اقول وبأعلى صوت نعم للكادر

[سندريلا العراق]

المشاركة الأصلية كتبت بواسطة m.leader

الاخت العزيزه سندريلا
هحكي لك الحكايه بنظام الف ليله وليه
واكيد هتفهميني لانك كنت بطله احد الحكايا الشهيره..
كان ياما كان فيه وعد واتقال
وعد بتحسين حال المعلم
وعد واتقطع وكان لازم يتنفذ
ومرت ايام وشهور وقربنا ننسي
والكلام كتر والمطالبه بتحقيق الوعد زادت
ولما كتر الكلام كان لازم يبقي في الكلام كلام
قالوا فيه كادر بس بشرط تكون كادر انك تبقي شاطر وهمام
تبقي كادر في تخصصك قلنا وماله وبعده كده التربوي قنا مايضرش بعد كده العربي دي لغتك قلنا ادي الله وادي حكمته
صبرنا صبر الجمال ولكن الاوغاد ماعجبهمش وبداو يسخروا من اللي علموهم الف باء حرف
لقينا جورنالجي حقير بيقول المدرسين رجعوا تلامذه ولقينا وليه امر جاهله بتقول ربنا يسقطهم كلهم دول شويه اوباش
ولقينا كل سفيه بيتطاول علي من امتهن مهنه الانبياء والرسل
ولقينا جنب كل ده شعاع نور في وسط ظلمه حالكه
شعاع نور جاي من بعيد اسمه بوابه الثانويه
وحدث قلوبنا وقوت عزيمتنا ووفرت لمعلمي مصر كل حاجه واي حاجه
برامج لاقي مذكرات موجود اسئله واجابتها اساسي تلاقي
شرح وتعليقات...اهات وابتسامات.. ايد بتحن علينا واحنا بنقول ارحمونا من قسوتكم علينا...
ده مافيش حد فيكي يا مصر ينكر فضل معلميكي الا الجاهل الللي عمره مادخل مدرسه ولا يعرف يقرا ويكتب اسمه
ده بس الاحمق اللي ممكن اعزره لو سب المعلم لانه مايعرفش قيمه المعلم ولا فضل الاستاذ ولا قيمه المربي الفاضل اللي علم ولادنا الاخلاق قبل ما يعلمهم يقروا ويكتبوا...
ظهر الجاحدون .. وانكشفت عوراتهم القبيحه واصبح وجههم القبيح مكشوف لكل من يعي ويفهم
واختلط الحابل بالنابل وحدثت مهازل خلال الاختبار وظهرت النتيجه ونجح من نجح ورسب من رسب
وكانت هناك فرحه بالنجاح ولكنها فرحه ممزوجه بالالم لاخواننا الذين لم يوفقوا
وكان هناك حزن والم لم لم يوفق ولكنه شارك الناجح الفرحه ونسي الامه
وامتزج المشاعر وظهر معدن المعلم المصري الاصيل هنا في بوابه الثانويه
وبدا الجميع يعلن استعداده في مساعده زملائه الذين لم يوفقوا في منظومه حب رائعه.. وانشوده جميله تغنينا بها وعزف الحانها الكثيرون
ولانك لم تعايشينا ولم تعرفينا...لن اقول لك ان الكادر بكل مافيه اصبح لنا طوق نجاه ليس في مدارسنا ولكن هنا فقط في بوابه الثانويه اصبحنا مجتمع صغير واسره جميله نعرف بعضنا البعض ونسال عن بعض ولو غاب منا زميل نسال عنه وكانت هذه هي النهايه السعيده للكادر ولكن....
القضيه بالنسبه لنا ليست اختبار فنحن بفضل الله اجتزنا ما هو اعقد من اختبار الكادر فانا شخصيا اجتزت اختبارات معقده في المركز الثقافي الفرنسي تفوق مائه مره اختبار الكادر الهزلي واعتقد ان معي الكثيرون لم يهتزوا لهذا الاختبار ولم ترتعد فرائضهم من الخوف...
القضيه هي مساله مبدا
ربط زياده نقود باختبار
حقك وبساومك عليه
هذه هي القضيه
لو كان الامر كذلك لكافه الفئات التي تاخذ وضعا ماليا مميزا ماكان هناك مشكله
لو كان القضاه والعاملين في وزاره البترول سيجتازون اختبارا مماثلا فلا مانع لدينا نجتاز المانش طالما ان الكل سيتساوي ولكن
ان نكون نحن فقط.........
ان يسخر منا الحمقي والمشوهين فكريا........
ان نري الاقزام وهم يتعملقون علي اكتافنا نحن .......
ان نشعر بالظلم ونشعر اننا اقل من اي فئه اخري افضل منا ماديا ونحن من علمناهم وزرعنا فيهم القيم والاخلاق.......
كلا والف كلا......
لم ولن يكون.......
انا اعتبر الاختبار فقط تطوير مهني للمعلمين وهذا هو دورنا هنا في قسم الكادر ولكن انا شخصيا ارفض ان يكون الاختبار بهذه الكيفيه..وبهذا السلوب
ومن حسنات الكادر هو معرفتنا برواد منتدي بوابه الثانويه فقط لاغير
خلاف ذلك....
انا لا اريد الكادر ولا اموال بهذه الكيفيه وبهذه المهانه...
انا نجحت والحمد لله ولكني غير راضي..
اتمني ان تكوني فهمتي ما ارمي اليه يا سندريلا ...

انا معاك بكل الي قولته يامستر

بس في حاجه عايزه اعقب عليها

صوابعك مش كلها سوا ومش كل المدرسين زي حضرتك

في مدرسين نسيوا الفضيله ونسيوا انهم ورثة الانبياء

وفي مدرسين باعوا القضيه وباعوا القيم الي المفروض انهم يزرعوها فينا

وفي مدرسين نسيوا انهم بالتبيعه يعودو لوزارة التربيه والتعليم والتربيه هنا قبل التعليم

في مدرسين كان شاغلهم الاوحد هو المال لدرجه حولته من مدرس والمفروض ان ليه منزلة الرسل

الى عبد للماده وهنا هتلاقي مهازل ليها اول وملهاش اخر

المدرس الي يظلم الطالب عشان مبياخذش عنده درس

والمدرس الي يدخل الفصل وميشتغلش عشان يجبر الاولاد ياخذوا درس

"والمدرس الي يقولك دي كلها كم ملطوش هتعب قلبي عشان ايه عنهم ماتعلموا"

والجمله السابقه انا بقتبسها بالنص من مدرس بدون حرف زائد ولا حرف ناقص

بلاش نقيس كل المدرسين زي ما بنقيس الاساتذه الافاضل

في مدرسين لغاية دلوقت يدرسوا بمناهج 96

عشان كده كان لازم يكون في كادر

عشان ميختلطش الحابل بالنابل

وعشان اليابس ميحرقش الاخضر

انا موافقاك على كلامك لكن ده بحالة ان كل المدرسين كانوا مبربين افاضل

نورت الموضوع يامستر وانا فاهمه كويس الي بترمي اليه بس بنفس الوقت ياريت حضرتك كمان تفهم الي بقصده

ادخل موضوع التصويت بتاع تم الغش في الكادر ولا لا وانت هتحس باحساس شنيع

انا الموضوع ده عمري ما هنساه وكنت اتمنى ان الموضوع ده ميقراهوش الطلاب

لما مدرس يقول لو انا واقف على لجنه يبقى الغش عيب وحرام بس لو انا بمتحن يبقى مش عيب وحرام

يبقى اي قيم واي مبادئ دي الي بيزرعوها فينا

بيزرعوا فينا النفاق ؟؟؟؟ تعدد الاوجه ؟؟؟ انفصام الشخصيه والشيزوفرينيا ؟؟؟

الموضوع ده كان انهيار لتمثال المدرس

واكتفي بهذا القدر

نورت الموضوع يامستر وشرفتني بردك