المراه الان

[BaNZeR]

المشاركة الأصلية كتبت بواسطة اوركيديا

و هو ايه الفرق بين الخلع و الطلاق


و لا هو عشان المرأه هى اللى بتاخد الخطوه الايجابيه فى الموضوع يبقى بقى مختلف عن الطلاق

اوركيديا انتي باين عليكي حتقلبيها خناقة بين الولاد والبنات
مين قال إنه الخلع خطوة ايجابية
وطبعاً القرار اللى تاخده المرأة غير القرار اللى بياخده الراجل
امال ازاي الرجال قوامون على النساء
عشان النساء تكون صاحبة القرار بعدين؟
خطوة ايجابية لما تفكك اسرة كاملة ؟
لما تبيع العيال والزوج عشان تعيش جو الرومانسية مع شاب تاني ؟






هههههههههه

منطق معوج
على اساس ان الراجل معصوم
و عمر ما حد بيوقع بينه و بين مراته و عمره ما طلق على طول
لو قولنا الخلع بيقتل يبقى الطلاق بيقتل
و ممكن على المنطق ده اقول انا خايفه اتجوز
يحسن جوزى يطلقنى على طول
محدش قال إنه الراجل معصوم
بس متنسيش إنه المرأة اكثر حساسية او بمعنى آخر
بتتأثر بالمواقف اسرع وتغلب عاطفتها تفكيرها

وعشان كده الرسول قال "ناقصات عقل ودين"
يبقى نسيب للعاطفة القرار في هدم الاسرة ؟؟؟؟


اها و شرحه فى حاله الطلاق

مش فاهمه ايه الفرق الجوهرى بينهم
ماهو ممكن يطلقنى و يشوفله واحده غيرى
حلال عليه حرام عليا
هو لو عجبته واحدة تاني حيتجوز عليكي
طمع بقى


و مع اول اعتراض يقولها انتى طالق بالتلاته و بتحصل

ده اولا
الراجل مبيقولش كده إلا لما تكون المصيبة كبيرة
مش مع أي خناقة يروح يقولها انتي طالق
ثانيا
بتحسسونى بجد الست اول ما تروح تقولهم جوزى بيتكلم و هو نايم يقوموا مطلقينها
لاء فى جلسات صلح و حاجات وديه
و قانون للاسره
و جلسات و محاكم و حكم قضاء
مفيش حاجه اعتباطا
ياريت لما نتكلم على حاجه نكون عارفين احنا بنتكلم على ايه
مش نمشى ورا الكلام
محاكم ايه بس
اللى عايزة تخلع بتخلع
ممكن يطلعوا الزوج مجنون رسمي عادي يعني




بتعذب ؟؟؟

هو لازم الست تتعذب عشان تطلب الطلاق
ليه هى مش انسانه زيها زيه و من حقها تكون حاسه بالحنان و الاستقرار فى بيتها و لما تحس بالضرر تطلب الطلاق
زى ما اى راجل لما يحس بالضرر بيطلق مراته
ليه فاكرين ان الراجل لا يخطئ و لما يقول انتى طالق تبقى دى شيطانه من شياطين االانس و تتعوذوا منها
ليه فاكرين ان الست لما تخلع جوزها دى جريمه اخلاقيه
عشان طالبت بحقها و وافقها القضاء و الحكم و الشريعه
نتكلم بمنطق شويه لو سمحت



اها و كام بقى عدد المطلقات فى اليوم ؟؟
عايزين بس كلام بالدليل
مش عايزة اي منطق وخلاص
حتجيبي المطلقين قد المخلوعين
عن نفسي بصراحة معرفش


ههههههههه
نفسى اعرف على اى اساس حضرتك بتتكلم
لما حد مش يكون عنده علم بمسأله ما فمش يتناقش فيها
لما تبتدى الكلام و تقول على حاجه فى الاسلام غلط مش عارفه اسمى ده ايه ؟
و الكلام مش كان محرم كان فيه دعاوى بردو بتترفع للضرر بس كانت بتاخد وقت اكبر و كان فيه هجر لمسكن الزوجيه
اما بقى كلام حضرتك على محدد بضوابط
فياريت تقرى الكلام كله الاول قبل ما تتكلم لو سمحت

اعتقد الحديث واضح

على فكرة انا الموضوع اللى مبردش عليه بكون قريته كله برده
يبقى الاولى طبعاً اني بقرأ موضوعي اللى حرد عليه كله

الحديث قريته
وعشان كده قلت منعرفش ايه ضوابطه

طيب الحديث التاني كان مكتوب ايه في قضية الخلع

مش كان الامر إنه يرجع زوجته لبيت اهلها ويديها كل اللى اخده منها ؟؟
طيب ده بيحصل في قانون الخلع؟

احنا مادام بناخد بالشرع مينعفش ناخد النص اللى عاجبنا ونسيب الباقي

فلو كان القانون صح يبقى احنا بنطبقه غلط
ولو كان شرعاً غلط يبقى الحكاية كلها غلط اصلا

انا حقولك حاجة واحدة
هاتيلي الآية اللى بتتكلم عن الخلع وانا اسيبلك كامل المنصة

احنا بنتكلم عن حديث او حديثين حصلوا في ظروف خاصة واحنا بنعممها
ومش عارفين نطبقها صح

انا مش مفتي ولا شيخ عشان افتي
بس اشمعنا عندنا في مصر اللى عملنا القانون ده
هو اكتشفوا الحديث ده بعدين مثلاً ولا ايه

وبعدين زمان الناس كانت بتفهم ومقدرة للحياة الزوجية
لكن دلوقتي بقى الشباب غير مسؤول بالمرة
وبالتالي بقت قضية الخلع ده سلبية جداً
بيستفاد بيها كام
5%
ولا
10% لو وصلت؟

انا مش شوفت صراحه و لا حقيقه من الحقائق دى

اما لو حضرتك شايف وجه نظرك حقيقه
فده موضوع تانى

شكرا على راى حضرتك

فى رعايه الله

انتي شايفة انو المخلوعين كتروا الايام ده مش حقيقة؟؟
ان الحكاية ده باظتت بسببها اسر كتير مش حقيقة؟؟

امال ايه نوع الحقيقة اللى عايزاه بالظبط ؟؟؟

وفي الاول وفي الآخر ادينا بنتكلم
ومش محتاج العصبية ده في الرد ياوركيديا

انا مستعد اتنازلك كمان عن قانون الطلاق ونخلي الخلع مش مشكلة

بس الموضوع مش اهلي وزمالك ومش لازم التعصب ده
خلينا نتكلم بالمنطق والهداوة

وانا محترم وجهة نظرك جداً ومفيش مانع من المناقشة