اقتباس:
المشاركة الأصلية كتبت بواسطة محمد على2007
مابحبكيش
مابحبكيش
باقولها بأعلى صوت ومايهمنيش
مابحبكيش
إن كنتى فاكرة إنى بحبك
أو جبت سيرتك مره
أو شوفتى قصايدى مليانه باسمك
ماتصدقيش
مابحبكيش
إن كنتى مره لمحتى دمعى م الفراق
أوشوفتى نظره حايره طايره فى اشتياق
إوعى تقولى إنى هويت
والا اشتكيت
والا انا طِرت فى الهوا
والا انا ريش
مابحبكيش
مابحبكيش
محتاج أقولها كل يوم
مرتين والاَّ تلاته
وباستماته
علشان ماتوصل من وراكى ومن أمامك
تقفلى الشباك تنامى هاتلاقيها فى منامك
تخرجى البحر الكبير
هاتلاقى موجُه بيرميها لك
وبدون شماته
رساله جايه م الغريق ليكى
ياللى فى وسط بحر الموج نجيتى وماغرقتيش
مابحبكيش
إن كنتى فاكره انى باريدك
أو رهن إيدك وبالِف ف بلاد الغرابه
شايل ربابه
علشان ألاقى نور عنيكى والتقيكى أو مالتقيش
ماتفكريش
مابحبكيش
لَفى عليكى .........
على قلب بيموت بين إيديكى
على كلمه تاهت من زمان
وسط قواميس الزحام
تنده عليكى
وماترديش
علشان أقولك بأعلى صوتى
ومايهمنيش
مابحبكيش
محمد على
|
ياااااااه ليه كل القسوة دى الكلمات جميلة ورائعة بس صعبة على اى انسان يتحملها اكيد القلب اللى قال كده اتجرح واتظلم ظلم كبير اوى شكرا يا استاذ محمد على الكلمات الجميلة دى
19-02-2009, 05:38 PM
العرض الشجري
