مشكلة عدم احترام التخصص بالتعليم الابتدائي ارجوا المشاركة

[أ/رضا عطيه]

الكلام فى الكورة مفتوح ع البحرى ----- قنوات شغاله ليل ونهار
الكلام فى التعليم مفتوح ع البحرى والقبلى - ونفس القنوات شغاله
الكلام فى الدين والفتوى الباب على مصراعيه قنوات شغاله
الكلام فى الاقتصاد والسياسة قنوات متواربة وممنوع الإقتراب غيرلشويه حكومه وشويه معارضه حافظين اللوح والدور
وهنا الأخ محتار ولعها نار وخلاها هباب ومرار(مع كامل الإحترام لشخصه الكريم)
دا لو عمال المدرسة اللى بيدروسوا لهم ياراجل ماكانتش تبقى النسبة كدا (60يقرأ ويكتب من 500) العكس صحيح ممكن نصدق
هو أنا علشان زعلا ن من مدرس أومدير المدرسة أومن أى وضع مهما إن كان ندمر البيت ع اللى فيه
طيب خلى المدرسين مبيشتغلوش أولياء الأمور هجروا المكان وفاتوا أولادهم لايعرفوا القراءة والكتابه وبهذه الظاهرة المرعبه
ياعالم أرجوكم فيه مشاكل كتيره أهم من تدمير المعبد
ياأستاذنا توفيق -- أنا فى مدرسة داخل عزبة مستحيل تحددها ع الخريطه -- ومع ذلك بها مبنى دراسى كامل من مجاميعه
ورغم عزلتها عن الطرق البرية إلا أنه يوجد بها 12 مدرس متخصص من جملة 16 مدرس بدبلوم معلمين ومع ذلك تجد المشاكل التالية من الواقع وليس كلام وخلاص ونهمل متابعة أولياء الأمور:
1- فئة كارهه العمل فى التعليم بسبب المرتب البسيط حتى بعد الكادر ولهم معارف وأصدقاء فى الضرائب أو الكهرباء وغيره
2- فئة كارهه الدنيا كلها لأن زملاء لهم بنفس التخصص وأقل تقدير تم تعينهم فى الاعدادى ثم ترقيتهم للثانوى وهو مكانه بالإبتدائى
3- فئة متكبرة على الزملاء ويشعرك بأنه زويل مادته وينظر لزملائه نظره أقل من المستوى---- حتى لو كانوا من معلميهم السابقين
4-هات لى واحد خريج تربيه موسيقية أوفنيه يطلب تعيينه فى الإبتدائى وطبق على غيره
يا أستاذنا ليس بالتخصص وحده هيطور التعليم -- ولكن بالحب للعمل والقناعة والرضا والأهم مراعاة ربنا فى ولاد الناس- وبعدين -اللى درسوا لزويل والبرادعى ومشرفه كانوا إيه غير خوجه بالتوجيهيه --- يعنى المهم الإخلاااااااااص فى العمل ومراعاة ربنا
مش نكتفى بالشكوى ونهرب من المسئولية -وندمر مجهود ألاف بكلمتين وبعد كدا نقول الناس بتعاملنا كدا ليه--- وزى مشكلة مصر والجزائر -بطلنا شتيمه فى الجزائر واقلبنا على مصر ولولم أكن مصريا لوددت أن أكون --- مع العلم لودول راحوا أمريكا راح تشحت فى الشوارع وتلاقى الأمريكان واقفين على بابنا بيطلبوا حسنه بسبب إهمالهم --مع احترامى لمن يرعى الله فى عمله

وبالتوفيق للجميع والسلام عليكم ورحمة الله وبركاته