ممكن تنظروا للناس دي بنظرة تانية ؟؟!!

[SmSm Basha]

السلام عليكم .... ازيكم ؟!! ... اتمنى يكون الكل باحسن صحة وحال ... وكل سنة وانتوا طيبين ... عيد الفطر (مش بتاع الخروف لا التاني) كمان كام يوم

المهم

اكيد كلكم عارفين المهندس احمد عز صاحب مصانع حديد عز وامين التنظيم بالحزب الحاكم (اللي هو الوطني الديمقراطي يعني) ورئيس لجنة الموازنة والخطة العامة في مجلس الشعب .

دايما بنفاجىء بالهجوم عليه من كل ناحية مش عارف مرة عشان احتكار الحديد ومرة تانية عشان عمل مش عارف ايه في مجلس الشعب و التالته عشان ..... المهم يعني كلها حاجات عامة الشعب ملهاش دعوة بيها .

الحديد بقى ب15ـالف جنيه .... مجلس الشعب ولع ..... الخطة اتحرقت احنا كدا كدا عايشين و السلام .

بس

احمد عز دا بقى بيقدم طن حديد لكل اللي حصل على قطعة ارض من مشروع ابني بيتك او قيمة الطن نقدا لو جبت حديد من حتة تانية .

احمد عز دا قدم 30 شقة في مختلف المحافظات لبرنامج دقوا المزاهر وساعد كتييير من الشباب انهم يتجوزوا .

احمد عز دا كمان قرر ان المتقدمين للبرنامج اللي يفوز بالشقة هياخد كمان ادوات كهربائية واللي مش هيفوز هياخد 50 الف جنيه .

طيب

احنا مستفيدين من انهي جانب ؟؟

اعتقد الجانب الاول احنا مش لينا دعوة بيييه اللي هو احمد عز السياسي اللي بيختلف معاه الصحفيون وغيرهم .

احنا مستفيدين بالراجل اللي ساعد الشباب و بس


طبعا احمد عز انا لا اعرفه ولا هو قريبي ولا ابن عمتي (يا ريت كان زماني متمرمغ في الحديد دلوقتي)

بس كل اللي اقصده ان احنا ممكن نحكم على الناس من خلال تعاملها معانا ... يعني احنا طبعا عمرنا ما هندخل مجلس الشعب دا يبقى عمرنا ما هنتعامل معاه على انه احمد عز السياسي .


و كمان الرجل في خلال تعاملاتنا الشعباوية العامة مفيد يبقى الرجل دا كويس بالنسبة لنا وللا لأ ؟؟



و بالمثل السيد هشام طلعت مصطفى لما بنى مدينتي والرحاب والفور سيزونس احنا برضو ملناش دعوا بيها ولما قتل سوزان تميم برضو ملناش دعوا بيه المهم ان هو كان بيتبرع كتييير لصالح المرضى والمستشفيات دا اللي استفدناه منه يبقى الراجل دا كويس بالنسبة لنا وللا لأ ؟؟



دا رأيي



اكييد في منكم حد مختلف معايا وشايف ان هو لا مفيد وللا حاجة وهو اللي ناهب .(متودوناش في داهية). وكدا

بس كل غرضي من الموضوع ان احنا ننظر للاشخاص دي بنظرة تانية غير النظرة السياسية او الصحفية



بس هو دا الموضوع



اتمنى اعرف ارائكم واعرف مين متفق معايا و مين مختلف ..؟؟!؟ ؟!؟

و ارجوا الا تبخلوا عليا بالمشاركة علشان انا بقيت بكتب في السياسة ومش عايز اتقفش لوحدي