أسرار.......البنات!!!؟؟!!

[د/بسمة الاسلام]

المشاركة الأصلية كتبت بواسطة أحمد2025

ــ (( السلام عليكم ورحمة الله وبركاته )) ــ

أزيكم يا جماعة عاملين ايه؟ يارب تكونوا بخير وفى الجنة جميعا ان شاء الله
مش عارف بقى ياجماعة أنا ليه الحق ان اكتب موضوع زى ده ولا لا, بس عامة انا مش بحب اسيب حاجة فى قلبى ومبقولهاش,ولو انا أخدت فرصه فى المنتدى حقيقى هكتب حاجات كتير قوى

وعليكم السلام ورحمة الله وبركاته اتفضل

كتير ياجماعة أنا بفكر,بفكر فى البنات,بفكر ازاى عايشين؟ ازاى هما مستحملين الدنيا كده؟ ازاى العادات والتقاليد دمرتنا قوى كده؟؟

حضرتك تقصد ايه بدمرتنا ؟؟
مش عارف لغاية دلوقتى انا ايه فى دماغى اكتبة بس انا عايز اقول ان البنات اتظلموا قوى فى مجتمعنا
مش عارف بس ممكن يكون أنا متأثر بحاجات بتحصل للبنات فى المجتمع علشان كده انا بكتب الموضوع
بيبقى فى ضغط وتوتر قوى على البنت من المجتمع نفسه
احنا احسن من غيرنا
فى بنات كتير قوى هتفهم الموضوع من أول سطرين أنا كتبتهم فوق بس أنا مش عايز أدخل فى تفاصيل علشان....
يا جماعة مجتمعنا وحش قوى
حرام نعمم ليس الكل جيد ولا الكل سيئ
يعنى ايه بنت تبقى ماشية فى الشارع وهى خايفة؟؟
لا معلش محتاجين
وقفة هنا
هل تخاف من تحتشم وترتدي حجابها الاسلامى كاملا .؟؟
هل تخاف من تتوكل على الله وتقل دعاء الخروج من المنزل ؟؟
هل تخاف من تخرج على وضوء متكلة على رب العالمين الى عمل أو الى علم او زيارة اقارب او اي مكان غير مشبوه؟؟
هل تخاف من تمشي على استحياء وقورة ؟؟
هل تخاف من تسير نهارا أمام عيون الناس جميعا لمكان محترم ؟؟
هل تخاف من لا تفعل شيئا تخاف منه ؟؟
أنا والحمد لله بنت واعلم من البنات الكثيرات والكثيرات وكلنا الحمد لله لا نخاف ونحن سائرون


يعنى ايه بنت تغطصب من عالم زبالة وهى ملهاش ذنب؟؟


المشكلة في الغالب مشكلة الشباب نفسهم
طبعا نقص الوعى الديني و الاجتماعى
ربنا يتولى كل الشباب الضايع ويهديهم
اللهم اميييييييييين
ومعلش ملهاش يد في الموضوع
هو غالبا بصورة او بأخرى بيبقي لها يد من قريب او بعيد
على العموم من تتوكل على الله وتستعين به وتسأله ان يحفظها فالله هو خير حافظ و لن يمسسها أحد بسوء ان شاء الله
يعنى ايه بنت لما تعدى 20 سنة ومتخطبتش تقوم القيامة عليها؟؟

تقوم القيامة .. ده برده فضى من الناس الى بيقوموا القيامة دول وقلة حيلة
المسألة مسألة قضاء وقدر
والبنت الى في الظروف دي متحطش يدها على خدها وتقعد تسمع لأحاديث من لا يفقهون حديثا لازن تعرف كويس انها عقل مفكر ويد تنتج وقوة بشرية ويجب ان تغتنم شبابها قبل هرمها ومدام الله لم يوفقها بعد لتقوم بمهمتها في الحياة كمربية اجيال و زوجة صالحة تستطيع ان تقوم بها بصور شنى وتصلح المجتمع وتنمى وتطور وتساهم في بناء النهضة حتى يقضى الله امرا كان مفعولا


يعنى ايه بنت تبقى حيتها كلها لغاية ما تجوز خوف وقلق وتوتر؟؟

لا معلش مش كلنا ولا حتى معظمنا
هناك الكثير والكثير من المنجزات تنتظر نصف مجتمع و والدة ومربية النصف الاخر لتنجزها وتنهض بها

يعنى ايه بنت لما تنجرح من حب مبتبقاش عايشة بعد كده؟؟
ههههه
يعني سيادتك شايف ان الوفاء قليل عند الشباب
وانه بيتسلي
وان مبيحبش بجد
وانه وانه
المشكلة ايضا في الطرف الاخر
اما البنت فقد خلق الله نبع الحنان
وتستطيع ان تحب زوجها بكل زرة من كيانها ولن يلومها احد
وقد قال تعالى وجعلنا بينكم مودة ورحمة
فالمفروض انها متحبش حد الا جوزها ( حتى يقدر الله لها بالزواج ) ولو خانها لا سمح الله تكون في الحالة دي مظلومة وايضا تكون المشكلة في الشباب ربنا يهديهم
يعنى ايه بنت لازم تتجوز أى حد وخلاص علشان يتستر عرضها؟؟
لا مش اي حد .. من ترضى دينه وتشعر بالقبول نحوه والحمد لله الحق ده اعطاه لنا الاسلام من زمان


أسئلة كتير قوى ياجماعة بتيجى فى دماغى أشد من دى بمراحل فى معناها
الاسئلة دي عادية جدا
وسيادتك تقدر تسئل اي سؤال
طالما لا يجرح احدا ولا يخرج عن حدود الياقة في التحدث
أنا أصلا مش عارف أنا كتبتب الكلام ده ليه؟؟
يعني نقدر نقول ..اهتمام بمشاكل المجتمع والرغبة في التقدم به ومن النظرة دي حضرتك مقدرتش تتجاهل البنت لانها محور اساسي في تقدم المجتمع ونهضته ؟؟
بس هو ممكن يضايق ناس كتير ,بس ممكن يكون حبيت أعبر عن حاجات بتواجهة البنات
ياريت حد يقولى أنا غلطت لما كتبت الموضوع ده؟؟؟
لا طبعا ابدا خالص
وبرضه حاسس ان الموضوع ده ممكن يتذف كعادة مواضيع 2025
الحمد لله لم يحدف
والسلام عليكم ورحمة الله وبركاته

وعليكم السلام ورحمة الله وبركاته
وجزاكم الله خيرا كثير
عن الاهتمام بقضية البنت وحريتها وما قد تتعرض له لو أسأت استخدامها
بس لي عند حضرتك طلب
ممكن حضرتك تناقش الشباب
الى علقنا على تصرفاتهم الخطأ
يعني في مواضيع ودية فيما بينكم :-
لم يعاكسون البنت ويفعلون كدا وكدا .....؟؟
لم يتسلون بالبنات ولا يحبونهم حبا صادقا ؟؟
لم لا يتزوجون من يميل لها قلوبهم ؟؟
لم بعد الزواج يخنون ؟؟

وغيرها من الاسئلة التى تعلمها اكثر منى
من يدري لعل الله يهدي بك وبأمثالك الشباب
ويرحم البنات من كل المشاكل التى ضايقتك
لك منا جزيل الشكر
وعزرا للاطالة
والسلام ختام

[أحمد2025]

المشاركة الأصلية كتبت بواسطة thedentistmod

اولا انا ولد و لكن نفس الكلام اللى انت بتقوله ده بيجى فى دماغى
خلينا نعترف ان احنا فى بلادنا بنحكم بمعايير شرقية بالية غاية فى العبثية و لا علاقة لها بالدين و انما هى تنبع من موروثات شعبية لا يقبلها الدين
خد عندك موضوع ال****** و خيبة المجتمع اللى بيبص له بصورة مضحكة جدا و يحول الضحية الى مذنبة و الى مسئولة عن الذى حدث و يختلق اعذارا وهمية للقيام بهذه الفعلة الشنعاء و يقولك اللبس كان مفتوح و مع التاكيد على رفض الملابس المثيرة الا ان هذا فى النهاية ليس دافعا لهذه البشاعة باى صورة من الصور
خذ مثلا اخر مثل قضية تاخر الزواج و العبثية فى نظرة المجتمع لهذه القضية و تحديد سن الزواج بانه لا يزيد عن 25 سنة و ان من تجاوزته هى سيدة بائسة و لو كانت ناجحة فى كل شىء و فى عملها غير ان هذا يدفع بالمجتمع الى تجاهل كل شىء و النظر اليها على انها زى البيت الوقف و الكلام الفارغ ده

الله عليك

المشاركة الأصلية كتبت بواسطة يوسف الشوري

يعني احنا اللي واخدين حقنا أوي

يكفى اننا شباااااااااااب

المشاركة الأصلية كتبت بواسطة *nody*

ليه بتقول انك غلطت لما كتبت الموضوع ده
بالعكس كلامك كله واقعى جدا
هوا طبعا البنت دلوقتى مش زى زمان سواء فى
المعامله او التفكير.......
بس دايما بحس انى علشان بنت يبقى لازم اخد بالى
اوى من تصرفاتى ومن سلوكى قدام الناس
مينفعش اخرج براحتى ..مينفعش اعلى صوتى...
مينفعش مينفعش كل حاجة مينفعش
بس ادينا عايشين وبنعمل اللى نفسنا فيه فى اطار من
الادب حتى لا نفقد احساسنا بأنوثتنا
وفى النهايه احب اقول ان اى بنت بينها وبين اهلها مصداقيه
وثقة مش بيواجهها اى ضغط او كبت لانها صريحة مع نفسها
ومع من حولها

مشكور جدا على موضوعك

معاكى والله فى كلامك
بس عامة انا بتكلم بصفة عامة
بس انا معاكى طبعا فى ان للبنت حدود مينفعش تتعداها
مشكووور على مرورك

المشاركة الأصلية كتبت بواسطة طبيبة ان شاء الله

اولا انا بحترمك جدا على وقوفك بجانب البنات واحب اقلك انك راجل بجد لان هي ده الرجولة في نظري ثانيا انا مقدرتش اقرا كل التعليقات بس التعليقات اللي قرتها يعني لقيت في ناس شايفة الموضوع عادي وفي ناس اتعودت اصلا على اللي بيحصل فمبقتش شايفاه حاجة غريبة لكن هوة فعلا زي مانت وصغته انا ببقى ماشية في الشارع خايفة لما ببقى لوحدي بحاول امشي ورا الناس ولما واحدة تطلب مني اني اساعدها في حاجة بفكر مليون مرة بس بروح وبتوكل على الله المشكلة في موضوع خوف البنت محتاج يكون في امن منتشر بشدة في كل مكان وثانيا موضوع الجواز فعلا بياثر في البنت جامد والبنت بتخبي ده وده مننا احنا على فكرة مش عادات وتقاليد من ان كل بنت عاوزة شاب كامل من مجاميعه انا بنت وعارفة اغلبية البنات بتفكر ازاي واذا هي مفكرتش اهلها تفكرهم هوة اللي بقى كدة انا عايز اعيش بنتي في المستوى اللي هي عايشة فيه وموضوع الجرح في الحب ده اكيد صح يمكن مش هقدر اوصف شعور البنت لاني معرفوش بس على حسب مبشوف ان البنت بتتعذب اكتر من الولد لو حبت بجد لان البنت بطبيعتها رقيقة وضعيفة اتجاه المشاعر ده بس هي علشان تتجنب الموضوع ده متصحبش ولاد وتبقى مع ربنا وان شاء الله يبقى معاها اما خفها ملغاية متتجوز موجود وده طبيعي جدا وبيبقى من الام اما جوازها من اي حد ده بسبب الحاجات اللي قلتها فوق عن العريس فممكن تحب واحد ويترفض علشان الاسباب ده وشكرااااا ليك مرة تانية وشكرا لكل ولد مع البنت

ياااااااااااااه
شكرا جزيلا على مرورك

[أحمد2025]

المشاركة الأصلية كتبت بواسطة I promise you

بص يا أحمد البنات آه بيتظلموا بس فى حاجة واحدة - دة بالنسبة لوجهة نظرى -
إية هيا ؟ إن لما واحد بيتقدم مثلا وهيا تكون رافضة
واهلها يعملوا الواجب !
ودة كمان فى حالات خاصة يعنى مش كل البيئات كدة
طيب بالنسبة للبنت لما بتكون ماشية فـ الشارع بتكون خايفة
وكدة والله من حقهم يا أحمد الذئاب كتروا أوى بس على فكرة
لو البنت مش متبرجة ومحترمة وتجبر اللى قدمها إنة يحترمها
مفيش مخلوق يقدر يقربلها - فى وبيحصل بس نادر جداً ياريت اكون واضح -
لكن بقى الغريب والعجيب تلاقى واحدة ماشية وآخر شياكة ووسط ساقط وبادى
ولما حد بيعاكسها تلاقيها صوتها قد كدة ! طب سؤال رفيع يعنى أنت ِ بتلبسى كدة لية !

أنا معاكى طبعا
يس لما تكون واحدة منقية وحد يتحرش بيها يبقى ايه الوضع؟
مش ده نقص برضه عندنا؟؟

المشاركة الأصلية كتبت بواسطة riham_eg

هو مش غلط ان انت كتبت الموضوع على الاقل نعرف ان انت فاهم المشكله وفى اكيد ناس تانيه زيك هى مشكله كبيره وطالما انت ركزت على حاجات غلط اذا لا انت ولا كل الولاد اللى دخلواعلى التوبيك بييعملوها
بس غريب ان ولد هو اللى عامل الموضوع
والحمد لله ان الناس عقلهم بدا يتغير ويفهموا ان الغلط مينفعش يتحاسب عليه طرف واحد بس
يعنى مثلا لو حد سرق ربنا مش بيفرق فى عقابه بين بنت وولد او رجل وست العقاب واحد
ونفسى الامهات والابهات ميقولوش بعد كده الولد ولد يعمل اللى هو عايزه ان شا الله يبات بره والبنت اخرها بره الساعه9
ليه ميكنش اخرهم هما الاتنين الساعه 9 يعنى هما شايفين ان واقفت الولاد فى الشارع او السيبارات والكافيهات للصبح ده اللى حلو
هو الغلط غلط للاتنين

لا هو البنت اخرها الساعة 9 علشان الشباب الزبالة اللى بيسهر لأخر الليل على النواصى واللى بيشموا على الرصيف بس كده يعنى

المشاركة الأصلية كتبت بواسطة ملاك الكون

سبحان الله فى ولد فى الزمن دة بيحس
كويس ان لسه فى اولاد بيفكرو بالمنطق
مرسى على التوبيك
جزاك الله خيرا

لا عادى فى شباب كتير بتحس
ويتكلموا احسن منى بكتير فى الموضوع ده

المشاركة الأصلية كتبت بواسطة BaNZeR

مش للدرجة حتكون كل الضماير ماتت وكل الولاد باظوا وكل الشباب بقى تفكيرهم سطحي

لسه الخير موجود مهما قل وبتظل النبتة الصالحة صالحة ولو تلف فيها فرع او فرعين

أنا بقول كده يرضه

المشاركة الأصلية كتبت بواسطة سمر2000

تصدق راى انت فاضى لو انشغلت بزوجة واولاد وموضوع مهم ىاخد تفكيرك زى مساعدة اايتام تشترك فى جمعية زىرسالة شوفت الناس الشقيانة اللى مش لاقية تاكل ولاتسكن ولاتتجوز ولاتعيش حتى لكن هتقولى بنات ما ويبقو محترمين محدش هيجرحهم

no comment