تقييم و تقويم لمنهج الصف الأول الاعدادي لهذا العام شارك برأيك كمعلم و كطالب و ولي أمر

[mr_mohamed_saad]

السلام عليكم ورحمة الله

راي بصراحه ان المنهج ظالم للطالب لان من وضع المنهج الفه علي اساس كتب الصف الرابع والخامس والسادس الجديدة والتي لا يعلم عنها طالب المرحله الاعداديه بشئ

يا جماعه انا مدرس بمدرسة خاصة اوكل الي العمل في الصف الاول الاعدادي لطلبه معظمهم كانو اوائل محافظتي في الصف السادس انا لن اقول انهم حصلو علي درجات ضعيفه ولكن الطلبه معظمهم اتعقدو من المادة

مادة الرياضيات مادة جميله جداً بس لما احاول اشرح موضوع مثل الاعداد النسبيه وهم لا يعرفون شيئاً عن المجموعات او الاعداد الطبيعيه او العلاقات بينها والعمليات عليها فهذا ظلم للطالب

وكمنهج سنستطيع تقييمه فعلاً بعد مرور عامين من الان بعد تطبيق منهج الصف السادس الجديد

كما ان المنهج غير مراعي للوقت وتوزيع المنهج غير مناسب و عدم كفاية الوقت كان عائق كبير جداً بالنسبة لي بدون حساب( اجازتين عيد + رمضان + اجازات كتيييير ) فكيف بالله عليكم اشرح التطابق(مثلاً) كله بانواعه الثلاثه في فترتين قولت لنفسي ان انا متعمقش في الدرس فوجئت باسئله اخر الكتاب ووجدت بها تمارين للتطابق غصب عن عيني لازم اشرح التطابق كويس جداً عشان المسائل دي تتحل .

كما ان هناك بعض المواضيع الغير مرتبطة بالمنهج ككل حاسس انها ( محشورة وبس ) مثل الحس المكاني ( كان استراحة جميله في وسط المنهج ) والاوضاع النسبيه للمستقيم في الفراغ ( اضطريت الي شرح مفاهيم الهندسة الفراغية في نص فترة وطبعاً محدش لحق يفهم حاجه ) فاكر انت (((احياناً ودائما ))))

واخيراً باقي كام يوم علي الاجازة ما تخلص و باذن الله نبدا اول درس في الترم الثاني التحويلات الهندسية ( الانتقال والدوران والانعكاس ) حاجه سهله ودرس جميل بجد و كنت بحبه جداً زمان وانا طالب بس متنساش ان ابنك حبيبك ميعرفش يعني ايه محاور احداثيات اصلاً

كان من المفروض وضع منهج انتقالي يربط بين القديم والجديد او تاجيل تطوير المنهج لحين تطبيقه علي المراحل السابقه كما فعلو في الانجليزية لما حبو يطورو بداو من الصف الاول الابتدائي وطلعو بيه لحد ثانوي عام

ارحمو اولادنا من .... ايه والله مش عارف اقول من ايه لان اللي بيجرا ده مش عارف الاقيله اي سبب