انا لاقيت الاحصائيات دى ع النت و قولت لازم انقلها علشان تكمل فيها يمكن لعل و عسى يحصل تغير ( لا قدر الله )b)
حيث تشير إحدى الدراسات إلى أن:
80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح -
أما في الصحافة
الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"
..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..
ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! -
هيعرفوا منين ان شاء الله ؟؟ ... من حزب الغد اللي تقريبا انهار بعد تفكير رئيسة في الترشيح للرئاسة وللا حزب الوفد اللي مرشحة للرئاسة خرج في فضيحة وخناقة وللا كأننا في السلخانة وللا من الكام حزب اللي اترفضوا ومتقبلش منهم وللا واحد ؟؟
و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -
والله المعلومة دي مش محتاجة ثقافة دي بس محتاجة مناهج تعليمية مش ملو الدماغ اللي في الكتب عندنا او افلام وثائقية مثلا عن الرؤساء السابقين انما ازاي الكلام دا يطلع في قنواتنا المحلية اهم حاجة سكوت هنهبل وحفلات ليالي التليفزيون
وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي - بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) _
الحمد لله اعرف ان في احزاب بس عددهم دا بقى مش اخدناها الصراحة 
( مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات
طب تعالوا نشوف ازاى الشباب المصرى بيستفيد من الانترنت
فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!
اها لا في دي اعيب على الاهل والتربية اللي تقريبا اصبحت شبه معدومة 
.. اقول لحضرتك على حاجة انا في مدرسة فيها ما يزيد عن 720 طالب تقريبا عدد الطلبة اللي "مش" بيتفرجوا على افلام اباحية لا يتجاوز الـ 200 وبيعملوا دا في وسط اليوم الدراسي وفي البريك عاااااااااادي جدا
لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع ال*****ة على شبكة الإنترنت وفقاً لتصنيف محرك البحث جوجل !!..
يا خراشى !
فحين إن العالم كل بيتقدم بسرعة جنونية .. واحنا لسه محلك سر !!
.. يا ترى الفكرة وصلت؟؟ولا لسة؟؟
وملحوظه بسيطه بقى نسيت اقولها تبع الاحصائيات دى برضه
هاري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر
بعدها تيجى سلسله كتب تفسير الاحلام و حظك اليوم و الابراج.
اه يعني كله ما لا يضر ولا ينفع
16-10-2008, 07:25 PM
If YoU ArE RigHt >> NoNe ReMeMbeRs .. If YoU ArE WrOnG >> NoNe ForGeTs 
العرض الشجري
