استفسار بخصوص الملخصات والكتب الخارجية ل 3ث دفعة 2016

[أمــلــي فــ ربنـــا كبيــــر]

المشاركة الأصلية كتبت بواسطة سوسوكاتى

مقدرش أزود على كلامكوا حاجة لان فعلا الكتب دى كويسة جداا ومستواها فوق الممتاز
أنا عندى سؤال بس ينفع اذاكر كل المواد من كتب المدرسة واحل بس من الكتب الخارجية عشان تلاحظوا ان كل نماذج الاجابة من كتاب المدرسة بالصفحة والسطر
يعنى هل ينفع اذاكر الكيميا والجيولوجيا والفيزيا والاحياء من كتاب المدرسة ولا هتبقى مقصرة ؟ مع العلم انها لو فيها تقصير ممكن اشوف الشرح فى الكتاب الخارجى
..

انا جربت اذاكر الفيزيا من كتاب المدرسه و كنت هيضع لولا اني اخر كام شهر لحقت نفسي وذاكرت من كتاب الامتحان نصيحه بلاش
و بالنسبه للاحياء هو في ناس كتير اعرفها كانت بتذاكر من الكتاب و كانت بتقول ان الكتاب جميل جدا جربي يمكن يكون حلو
و الجيولوجيا دي اول ما تفتحي الكتاب هترجعي في كلامك كل الكتابه ورا بعضها حاجة تخض الامتحان احسن كتير و كل الجمهريه بتذاكر منه و المدرسين اللي بيصححوا واخدين علي اسلوبه وهم نفسهم بيشتغلوا منه
الكيميا بقي دي فعلا انا كنت بذاكرها من كتاب المدرسه و بس كتاب المدرسه تحفه اوي فيها و نصيح ذاكري منه

أحب أضيف بردو ان كتاب bravo و merci حلوين جدا فى الفرينش وأحسن من أى ملزمة بس مفيش مانع يعنى تبقى ملزمة مجمعة للمهم كله على بعضه
..
سؤال كمان أنا طول عمرى من اول مادخلت الاعدادى بحب الكتاب الخارجى وبكره مذكرة المدرس اللى باخد عنده أيا كان المدرس شاطر أو مش شاطر انا مش بذاكر منها ولو كان فى معلومات زيادة فيها كنت بزودها فى الكتاب الخارجى
ودايما لما بحل بحل بأسلوب الكتاب الخارجى مش بأسلوب المدرس وده كان بيضايق المدرس وسعات كانت بتوصل انه ينقصنى على ان اسلوبى مختلف عن الاسلوب المفترض انى أحل بيه .

دلوقتي خلاص مش هو اللي هيصححلك سيبك من اسلوبه و خليكي مع الاسلوب اللي ينجحك

واللى مخلينى مصرة انى محفظش من مذكرة مدرس انه مرة حفظت نص فى الاعدادية وكان فى مرة مظهر جمالى المذكرة كاتباه مخالف لكتاب المدرسة وللكتاب الخارجى"بس نفس المعنى " وطبعا انا كتبته زى أسلوب المذكرة ونقصت درجتين عليها ولما كشفت على الورقة لقيته حاسب السؤال خطأ

السؤال بأه هل المشكلة دى هتأثر عليا ولا ايه النظام ؟ لانى خلاص قررت احفظ من كتاب المدرسة وانه يبقى المصدر الأول والأخير للمذاكرة والحفظ ..

خليكي زي ما انتي مع الكتب الخارجيه و كتاب المدرسه عشان تبقي في السليم
المدرس دا محدش هيعترف باسلوبه غيره هو و اللي فاهم الماده كويس وعارف ان كلامه صح انما في ناس بتصحح علي اساس نموذج الاجابه و بس دول بيحطوا صفر من غير تفاهم

عارفة إنى رغيت وطولت كتييير سامحووونى

ولا يهمك شدي حيلك