تامر والمليون واتهز على كيف كيفك

[أسيل رزق]

تصدق بالله يا محمود أنا مش هكدب وأقول مش بسمعله

لأ بسمعله هو وغيره ..أى نعم بسمع لما يكون حد مشغل مش أنا

بس إسمى بسمع وخلاص

المهم بقا مصطفى أخويا جه مرة بيقولى هوريكى فيديو برنامج مستضيف تامر حسنى قلتله ورينى المهم واحدة إتصلت بيه بتقوله تامر أنا معجبة بيك و معلقة صورك فى كل حتة فى الاوضة بتاعتى ................

قالت كلام بعدها مش معقول واحدة تقوله

بجد أخويا فضل يضحك عليا من إحراجى ودهشتى فى نفس الوقت

برده كان معايا واحدة فى المدرسة مغرمة بيه .. ومحدش كان يقدر يقول كلمه وحشة على تامر ده أبداً وهى واقفة جت فى مرة بتكلمنى وكلامها كله عن تامر باشا .. و هى أصلاً وصل بيها الجنون انها بتكدب الكدبة وتصدقها " تعرف تامر حسنى وعايز يخطبها ومش عارفة ايه " إصحابى بقوا خايفين من لسانى علشان مايضربوش معايا .. بس الحمد لله فحمتها فى مكانها وهزقتها هى وتامر بتاعها ده .. بعدها حاولت أفهمها إن اللى هى فيه ده غلط ..بس ولا حياة لمن تنادى ..

مُختصر الكلام الناس دى فاضية ومش وراهم حاجة يعملوها وغير كده عاطفتهم زيادة عن اللزوم

يعنى من الأخر

محتاجين علاج نفسى " و أنا فى الخدمة "

ربنا يهدى الجميع

و آسفة على الرغى بتاعى

وشكراً على الموضوع يا حاج محمود