|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#11
10-12-2008, 08:20 PM
|
||||
|
||||
بسم الله الرحمن الرحيم
كان زمان فيه بيت شعر كان دايما بابا بيقولهولي لما اكون زهقانه من المذاكره و هو :- (العلم يرفع بيوتاً لا عماد لها) ففي مره كان بيقولهولي و كنا لسه سامعين عن ان نانسي عجرم اخدت عن اعلان كوكاكولا مليون دولار فاخويا قاله لالا يابابا القاعده اتغيرت و بقت :- (الرقص يرفع بيوتاً لا عماد لها) و دي بقت حقيقه .. قولي كام واحد متفوق و نابغ و مخه شغال في البلد دي و مش لاقي فرصه يا اما يدخل الجيش بعد ما يتخرج تلات سنين و بكده راحت كل احلامه في الهوا يا اما مش يلاقي امكانيات تساعده انه يكمل اصلاً .. عارف لو الكام مليون دول راحوا عشان نطور جامعتنا و تعليمنا للأحسن .. و الله هنبقى احسن من امريكا و اوروبا و الناس اللي سبقونا بقرون دول .. انا ايوا بسمع للكابتن ده بعض الاغاني .. بس مش معنى كده اني بموت فيه يعني و بحلم انه ييجي يتقدم لي زي بعض البنات (مش عارفه اسميهم ايه) و مش معنى كده اني بتابع اخباره و ياااي ايه ده هو هيعمل حفله امتى .. و الهبل ده بصراحه بصراحه .. انا شايفه ان اخبار الفنانين (ده لو حضرتك موافق انك تسميهم فنانين اصلاً) دي مالهاش ادنى اهميه  ايه يللي راح استفيده يعني لما اعرف ان المغنى فلان و المغنيه فلانه هيعمل دويتو ولا هيعمل فيديو كليب ولا ولا ولا مش هستفيد حاجه .. اي نعم ممكن يتحرق دمي عالفلوس اللي بتجري في ايديهم زي الميه و المفروض يبقى فيه عدل يعني و يتصدقوا عليها و يتبرعوا للمستشفيات و كده بس لاحياة لمن تنادي ما علينا ... نهايته ربنا مش بيسيب المظلوم .. و ربنا يهدي الشاب ده و يبطل المناظر اللي في افلامه و كليباته و كلمات اغانيه اللي بجد بحس انها خناقه مش اغنيه  و شكراً يا محمود للموضوع 
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 01:57 PM.
