اه فعلا هو ده"الحرم الجامعى"؟؟؟؟؟

[طـفـلـة الامـس]

لسة هاكمل
بس مش عارفة هافتكر اى حاجة من كتر اللى بشوفه ولا لاة
ربنا ييسر
المصيبة بقى اللى نسيت اقولها فوق
انى لقيت فى الاخر ان الولد ده لابس سلسلة دهب
والله اعلم ده ملته ايه؟!!!!!!!!!!!!!!
كنت فى اللحظة دى بقى بجد خلاص
طب هاحكيلك على موقف انا مش شفته بس بنت حكيتهولى من البنات المحترمة اللى معايا فى السكشن
بتقولى انها شافت بنت بتسلم على واحد وبتقولى ياريته سلام ايد وخلاص
هى كملت بقى
فاهمانى
يعنى عادى خالص
انتى عارفة والله كان معايا بنات من ابتدائى واعدادى صوتهم ده مش بيطلع اصلا الا لو سالتيهم عن حاجة وبيبقوا فى منتهى الاحراج
شفتهم فى الكلية بقى ناس تانية خالص
ماكنتش مصدقة عنيا ولا النظارة ولا اى حاجة
وطبعا كله كوم ولبس البنات ده كوم تانى خالص خالص
انا حقيقى مش عارفة هو احنا بس اللى عندنا كده ولا مشكلة التبرج دى فى كل حتة
بس مهما كانت مش هاتكون بالصورة اللى هنا ابدا

نسيت حاليا الحاجات التانية بس راجعة تالت وعاشر

بمناسبة موضوع الاخوان
عند بسمة صديقتى هى فى علوم فالمهم دخلهم ولدين من الاخوان يكلموهم ووزعوا اوراق كده عادية يعنى
الولدين اخدوا فصل من الكلية لمدة شهر
ومين اللى بلغ عنهم؟!!!!!!
الدادة اللى واقفة عند المدرج
اخر مهزلة
ربنا يرحمنا برحمته التى وسعت كل شىء