إيمان بالله....أم هى إكذوبة الشباب؟!!!!

[مروج البحر]

المشاركة الأصلية كتبت بواسطة أحمد2025

ــ (( السلام عليكم ورحمة الله وبركاته )) ــ

أزيكم ياجماعة عاملين ايه وأخباركم ايه يارب تكونوا بخير وفى الجنة جميعا ان شاء الله
بصوا ياجماعة عايزين كده النهاردة فى مشكلة احنا بنصنعها بإيدينا
مش عارف ياجماعة الشباب حصل ليه ايه

بصوا انا هكتب الأول عن البنات
بصوا بقى ياجماعة اناليه تعليق على المحجبات مش كل المحجبات طبعا أنا هسأل البنات سؤال واحد
هى ليه البنت بتلبس الحجاب وتلبس البادى الضيق والجينز الحقير؟؟؟
بتلبس كده لان الاب والام سمحولها بكده للاسف احنا عندنا نقص بل يكاد يكون انعدام الثقافه الاسلاميه
مش عارف انا ايه السبب
ونيجى بقى للمنقبات
بصوا ياجماعة انا بحترم المنقبات جدا بس فى قلة منهم بجد فى قمة قلة الأدب
أنا كان ليه واحد صاحبى عرف واحدة غلط على الموبايل راح يقبلها قالت له انها هتكون منقبة ولقاها منقبة وكان اوشك ان يكون معها علاقة
وكان معايا وحدة فى الدرس كانت كل شويةفى الدرس الاقيها بصه ليه
بجد كان نفسى اقول ليها اعملى حساب للنقاب اللى انت لابساه ده
مش عارف انا ايه السبب

السبب انها بتبقي لبساه عن غير اقتناع بجد بيدوا فكره وحشه اوي عن المنتقبات لما وحده تشوفلاسلوكها ده اكيد هتقول نقاب ايه يا عم ما انا اهو ميه ميه واحسن منها وديه فعلا الحقيقه
فى ناس كانت بتقولى السبب ان مثلا خطيب البنت بيقولها البسى النقاب فهى بتلبسه بس مش على اقتناع فبتكون عادى بقى
انا عايز اقول حاجة
يا نحترم الدين اللى احنا منه ونلبس متحشمين على اقتناع تمام
اصلا مفروض في الدين ولا في حاجه اسمها اقتناع ولا اعمال عقل ديه حاجه ربنا فرضها مفهاش جدال كل واحد بيفكر بطريقه شكل لو كل واحد فكربعقله مفيش حد هيعمل بالدين
يا كل واحدة تمشى فى الشارع سايبه شعرها
ويافرحة الشباب بكدة

يا فرحتهم بيه بجد انا زعلانه علي حال امه ضاع الحياء فيها بل انعدم من الاغلبيه

نيجى بقى للرجاله
وبخص منهم الشباب المتدين قوى
هسألهم سؤال هو احنا لو مسبناش الدقن هيبقى حرام علينا مثلا ومش هينفع لينا صلاة؟؟
طيب ما أنا طول عمرى عامل ***وكة وبصلى
وانا مرة سألت شيخ قالى المفروض تسبها بس لو هتعملك مشاكل شيلها

نيجى لحاجة تانية
انا كنت مرة واقف فى الشارع وواحد واقف على ناصية الشارع وماسك مصحف بيقرأ منه فعدت بنت فلمحها الواحد ده فقعد يبص عليها فبصيت ليه انا كده باحتقار بقوله ايه ياشيخ ده انت شايل مصحف قالى اصل لبسها مش محترم والبنت كانت لابسه جيبه وبلوزة فى قمة الإحتشام

شيخ ايه كله مناظر
حاجة تالته بقى
حبيبنا بتوع الأزهر طبعا مش كلهم أكيد
انا كنت اعرف ناس فى الأزهر ياجماعة بجد قمة السفالة الواحد تلاقية حافظ بتاع 25 جزء وقاعد يتفرج على مواقع اباحية و ميتكلموش غير فى البنات والكورة

وكمان في بنات من الازهر في قمه الانحطاط ربنا يهدينا ويهديهم

أنا مش عارف يعنى ايه حصل للشباب
ياريت بس نبص لدينا شوية ونتقى ربنا فى اللى احنا بنعمله
وياريت ياريت
ألا نتخذ الدين قناعنا لنخفى به معاصينا

والسلام عليكم ورحمة الله وبركاته

مع تحيات

أحمد 2025
عاشق مصر

بجد يا احمد مش عرفه اشكرك ازاي علي طرحك للموضوع الهام جعلك الله سبب في هدايه شباب وبنات المسلمين