اه فعلا هو ده"الحرم الجامعى"؟؟؟؟؟

[شموخ مسلمة]

المشاركة الأصلية كتبت بواسطة dr.saeed

اوك

دلوقتى حال الجامعة بوجه عام مش يدل ابدا اننا فى جولة اسلامية
وان دل يدل على ضعف الايمان او الاسلام فى قلوب المسلمين
دلوقتى الجامعة مناظر عجيبة بمعنى الكلمة
أول حاجة لاحظتها فيها العدد الرهيب من الصبيان والبنات الى واقفين مع بعض وكأنهم محارم
تانى حاجة لاحظتها وجود بعض المنتقبات وماشيين مع صبيان وممكن يكونوا اصلا لابسين نقاب على بناطيل ومش عارف هما مخهم فيه حاجة ولا بيستهزأو ولا ايه بالظبط
تالت حاجة ان الجامعة عندنا مقلوبة لكافتيريا
كل ما تمشى فى حتى تلاقى سنتر
واكننا فى وسط صحراء
كلية الطب عندنا طول عمرها السكاشن مفصولة
صبيان لواحدهم وبنات لواحدهم
السنادى العكس مع العميد الجديد
مثلا فى معمل الكيميا
الاقى بنات تعمل التجربة المواد تفور يصرخوا بشكل يلفت النظر
بنت مرة جات ادامى تعمل تجربة قولتلها لو سمحتى مسكة المخبار دى هاتلسعك جامد اول لما المادة تفور
تقولى يعنى ايه؟
اقولها يعنى المادة تطلع مرة واحدة وهى سخنة
هى طبعا فضلت تستعبط وكأنها مش سامعة حاجة
وريتها ازاى تمسك المخبار ورحت لمكان تانى وخلاص
الاقيها بردة نفس الهبل دقيقة وتقوم رامياه وتصرخ عشان حد يروحلها يقولها مالك والكلام الغريب دة رغم انها مفروض عرفت خلاص تعملها ازاى
وقيسى على دة مواقف كتير
تانى حاجة فيه ناس بيعتبروا ان العلم كبت ليهم
وانهم لازم بعد مدة الثانوية كلها يطلعوا الكبت دة فى انهم يكلموا بنت او اتنين
وطبعا دة تفكير عجيب
الجامعة عالم مفتوح وجديد على كتير من الناس
فيه كتير بيحاولوا يجربوه فبيبقوا عاملين زى الى نازل يشوف عمق المحيط
ولا هو هايوصل لاخره عشان يستفاد بحاجة ويمكن الضغط يؤدى فى الاخر ان جسمة يتفتت
كل القيادات الى فى مصر بحس ان هدفهم واحد
يطلعوا اجيال افسد من الى قبلها
فى مرة من المرات قريت حديث فى البخارى انه لا تقوم الساعة حتى ينتشر الزنا فى طرقات المسلمين كتفاسد الحمير
طبعا الواحد يستغرب اوى طب ازاى دة يحصل
لان الحديث بيوضح ان اتقى الناس ساعتها هاتبقى نصيحته ان الزنا يكون فى الخفاء وليس العلن
طب الحالة دى هانوصلها من فراغ؟
لا طبعا
ناس كتير دلوقتى بتوصل لحالة انها مش فى دماغها غير البنات وكذلك بنات مش فى دماغهم غير الصبيان
حتى الملتزمين قليل منهم الى بيدعوا لغيره
ومع قلة الدعوة بيقل الصلاح وبتقل المبادىء وبتقل حاجات كتير
والحاجة الاغرب والمشكلة الحقيقة كلمة
الجماعة
الاقى واحد جاى من هندسة السلاب لجامعة المنصورة
اقوله جاى تعمل ايه هنا
يقولى جاى للجماعة
وهو يقصد البنت الى يعرفها وكدة
وللاسف
كثير من الاهالى عارفين ان فيه علاقة بين ابنهم والبنت دى
وبيسكتوا ويقولوا فترة وهاتعدى
واعرف امثلة كتير لكدة
وفى الاخر جات على دماغ البيت كله
ولما مرة وقفت مع واحد من الى مقتنعين بالمصطلح الغريب دة
لاقيته بدأ يقتنع بكلامى
حتى هو سالنى سؤال غريب
طب اهلى عارفين؟
هل ربنا يبقى غضبان عليا رغم ان اهلى عارفين
كانت الاجابة هل لو اختك فى قسم معاك مثلا هاتخلى كل اصحابها يبقى فى محيط البنات ولا بردة هاتسمح ان واحد يجى يكلمها عشان هو بيحبها وعاوز يرتبط بيها بعد المرحلة الجامعية والكلام دة
طبعا دة موضوع طويل بس للاسف هو الى منتشر حاليا
واصبح الحجة لكتير من الناس انهم يحطوها شماعة لاخطائهم
وعموما الجامعة لكليات كتير بيكون فيه وقت فراغ كبير
واستغلاله بيعتمد على شخصية الواحد
بس اغلب الناس بتستغله اسوأ استغلال
طبعا انتى اعملى الموضوع دة فى اى منتدى
هاتلاقى كل الردود مستنكرة لحالة البنات والصبيان
وتلاقى منهم الى تبيع صاحبتها عشان تكلم ولد
وفيهم الولد الى كل شوية يتعرض لواحده بسوء
وكان الله بالسر عليم
ياريت مش اكون طولت عليكى
وجزاكى الله خيرا

فى امان الله

لا ابدا مش طولت و لا حاجة
بس غريبة موضوع المنتقبات ده
لسة مش جه عندنا
ربنا يستر و مش ييجى
و الله انا مش عارفة الموضوع ده ممكن يتحل و لا ايه
ربنا يستر بقى و يهدى الجميع
شكرااااااااااا يا دكتور ع ردك
نورت الموضوع