشرح فى الكتاب الخارجى
..
أحب أضيف بردو ان كتاب bravo و merci حلوين جدا فى الفرينش وأحسن من أى ملزمة بس مفيش مانع يعنى تبقى ملزمة مجمعة للمهم كله على بعضه
..
سؤال كمان أنا طول عمرى من اول مادخلت الاعدادى بحب الكتاب الخارجى وبكره مذكرة المدرس اللى باخد عنده أيا كان المدرس شاطر أو مش شاطر انا مش بذاكر منها ولو كان فى معلومات زيادة فيها كنت بزودها فى الكتاب الخارجى
ودايما لما بحل بحل بأسلوب الكتاب الخارجى مش بأسلوب المدرس وده كان بيضايق المدرس وسعات كانت بتوصل انه ينقصنى على ان اسلوبى مختلف عن الاسلوب المفترض انى أحل بيه . واللى مخلينى مصرة انى محفظش من مذكرة مدرس انه مرة حفظت نص فى الاعدادية وكان فى مرة مظهر جمالى المذكرة كاتباه مخالف لكتاب المدرسة وللكتاب الخارجى"بس نفس المعنى " وطبعا انا كتبته زى أسلوب المذكرة ونقصت درجتين عليها ولما كشفت على الورقة لقيته حاسب السؤال خطأ

السؤال بأه هل المشكلة دى هتأثر عليا ولا ايه النظام ؟ لانى خلاص قررت احفظ من كتاب المدرسة وانه يبقى المصدر الأول والأخير للمذاكرة والحفظ ..

عارفة إنى رغيت وطولت كتييير سامحووونى

أنصحك لأ

انا والله اول السة كنت مقرر زيك كده بالظبط انى هذاكر كله من كتاب المدرسة لان النموذج بييجى من الكتاب بالنص وبالفعل نفذت ده فى اول شهر تقريبا وبعدين رجعت تانى للكتب الخارجية ليه بقى ؟؟

اولا لان كتاب المدرسة بيبقى مش منظم خاااالص الصفحة كلها دش ورا بعضها
مفيش حتى اى فاصل بين موضوع والتانى
وده بيصعب الحفظ والفهم منه جدااااااااااااااااااااااااااا

ثانيا ان الكتب الخارجية زى الامتحان مثلا بتضيف حاجات فى الشرح ومتبقاش موجودة فى الكتاب وبييجى عليها اسئلة بالاضافة للتنظيم والتناسق والشكل الجميل اللى موجود فى الكتب الخارجية

ثالثا بالنسبة لنموذج الاجابة .. على فكرة فى اوقات كتييير مش بيلتزم بالنص بكتاب المدرسة ( وده ان شاء الله فى اخر السنة لما تيجى تحلى امتحانات هتشوفيه ) بل بالعكس بيجيب زى الكتاب الخارجى
والكلام ده حصل مثلا فى امتحان احياء 2014 السنة اللى قبلنا
مش فاكر السؤال بالظيط
بس الاجابة كانت كده فى نموذج الاجابة : ( تمر فيها البويضات المخصبة)
وكانت فى الكتاب تمر فيها البويضات ((بس))
وفى كتاب الامتحان تمر فيها البويضات المخصبة ) والكلمى دى ممكن تنقصى عليها

وحتى ولو النموذج كان جاى زى الكتاب بالظبط فميش اى مشكلة والمصحح مش هيقعد يقارن بالحرف