|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
24-11-2009, 10:26 PM
|
||||
|
||||
هم بيكرهونا عشان .......
 العرب بيكرهونا (كمصر)لأن... طبعا مصر هي اكبر دولة عربية من حيث القوة و التاريخ الحافل و المشرف _مش كلام شعارات_ حاربنا اليهود كتير اوي و اخر حرب كانت لصالحنا .. و في المقابل الجزاير و كل الدول العربية تاريخها ما يجيش 1/10 من تاريخ مصر .. و دي حقيقة محدش يقدر ينكرها.. حتى في التاريخ القديم مش الحديث بس. و هم و انا واثق يتمنوا حتى لو يبقى عندهم نكسة 67 مش شرط نصر بس اي حرب(استثني سوريا). يعني انا ضحكت لما سمعت كلمة الجيش السعودي مؤخرا لان دول ناس محاربوش من ايام الفتوحات الاسلامية. و انا اخشى انهم يكونوا عرضوا على المصريين في السعودية فلوس عشان يحاربوا ضد الحوثيين زي ما حصل في حرب العراق و ايران..لان السعوديين للاسف اصبحوا بيحبوا الدنيا عشان تلال الفلوس و مفيش اسرة هترضى ابنها يموت في حرب.فهيدفعوا بالمصريين زي ما حصل بالضبط في حرب الكويت بس دي كانت قوات مصرية رسمية و خلونا احنا اللي نقف قدام خالص عشان احنا اللي نموت و هم يعيشوا. ثانيا الاحساس بالغيرة لان مصر بخلاف انها اكتر دولة عربية حاربت اسرائيل .. فهي الدولة العربية الوحيدة اللي هزمتها._و زي ماقولت تخيل اننا انتصرنا في الوقت اللي هم كانوا يتمنوا اي حرب في تاريخهم حتى لو هزيمة_. مفيش ولا دولة هزمت اسرائيل غيرنا .. حد هيقولي لبنان.. هقوله لا قصدك حزب الله. مع احترامي لحزب الله و اعجابي الشديد بيه .. بس النصر على المستوى الاقليمي حاجة تانية خالص..يعني انت بتحارب بجيش نظامي و باسم دولة مسئولة قدام العالم او ما يعرف بالمجتمع الدولي. اما حزب الله فهو مش مسؤول عن الشعب اللبناني و محدش يقدر يفرض عليه عقوبات لكن مصر تحملت مسئولية ان كان ممكن يتفرض عليها عقوبات من مجلس الامن. الموضوع مع احترامي الشديد لحزب الله هو عبارة عن ... مصر معناها راجل خد حقه بايده.. انا موضوع لبنان فهو راجل خد حقه عن طريق طفل مثلا بحيث انه يبعد مسؤوليته عن اي مسائلة. ثالثا .. محدش يقدر ينكر ان مصر و القاهرة هي عاصمة الاشعاع الثقافي في العالم العربي..يعني هي مسيطرة بشكل شبه تام على الثقافة العربية حتى كل العرب بيفهوا اللهجة المصرية و ان العرب بينظروا لمصر ان هي قائد التنوير للعرب و هي اللي بتعلمهم ثقافيا او تربويا يعني مدرسينا في كل الدول العربية و الاساتذة الجامعيين..الخ. و رابعا و خامسا و سادسا.. بعد كل ده .. من الضروري ان كل الدول العربية بدون استثناء و منهم الجزاير يعجبوا بمصر حتى لو انكروا. في جزاء منهم تحول اعجابهم لحب لمصر و كل ماهو مصري.. و في اخرين و دول كتير و منهم الجزاير ان تحول الاعجاب ده لحقد خصوصا ان الجزاير دولة غير مؤثرة بالمرة في العالم العربي. اعتقد ان اسباب الكراهية اللي اسمها الدقيق هو الحقد بقت اسباب واضحة. عشان كده تلاقي العرب لما يحبوا يشتموا المصريين بيقولو حاجات تفاهة زي يا بتوع الفول و الطعمية يا بتوع شارع الهرم(و هم يعلموا جيد ان الغالبية العظمى من المصريين ملهوش دعوة بالمسخرة بتاعت الرقص و قلة الادب) و كمان يجوا يقولولنا يا بتوع كامب ديفيد و احنا ما قولناش اننا بنستعر من كامب ديفيد ,عارفين لو مكناش عملنا كامب ديفيد و خدنا بقيت ارضنا كانو هيقولونا ياللي ارضكوا محتلة و دلوقتي بيقولولنا يا بتوع كامب ديفيد فهم مدام حاقدين يبقى مش هيعجبهم حاجة. يقولو بس "احنا هنحارب لغاية اخر جندي مصري".  يعني ببساطة لو لقيت حد احسن منك هتعجب بيه .. بس يا اما تعجب بيه وتحبه ..او تعجب بيه فتحقد عليه و تحسده و بالتالي تكرهه..و هتحاول تعايره بأي حاجة هبلة لانك مش لاقي عيب فيه. و احنا كل لما بنتقدم او بنبقى اقوياء اكتر او تاريخنا بيضافله حاجاة جديد زي عالم مثلا او جايزة علمية او اي حاجة هم حقدهم بيزيد و كل لما يشوفو مثلا فيلم ناصر و السادات الله يرحمه او اي حاجة تخصهم بياكلوا في نفسهم اكتر. بس لازم العرب اللي بيكرهوه مصر و هم مش قليلين لازم يعرفوا ان مصر ربنا كتب عليها انها تكون بلد عظيم في كل حاجة و بلد قوي و انه مش هينفع تبقى اي دولة منهم اعظم مننا و يسألو نفسهم ايه سر ذكر مصر في القرآن اكتر من مرة و كلام الرسول عن جنود مصر؟ و يحطوا في بالهم بيت الشعر العظيم "انا ان قدر الاله مماتي لا ترى الشرق يرفع رأسه بعدي". "وقف الخلق ينظرون كيف ابني قواعد المجد وحدي". فيا ريت يحبوا مصر و يبصولها انها سند ليهم مش منافس. و اللي هيكرهها هو اللي خسران مش احنا. الموضوع كله يتلخص في الحقد و الحسد. اسف على الاطالة بس ده عشان الموضوع يبقى واضح. و اتمنى انه يكون وضح.. سلام عليكم..
__________________
.jpg)
|
|
#3
25-11-2009, 12:21 AM
|
|||
|
|||
|
الحديث الثالث: يا أيها الناس إن الله قد أذهب عنكم عبية الجاهلية وتعاظمها بآبائها
عن ابن عمر -رضي الله تعالى عنهما- أن رسول الله صلى الله عليه وسلم خطب الناس يوم فتح مكة فقال:  يا أيها الناس إن الله قد أذهب عنكم عبية الجاهلية وتعاظمها بآبائها، فالناس رجلان: بر تقي كريم على الله، وفاجر شقي هين على الله، والناس بنو آدم وخلق الله آدم من تراب قال الله:  يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ   أخرجه الترمذي، وأورده الشيخ الألباني في السلسلة الصحيحة. قوله: قد أذهب عنكم فيه أن دين الإسلام دين كمال، شامل لكل الخيرات منقىً من جميع السلبيات، دين شمل جميع المصالح الذي يكون بها قوام الدين والدنيا والآخرة. وقوله: عِِبِّيَّة أو عُبِّيَّة الجاهلية يعني الكبر والتفاخر، قال بعضهم: مأخوذ من عباب الماء إذا ارتفع، والمتكبر يرتفع على الآخرين. وقوله: وتعاظمها بآبائها فيه ذم التعاظم بالأنساب على سبيل انتقاص الآخرين وازدرائهم، وأن من اتصف بذلك بتعصبه بالنسب أنه متشبه بالجاهليين في تعصبهم وتفاخرهم بآبائهم، وهنا يحسن أن يقال: إن تفاضل الناس فيما بينهم في الغالب لا يخرج عن أربعة أمور: بالنسب ،وبالحسب، وبكثرة المال، أو كثرة الولد، في الغالب أن هذه الموازين يفخر بعض الناس على بعض أو يتفاخر الناس بها، ولكن هذه الموازين لاغية لا تنفع أصحابها إلا إذا كانت في طاعة الله: فَإِذَا نُفِخَ فِي الصُّورِ فَلَا أَنْسَابَ بَيْنَهُمْ هذا ميزان النسب، وميزان الحسب والفخر بالعشيرة: يَوْمَ يَفِرُّ الْمَرْءُ مِنْ أَخِيهِ وَأُمِّهِ وَأَبِيهِ فإن كان حسبه منصبه أو سلطانه، فقارون وفرعون لم ينفعهما جاههما ولا حسبهما. وأما ميزان كثرة المال والولد: يَوْمَ لَا يَنْفَعُ مَالٌ وَلَا بَنُونَ بقي ميزان واحد جاء مفصلًا: إِنَّ أَكْرَمَكُمْ عِنْدَ اللَّهِ أَتْقَاكُمْ وليس على عبد تقي نقيصة إذا حقق التقوى وإن حاك أو حجم، فإذا رأيت الإنسان يفتخر بنسبه أو بعنصره، أو بقوميته الإقليمية أو القبلية، ويزدري الآخرين فاعلم أنه متشبه بصفات الجاهليين؛ فالجاهليون كانوا يتفاخرون ويتعاظمون، وانظر إلى أبي جهل لما صعد ابن مسعود على ظهره أو على بطنه احتقره قبحه الله، ولمزه برويع الغنم من الأنفة التي كان يعتز بها، ولكن لم ينفعه ذاك: فقـد رفـع الإسلام سلمان فارسا وقد وضع الشرك النسيب أبا لهب وقوله: بر تقي وفاجر شقي هين على الله، أيضًا يفيد أن التقوى هي الميزان وهي الرفعة الحقيقية، وقوله والناس بنو آدم، هذا فيه رد على النظرية الإلحادية التي تزعم أن أصل الإنسان كان حيوانًا، وهي نظرية كما قيل: بطلانها يغني عن إبطالها، ونكارتها تغني عن إنكارها، وسقوطها يغني عن إسقاطها، نظرية النشوء والارتقاء والتطور، بأن أصل الإنسان كان قردًا، ثم مع تقادم الزمن تكوَّن حتى أصبح بهذه الصورة، فهذه نظرية كفرية إلحادية. وقوله: والناس بنو آدم وخلق الله آدم من تراب فيه أن أولى الناس بالبعد عن ذلك هم أهل العلم ودعاة الخير؛ لأنهم أعلم الناس بأسباب التقوى، وأسباب التواضع، وأن يكونوا أبعد الناس عن التفاخر بأنسابهم وأحسابهم، ومن أسباب تفرق المسلمين التعصب للقومية، فهناك قومية عربية بحكم الانتماء للعنصر العربي، وهناك قومية إقليمية، أو قطرية أو قَبَلية، وكل هذه القوميات كلها من طبائع الجاهليين؛ لأن الإسلام نبذها وجعل الرابطة الشمولية: إِنَّمَا الْمُؤْمِنُونَ إِخْوَةٌ .وفي استدلاله أو في ذكره -صلى الله عليه وسلم- لهذه الآية مسألة يحسن أن تذكر، وهي ما يسمى بتضمين الكلام للآيات، يقول بعض أهل العلم: لا يجوز أن تضمن الآيات في كلام الناس ألبتة، بمعنى: لو كنت تتكلم في كلام ثم دخل شخص أو تكلم شخص مثلًا اسمه يوسف، فتقول يوسف أعرض عن هذا، أو رجل اسمه موسى في يده شيء تقول وما تلك بيمينك يا موسى يمنع من هذا منعًا باتًا، وبعض أهل العلم يقسم المسألة إلى أقسام ثلاثة فيقول: إذا كان تضمين القرآن للكلام الماجن فهذا حرام لا يجوز؛ لأنه استخفاف واستهزاء بالقرآن الكريم، وقد ذكر بعض الأدباء في كتبهم أمثلة أُجِلُّ لساني وأسماعكم عنها. والقسم الثاني: أن تذكر الآية في الكلام الجادّ وليس بالهزل من باب التأكيد، وهذا يجوز كما فعل النبي -صلى الله عليه وسلم- في كثير من الأحاديث ومنها: إذا أتاكم من ترضون دينه وأمانته فزوجوه؛ إلا تفعلوه تكن فتنة في الأرض وفساد كبير ومنها قوله صلى الله عليه وسلم: الله أكبر خربت خيبر إنا إذا نزلنا بساحة قوم فساء صباح المنذرين ومنها: لما أتى النبي -عليه الصلاة والسلام- إلى بيت علي
|
|
#5
25-11-2009, 01:14 AM
|
||||
|
||||
|
هل غلط اني افضل شعب عن شعب .. بان الشعب ده حارب و الشعوب التانية لا؟
مش ده جهاد و استشهاد. ثانيا:.. انا بشرح وجة نظرهم في انهم بيكرهونا .. يعني حضرتك تروح تقولهم الكلام ده.يعني ده الكلام اللي بيدور في عقولهم.و انا قولت في الاخر جملة هي انهم المفروض ينظروا لينا اننا سند ليهم مش منافسين. المهم شكرا لمرورك.
__________________
|
|
#7
25-11-2009, 05:07 PM
|
|||
|
|||
|
طب بالراحه كده يا اخى محمد فوكس
بدايه انا مصرى زيك وبحب بلدى زيك بالظبط بس بختلف معاك فى اللى بتطرحه وبتقوله وانا مبختلفش معاك فى ان العرب بيكرهونا انا بختلف معاك فى اسباب الكراهيه دى فحضرتك قلت التاريخ واحنا حاربنا واحنا عملنا وسوينا فمبدئيا كلام حضرتك غلط لان كل العرب حاربوا وعملوا وسووا مش الجزاير دى على سبيل المثال اللى ضحت بمليون ونص مليون شهيد علشان تنال استقلالها ومش الجزاير دى هى اللى دفعت تكاليف الاسلحه اللى حاربنا بيها فى اكتوبر وهى اللى بعتت اكبر مشاركه عسكريه فى حرب اكتوبر واللوا اللى شارك فى الحرب هو اللى دافع عن السويس بعد الثغره؟ ومش العرب اللى بتقول مستعدين يحاربوا لحد اخر جندى مصرى هم اللى دخلوا سلاح البترول فى المعركه وكان سبب رئيسى فى الضغط على اسرائيل لانهاء الحرب ومش يومها الملك فيصل الله يرحمه قال انه مستعد يفضل مانع البترول حتى لو رجعوا تانى يقعدوا عالارض وياكلوا تمر وقبل كده فى حرب 56 مش جالك متطوعين يحاربوا معاك من كل البلاد العربيه ومنها الجزاير ؟ وقبل كده مش حرب 48 دخلها كل الجيوش العربيه النظاميه وحاربوا فيها وحاربكمتطوعين برضه كل العرب؟ فحلو اوى انك جبت التاريخ لان درس التاريخ الاول اللى نستفيده ان احنا عمرنا ماحققنا اى انتصار ولا هنحقق اى انتصار الا لما نحارب مع بعض كبلد واحده وامه واحده فعلا وده اللى حصل فى 73 فبالعكس ممكن حد يرد على الكلام اللى بتقوله حضرتك ويعايرنا ويقلنا ده احنا اللى ساعدناكم فى 73 وقبل 73 (بالمناسبه مصر كانت بتاخد اعانات من الدول العربيه بعد النكسه علشان تقدر تخللى اقتصادها اقتصاد حرب وتسد عجزالموازنه) وتانى درس هناخده من التاريخ اللى حضرتك بتستعرضه ان تاريخنا تاريخ المصير الواحد يعنى اكيد العرب مكنوش بيساعدونا علشان حبابى عنينا انما علشان مصيرهم مرتبط بانتصار مصر فى الحرب فده اللى لازم نستوعبه ان حنا مصيرنا واحد واللى هيئذى الجزاير هيئذى مصر واللى هيئذى مصر هيئذى الجزاير وبقية العرب واحنا اقدر اقول ان كتير اوى من مشاكلنا جاى من احتلال العراق وفلسطين لان انت كعرب غصب عنك تعتبروا بلد واحده فى المصير والمصلحه والجغرافيا وكل حاجه فده اللى لازم نستوعبه وده اللى يخلينا احنا اللى لازم نشوف العرب بيكرهونا ليه ونشتغل احنا من خلال اعلامنا او حتى من خلال كلام كل واحد فينا على شات او ميل او فايسبوك او غيره مع واحد عربى نشتغل على ان العرب ميكرهوناش ثانيا حضرتك اتكلمت عن التاريخ بس فين الحاضر؟ يعنى لو زى ماحضرتك بتقول العرب بيكرهونا علشان احنا كنا احسن منهم وحاربنا وعملنا طيب كنا ده فعل ماضى فين انت كمصرى دلؤت؟ فين انت فى كل المجالات هل انت اللى بتصدر الغاز لاسرائيل وبتطبع معاها وبتقوى اقتصادها وهى بتقتل اخوانك ومحاصر مليون ونص مليون مسلم فى قطاع غزه وخايف من اسرائيل ولما حد يسئلك انت مدعمتش حزب الله ليه فى حرب اسرائيل ضده فقلت انتم عاوزنى احط ايدى فى بق الاسد هل انت نفسك اللى بتعمل كده وبتقول مالي دعوه بالعرب يولعوا هل انت نفسك اللى حاربت وعملت وسويت؟ هل انت نفسك اللى كنت بتعمل حضاره وبتشع ثقافه عالعالم ايام الاربعينات والخمسينات والستينات هل انت نفسك دلؤت اللى اقصى حاجه بتصدرها الرقاصات وافلام عربى ام الاجنبى وشركات الكليبات ووووووووووو وهل انت نفسك دلؤت اللى اكتر من نص شعبك جاهل وامى واللى بيتعلمه تعليم زى قلته وانتم فى بوابة الثانويه واكيد حاسين بكلامى وتتخرج معاك اى شهاده والسلام ولا لها قيمه او فايده هيحقدوا عليك على ايه؟ على قطوراتك اللى بتولع ولا عباراتك اللى بتغرق ولا بيوتك اللى بتتهد فى الدويقه واسكندريه وغيرهم ولا شعبك اللى بيتخانق علشان رغيف العيش ومش لاقيه ولا ايه بالظبط فحضرتك زى مابصيت التاريخك انظر لواقعك هتلاقى قيقه مؤسفه جدا وهى ان كل العرب احسن منك دلؤت وانت مش احسن من اى بلد عربى اللهم الا البلاد المنكوبه زى السودان والعراق والصومال اينعم بفلوس البترول بس اهم استغلوا فلوسهم واتقدموا ببلادهم انت عندك فى بلدك ثروات قد كل العرب ومبتستغلهاش ولا بتتقدم فبالتالى انت مش احسن من اى حد دلؤت علشان يحقد عليك وبالمناسبه بما انك شعرت بالاهانه دلؤت علشان الضرب فى المصريين ليه مشعرتش بالاهانه لما المنتخب راح الامرات يدوهم منح ونفحات بمناسبة فوزهم ببطولة افريقيا وليه مشعرتش بالاهانه لما دكاتره مصريين اتجلدوا فى السعوديه ولما مصريين اتعدموا فى ليبيا ولما مصريين خطفتهم امريكا وحطيتهم فى جوانتنامو ولما مخبر يثبتك فى الشارع يقلك بطاقتك ومتقدرش تفتح بقك ولما تلاقى واحد من اولاد بلدك فاتح عليك مطواه وبيقلك طلع اللى معاك ولما اطفال بلدك بيتخطفوا فى عز النهار وبيتباعوا اعضاء بشريه واللى بيبيعهم اولاد بلدك ولما بتسمع كل يوم تقريبا عن حوادث ****** لبنات بلدك علىايد اولاد بلدك من غير ماحد يعمل حاجه فاهانتك وبعترة كرامتك فى الخرطوم ماهى الا نتيجه لسلسلة اهانات طويله بتحصلك جوه بلدك وبراها وانت ساكت ومبتتكلمش فالاهم دلؤت ان يبقى كلامك اننا نحافظ على كرامتنا جوه بلدنا على تبقى محفوظه براها النقطه الاخيره اللى عاوز اتكلم فيها هو القوميه العربي وكلامك اننا عملنا علشان العرب وفى الاخر بيكرهونا المشكله ان حضرتك بتنسى ان عملنا علشان العرب ده مصلحتنا اولا يعنى حضرتك جبت مثال لاننا حاربنا فى الخليج ضد العراق فده لو احنا مكناش بنحارب تحت سيادة الامريكان كان هيبقى مصلحتنا لان امريكا مكنتش جايه تحرر الكويت انما كانت جايه تسيطر عالبترول فلو انت كنت بقيت فعلا بجد فى الموقف ده الدوله العربيه الكبرى ودافعت عن الكويت بكده انت كنت هتبقى بتستفيد من بترول الخليج بدل ا مر ي كا و قيس على كده كل حرب كنا ممكن ندخلها وقلنا مالناش دعوه زى حرب غزه ولبنان لو كنا ادينا دورنا كدوله عربيه الكبرى وحاربنا كنا احنا اول ناس هنستفيد ونحقق مصالحنا وبما انك بتتكلم عن التريخ احنا مبناش السد العالى ولا عملنا نهضه الا لما حاربنا فى 56 ولو انت كنت اديت دورك بجد كدوله عربيه كبرى كنت هتبقى ليك مهابه واحترام ومحدش يقدر يمس كرامتك وعلشان تبقى الدوله العربيه الكبرى لازم تجزب العرب ليك وتحببهم فيك فبدل ماتشتم فى الجزاير لو انت عاوز تاخد حقك لازم تكلمهم وتشوف هم بيكرهوك ليه وتشيل اسباب الكراهيه دى والسبب الرئيسى للكراهيه دلؤت هو الموقف المصرى ايام الحرب على غزه فلازم يبقى كلامك موجه للعرب بانك تقولهم وتشرحلهم قد ايه احناساندنا غزه ايام الحرب ووقفنا معاها وعملنا وسوينا بكده هتخللى الناس تحبك فكرامتك هتيجى من محبة الناس ليك وبكده هتخللى الناس تحبك فتبقى قوى ودوله كبيره فعلا بمحبة الناس ليك |
|
#8
25-11-2009, 05:16 PM
|
|||
|
|||
|
اقتباس:
كلام سليم جدا الف شكر |
|
#9
25-11-2009, 05:23 PM
|
||||
|
||||
اقتباس:
انا شايفة ان ده كلام مظبوط  جزاكم الله خير
__________________
لكل من قرأ حرفا اجتهدت فى اخراجه بصورة لائقة ..استودعكم الله ..لا تنسونى من صالح دعائكم ...فانا بحاجة اليه ..سلام الله ورحمته وبركاته .. http://www.thanwya.com/vb/showthread...91#post2171091 |
|
#11
27-11-2009, 03:42 PM
|
||||
|
||||
|
د.رفعت اسماعيل..
اولا ان العرب يشاركوا بالمال ده اضعف الايمان. ثانيا الرك على اللي بيشيل السلاح زي ما حنا عارفين. المهم بقى..حضرتك بقى قلت ما تتكلمش عن التاريخ و اتكلم عن الحاضر..اولا التاريخ مهم و بيكون سبب كرايهة رئيسي.و هم عندهم عقدة نقص في التاريخ. و انا حاسس ان حضرتك شوية شوية هتقولي اننا محاربناش في 73 و هم اللي حابو بدلنا..و انا معلوماتي مش تفصيلية عن الموضوع ده بس انا عارف ان الدول العربية بعتت مش جنود مقاتلين بعتت مثلا شرطة عسكرية لان قواتنا كلها في القتال.و بعتت خدمات طبية و حاجات كده..و زي مانت قولت احنا لو مكانش انتصرنا كانت هتتهد على دماغهم كلهم.مصريهم مربوط بينا مش العكس. لكن حاليا..انت بتقول انت فين كمصري..احب اقولك..انا عارف ان اوضاعنا منيلة بنيلة.. لكن هل العرب اوضاعهم احسن مننا طبعا لا..و طبعا مش تلكم على الفلوس لانهم اغنى مننا طبعا و كل الابراج و الناظر دي بناها مهندسين و عمال اجانب و مصريين. بالنسبة للعلم .. تظل مصر هي الاحسن.. و الا كنا شفنا عالم من عندهم بقى..احنا عندنا علماء كتير و محدش خد نوبل غيرنا و اعتقد ان ده مش تاريخ ده قريب..و مش شرط يطلع في التلفزيون او ياخد نوبل حضرتك تعلم ان لينا في الخارج علماء بالهبل. و العرب بيتعلموا عندنا و بنبعتلهم مدرسين و اساتذة جامعات. موضوع بقى الراقصات و الكيبات الزبالة .. انا عارف و انت عارف و هم عارفين .. ان الشعب المصري غير كده خالص و بيرفض كل الوساخة دي..و على فكرة هم كمان بيعملوا كده بس انا عارف ان فيهم رافضين ده. موضوع الغاز بتاع اسرائيل انا معترض عليه و مش هبرره..بس ده موقف حكومي. بالنسبة لموضوع غزة .. يعني عايزنا نعمل ايه .. مش معقول هنخليهم يعيشوا في سيناء و نخلي اسرائيل تبرطع في غزة. و بعدين احنا بينا و بين اسرائيل اتفاقيات.بالنسبة للموضوع ده. و بالنسبة لموضوع بقى المخبرين في مصر و الاهانة جوه مصر و الاوضاع الزبالة.. انا موافقك .. بس ده مش هيمنع حقد العرب علينا مصر مر عليها فترات سيئة زي دي كتير. العرب افضل مننا في حاجة واحدة بس..هي الفلوس و الفلوس بتحل حاجات كتير من العيوب اللي في مصر. لكن نقص الفلوس في مصر مش عيب لان السبب هو الحروب. و شكرا لمرورك..
__________________
|
|
#12
08-02-2010, 11:14 PM
|
||||
|
||||
|
السلام عليكم و رحمة الله و بركاته مش حبا فى سياسة الحزب انا ليه تعقيب صغير اولا مصر (الحكومة) عملت حاجات غلط فى حق العرب و قبلهم فى حقنا كشعب يعنى يا جماعة احنا اساسا كعرب حربنا مع اسرائيل من ايام 1948 و كانت علشان نحرر فلسطين و ده كان حاجة كل الدول العربية مش مصر بس بتعمل عليها و كان الشعار الارض مقابل السلام و فضلنا نحارب كتير و كان اكتر ناس المفروض انها تحارب بكل قوتها هى الدول المجاورة مصر و سوريا و (الاردن) جينا فى 73 و العرب متحدين و كله شارك كل العرب مش مصر بس تغير الشعار المصرى الى (ارضى مقابل السلام) يعنى اخد سينا و مليش دعوة بحد و قطعنا علاقتنا بكل الدول العربية و سيبنا الحليف بتاعنا اللى هو الاتحاد السوفيتى اللى عمل لمصر كتير و كتير اوى و له دور كبير فى حرب اكتوبر و روحنا اترمينا فى حضن امريكا و السادات قال فى مجلس الشعب : احنا بقينا تبع امريكا و الدولارات هتنزل ترف علينا و السنوات العجاف مرت و وقعنا اتفاقيات سرية تعمل حكومتنا بمقتضاها لحد انهاردة و فى حاجات ريحتها بدأت تظهر زى تصدير الغاز لاسرائيل برخص التراب انا مش معترض اننا نصدر لاسرائيل بس اصدر رخيص ليه ليييييييييه و يرجع ولاد الكلب اليهود يدوه لاخواتنا الفلسطينين بتمنه العالمى و بيتهيئلى ده يزعل الحجر اللى فى الشارع مننا مش العرب بس و بعد كده سياسة كل الحكومات العربية اتغيرت الى شعار السلام مقابل السلام و خلاص اسرائيل بقت دولة زينا و لازم نطبع العلاقات معاها دى حاجة فيه حاجة تانية نصر اكتوبر المزيف احنا اتهزمنا فى اكتوبر 73 هتقولو ازاى امال ايه هنعبر و الضربة الجوية و ال 2000 مدفع و انهيار خط برليف كل ده كانت اللحظات الاولى من الحرب او الساعات الاولى بعد كده ظهر الاختلاف الكبير فى سياسة السادات اللى الناس بتمجد فيه نشرح بالتفصيل الفريق سعد الدين الشاذلى هو اللى حط خطة العبور ( المآزن العليا ) و كانت بتقول ان الجيش بتاعنا هيعدى القناة و هيحتل 12كم بس شرق القناة بمحاذاة القناة و يفضل الجيش بتاعنا تحت حماية مظلة الدفاع الجوى سام و اى طيران اسرائيلى هيقرب هنلبه . طبعا هنقول و اشمعنا عشان اسرائيل فيها عيب جامد فى الجيش وهو انها بتوقف كل مرافق الحياة داخلها و بتعتبر كل الاسرائيلين جنود هتحارب فهى كانت بتعتمد على الحروب القصيرة و الضربات و المناورات السريعة عشان متقفش اسرائيل فى الداخل فالشاذلى قال ما احنا ناخد ال 12 كيلو و نستنزف قواتهم بس الزعيم الرائع السادات قال لا لا لا لا احنا نطور الهجوم يا عم مينفعش يقول لا و اصدر اوامره بتطوير الهجوم و كان اى سنتوفة هتخرج برة مظلة الدفاع الجوى هتكون فريسة سهلة فى ايد الطيران الاسرائيلى فجت الطيارة الامريكية اللى بسرعة الصوت و مسحت مصر و لمحت الثغرة اللى حصلت بسبب تطوير الهجوم و الامريكان راحو قالو لاسرائيل عليها و عملو الخطة وسموا العملية غزالة و حاصروا الجيش التالت و جه شارون و يجان و ادان و عدوا القناة و وصلوا للسويس و كانو على بعد 40 كيلو من القاهرة فاى انتصار انتصرنا احنا اللى روحنا نعرض السلام عليهم و اترمينا فى حضن امريكا العدو الاول للاتحاد السوفيتى اللى ساندنا كتير اوى هو اللى بعتلنا سلاح و كان بيبنى مصانع فى مصر و تقدر تقول كدة من غير فلوس و بنى لينا السد العالى نسيبه و نروح لواحد كان بيحارب ضدنا فى الحرب و السادات لخص حربنا مع اسرائيل فى سينا بس و قال مليش دعوة ببقية العرب يبقى انتصار ايه و طبعا كل مصرى عارف ان احنا دلوقتى فى سنوات عجاف بالنسبة لزمان وكل ده و مش عاوزين العرب يزعلوا و بعدين شوفوا خسايرنا و خسايرهم و المنطق بيقول ان انا اتحكم فى اقتصاد دولة بل وبكل ما بها من بعيد افضل مليون مرة من انى احتل جزء بسيط منها و افضل احارب عليه نيجى بقى لاحتقار العرب للمصرى ده لانه مهان فى بلده و لانه بيشوفه جاى يعض فى الارض فى بلده عشان الفلوس اصبح و كانه شخص بيتحكم فيه بفلوسه احنا مشكلتنا فى الحكومة تخيل لما اكتر من 90 % من الشعب بيكره الحكومة ازاى ده الحزب الوطنى هو حزب الاغلبية و الله و ده يمين ربنا هيحاسبنى عليه انا معظمهم فى الحزب لخدمة مصالحهم الشخصية و باقة شىء اير عاوز اقوله ممكن ننسى القومية العربية لان لا عزة الا بالاسلام (ولا فرق بين عربى او اعجمى الا بالتقوى) يعنى ايران دى اللى عمالين يكرهونا فيها عشان هما شيعة و الله هما احسن مننا لانهم تعلموا مما فات و عملوا بذلك المقتضى و بمقتضى الشريعة الاسلامية اللى الناس بيسموها رجعية و ده موضوع كبير اوى فمش هتكلم فيه و ملاحظة اخيرة هى مفيش حد احسن من حد العرب كلهم شبه محتلين محدش مالك قراره كل دول الخليج امريكاا بتسلى عليهم و اخر حاجة صواريخ الباتريوت اللى جابتها امريكا للقواعد العسكرية اللى هناك و قال ايه للحماية من الصواريخ الايرانية طيب انت هتحمى قواعدك بتبيعها للخليج ليه يعنى امريكا تبيع السلاح للخليج عشان ينحط فى قواعدها ههههه قمة الاستخفاف عبد الناصر و نظامه الاشتراكى مكانش الصح بس هم اشتغلو و عملو حاجات حلوة كتير مصانع و شركات و نهضة كبيرة الحاجات دى اللى هى اتخصصت و اتباعت لمسثمرين اجانب ضيعوها و اخيرا بقول يا رب نجينا ده معظم الشباب ميستوعبش مفهوم الوطنية و السلام عليكم و رحمة الله وبركاته |
|
#13
08-02-2010, 11:34 PM
|
||||
|
||||
|
أنا سايفة ان العرب بيتعاملوا معانا عادى لان مش من مصلحتهم انهم يبينوا انهم بيكهرهونا
لان هما اعذورنى بجد بجد ملهملش لزمة اصلا فى نظرى الشعوب التانية احنا ال بنديهم منظر قدام العالم كله احنا ال بنحميهم احنا على مر العصور ال بنساعدهم والتاريخ كله يشهد بكده لكن اهم حدثين كانوا بيوضحواكره العرب لمصر فى نظرى معاهدة كامب ديفيد لما اتصحالنا مع اعدائنا الاسرائلين وقالوا ان دى خيانة ومش اكتشفوا الحقيقة ال حب يعلنها السادات غير متأخر أوى والأحداث ال فاتت مع غزة لما مارضيناش لما حكومتنا مرضتش تفتح المعابر بس دا مش بمزاجنا احنا كمصريين دا فعل حكومتنا بس متهيالى انهم بيغيروا من مصر كشعب متوحد الحمد لله الى حد ما مفيش فرق بين مسلم ومسيحى فى المناصب سواسية حتى فى المعاملة وللاسف بالرغم ان مصر بتقدملهم المساعدات وساعدتهم فى كتير من الحروب لكن معظمهم ناكر للجميل ولو عاوزين بجد نرد عليكوا يا عرب يالى عاوزين تشوهوا صورة مصر اقروا فى ال فات ودوروا فى الدفاتر القديمة هتلاقوا وراء كل دولة عربية مصر بتساعدها
__________________
الحمد لله على كل شئ |
|
#14
09-02-2010, 02:24 PM
|
|||
|
|||
|
ياعم فوكس منور ودو رت عليك علشان أقولك مبروك-- متأخره شويه معلش
ياهوارى--أنا شفت ناس كتير وقليل حللوا الحروب بطريقه هزليه وأكاذيب (ناس كذابه ووحشه)------- لكن إنت بسم الله ماشاء الله حللت ببراعه مالها نظير ع الإطلاق -الله يسهل لك -- لوقلت فساد مالى البلد( ماشى)ناس كسبوا المليارات م الهوى(أنا معاك) واسطه ومحسوبيه والعيشه طين (دى حقيقه)----- لكن النصر اللى شهد بيه العالم وأولهم الصهاينه نفسهم تقوللى ما حصلش-طيب أقول إيه لدم أخويا اللى نزف على أرض سيناء----ومن يومها والصهاينه بيعملوا لك ألف حساب -ولا أنت نايم ولا تشعر بكل مايدور من حولك----- بكل سهوله و‘إنت تحت التكييف أو على تربيزة السفره تضييع كفاح بلد ودم ألاف الشهداء عشان زعلان من شىءمعين إنت أدرى بيه---ياترى إيه رأيك ياعم فوكس ---- البلد اللى محروق دمنا على كرامتها جانا هوارى ورماها فى البحر-----وأنا متأكد إنه يتمتع من خيرها أكتر منى ومنك --ودى المصيبه إجعلوها فى قلو بكم وعقولكم مصر المصريين - بجد تستاهل نحافظ عليها مش نتبارى فى الإساءه لها------------ إعتذار --تم التعديل بعد ما عرفت أن الإبن هوارى طالب بالثانوى --ورغم أنها كارثه أن يكون فى هذاالسن ولديه كل هذه المعلومات الخاطئه وهذا الفكر المدمر فعليكم ان تتخيلوا ماذا يحدث لو أصبح هذا الطالب مدرس دراسات أوتربيه قوميه ------ ماذا سيقول للطلبه بالله عليكم أليست كارثه لشباب اليوم ومسئولين الغد------------لك الله يامصر |
|
#15
09-02-2010, 02:37 PM
|
||||
|
||||
|
اقتباس:
فقد تعامل السادات بحكمة حتى اوصل الامور إلى التعادل ! وده في حد ذاته انتصار كفاية إنك قدرت تروض البلد اللى قالت عن نفسها "الدولة التي لا تقهر" خاصة مع خط برليف اللى دمروه المصريين في لحظات ارجوك لا تقرأ كثيراً لكتاب حاقدين او محللين يهود او تابعين لهم ! |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 06:43 PM.
