زوجة واحدة لا تكفى ..,,

[أسيل رزق]

ههههههههههههه

بقا هو ده الموضوع اللى قلتيلى عليه

ليهم حق ال50 اللى دخلوا الموضوع مايردش منهم إلا اتنين بس

ههههههههههه

لما إنتى فى ألسن وبتقولى كده .. امال اللى يا عينى فى آداب زيى حالاتى يقولوا إيه

إحنا يادوبك عندنا 30 ولد والدفعة 600 وطبعاً فى ولاد منهم زى إخواتنا البنات بالظبط!!!

يعنى من الأخر نقطة فى بحر

ومع إن الموضوع عجيب جداً يا نسمة إلا إنى عايزة أقولك إن فى بلد ما فى الخليج جماعة كده كونوا جمعية ضد العنوسة .. المهم وظيفتها إنها تجوز الرجال اللى يقدروا يتزوجوا أكثر من واحدة وبعد فترة .. نسبة العنوسة قلت جداً

بس أنا بعارضك فى حاجة .. يا شيخة حرام عليكى ..

عايزة تجوزى راجل ل 3 أو 4 ستات .. هو اللى معاه واحدة قادر يستحملها

بينى وبينك البنات والستات اليومين دول حاجة تخنق ..مش زى ستات زمان كان فيهم بركة

وبعدين اللى بيتجوز واحدة بنسمع عن خبر طلاقهم بعد شهر

دول اللى بيطلقوا أكتر من اللى بيتجوزوا

يعنى مش طايقين بعض

وكل واحدة عايزة تكون هى صاحبة البيت .. وانتى عايزة تجيبلها 3 كمان

يعنى مش هتعرف تضحك على جوزها علشان يكتبلها كل حاجة بإسمها

ومعلش يعنى أى واحدة أكيد هتكون مرتاحة لما تكون هى الزوجة الأولى والأخيرة

وغير كـــــل ده

هل يا ترى الراجل يقدر يعدل بينهم

مافتكرش أبــداً

أما عن سؤالك بقا

لو كنتى بنت
تقبلى تكونى زوجة تانية او تالتة او رابعة
او تكونى زوجة اولى وجوزك يتجوز عليكى
هتكونى راضية ولا لا؟؟مع ذكر السبب طبعا

بجد لو هو صارحنى بكده وكان السبب مقنع فعلاً .. هروح أخطبهاله بنفسى .. لأنه ماكذبش عليا و إحترامنى وكمان لإنه عايز كده
لكن لو لعب بديله .. هتكون نهايته سودا هو وهى