موضوع جميل جدا يا احمد
بجد شكرا لطرحك للموضوع
ربنا يخليك
كان نفسي اتكلم فيه و الله
اعتبرك انت اللى حطيته
بس بالنسبة للمحجبات بتوع البودي و الجينز
دول متعرفش بيفكروا ازاي ؟؟
مفيش اي وجهة نظر مقنعة يقولوها
يعني حتي مش بلوزة و بنطلون واسع شوية
هقولك علي حاجات بشوفها مثلا يعني تلاقي بنات مش عارف ازاي قابلين يمشوا بالمنظر ده
و الله ببقي مكسوف امشي في نفس الشارع
و الحجاب ده بالنسبة ليهم شياكة مش أكتر
و زي ما قالت نسمة السبب بيجي من الاهل الأول
انا فعلا شفت نفس الموقف ام في محل مش عايزة تجيب لبنتها حتي جيبة واحدة
طيب بالعقل كده لو واحدة ماشية بلبس زي ده ازاي هتتجوز بسرعة ؟؟
مين الــ .... اللي هيقبل بكده ؟؟
كتيرررررررررررررررررررر
دي حاجة
و كمان موضوع المنقبات ده الأكتر
انا فعلا و الله شفت بعيني واحدة منقبة مع شاب في مكان مقطووع
و مش أخوها أكيد لأني كنت اعرف الشخص ده من بعيد بأخلاقه الغير محترمة
و كمان كانوا قاعدين في جنب يتكلموا مش مثلا نقول قريبته و بيوصلها
دي حاجة
أقولك علي حاجة مختصرة
شفت الفيلم أعتقد اسمه الكيف بتاع محمود عبد العزيز و الفخراني و جميل راتب
شفت المشهد لما جميل راتب بيقول انه كان بيبيع الشاي مخلوط بنشارة الخشب و الناس كانت تشربه
و لما شال النشارة من الشاي الناس قالت عليه حرامي و غشاش <=== مش عارف ايه علاقته هههه
قصدي يعني أن الناس من كتر ما بتشوف أمثلة كتير جدا وحشة
نسيت أن ده صح
دلوقتي لو واحدة اتنقبت مش يقولوا ربنا هداها لأ
دي يبقي عايزة تنحرف
و تقابل
نيجي بقي لموضوع الدقن ده و هعمل بيه موضوع ان شاء الله عشان انت فكرتني بيه
مش كله يارينجر
مش عارف ابدا ايه وجهة النظر
طيب الرسول قال لا ضرر و لاضرار
حاجة منها ضرر طيب يبقي ايه لازمتها
لأ الاكتر أن ناس طلعت فتوي أن اللي بيحلق لحيته أو يهذبها ده يبقي ملحد
ابقى سلملى على اللى قال كده
و الله قرأتها ( الفتوي نفسها ) علي منتدي من المنتديات
و معااك حق اوووي بالنسبة للناس بتوع الازهر
و الله حصلت كتير قدامي
لدرجة أني فكرت أن الازهر هو اللي بيعمل فيهم كده
دوول بيدخلوا الازهر مرغمين عشان كده بيبقوا عندهم كبت او حاجة زي كده
اه ده رأئى مهم أكيد
لأن محدش يبقي داخل الازهر مقتنع و يعمل حاجة زي كده ابدا
و حكاية المواقع الاباحية دي اللي بقت عند شباب كتير
والله مرة شفت شلة شباب و الله العظيم قاعدين مش هتتخيل فيين ؟؟
قاعدين في المحاضرات ( زي دروس كده ) بتاعت التقديم لمدرسة عين شمس للمتفوقين
يعني دوول المفروض انهم متفوقين و محترمين
و و الله كانوا قاعدين ورايا و مشغلين الموبايل و الصوت عالي
و صاحبه يقوله وطي الموبايل يقوله يا عم ما اللي يسمع يسمع و صوته عالي كمان و هو بيتكلم
عادى يارينجر خد من ده كتير
يعني بجاحة و معصية و قلة أدب
و الله بدون مبالغة
و في أمثلة كتير جدا جدا
و زي مانت قلت ناس كتير بتاخد الدين شفيعا ليها عند الناس
عشان لو واحد قال ده فلان ده كذا يقوله لأ حرام عليك ده بيصلي و عارف ربنا و كذا و كذا
و شكرا لطرحك للموضوع المميز جدا
20-08-2008, 09:37 AM
العرض الشجري
