نشرة جديدة من الاكاديمية بتاريخ 31/ 5/2010 لicdl

[رضاالوادي]

يا جماعة هو جامعة اسيوط مش برده خاضة لوزارة التعليم العالي يعني مختلفة عن المراكز الخاصة مثل فرجيتك - اوراسكم

كمان خدوه ديه اعرف واحدة وقدام عيني لا امتحنت ولا حاجة ومن المركز الرئيسي طلعت شهادة اصلية بعد مدفعت
ازاي بقي هيعرفوا انها مزورة

[AlaaElden]

انا واخدها من مركز خاص بس امتحنت فى معهد الحاسب الالى فى الجيزة واخذ شهادة الاصلية اللى لونها لبنى وفيها العلامة المائية لشعار اليونسكو هل دة مش معترف بيه حد يفهمنى؟

[kholio_]

اللهم يسر وارح قلوبنا وأعصابنا أجمعين

[رحاب2]

انا قدمت افادة من التطوير يوم 24/5/2010 فى الاكاديمية وقدمت صورة من الافادة فى قسم الاحصاء بالادارة مغاغة يوم27/5/2010
انا اقدم الشهادة الاصلية وانا مااستمليش ارجو الرد

[mmagdy_81]

السلام عليكم : ياجماعة دة اساليب الحكومة بتتاخذها مع الناس اللى زينا ومش عايز اقول كلمة تانية علشان يقرفنا ويضيقوا علينا

الخناق اذا كانت اليونسكو الهيئة المنظمة لامتحانات الرخصة الدولية معترفة بيك دول عالم ملقوش حد يقفلهم ويقولهم اى حاجة

فرقت اية اللى ماخوذة من مركز خاص عن التطوير ولما هما ناس منظمة قوى كدة موفروش لية لينا من الاول المراكز التابعة للتطوير

اللى ممكن نمتحن فيها من يوم ما امتحنا فى 20/11 والهبل والتوتر والاستعجال شغال لازم تجيبوا الرخصة او4موديولات علشان

النتيجة وظهرت النتيجة ومحدش اتحجبلة اى نتيجة ودلوقتى مش عجبهم اننا سعينا ودفعنا دم قلبنا من االالوف اللى بنقبضها اخر

الشهر وحصلنا على السبع موديولات وعليها ختم الزفت طيب نعمل اية بقى نسيبها ونطفش هما عايزين كدة الله ينتقم منهم

وحسبنا الله ونعم الوكيل

[رضا عبد الحميد عبد الرازق]

يا جماعة احب افدكم
أخوكم رضا عبد الحميد أنا مخلص امتحان icdl من شهر 8 / 2009 تبع مركز خارجى معهد النيل للعلوم والتكنولوجيا فى المنصورة وده مركز خاص بس تابع لمنظمة اليونسكو وطلعت افادة انى خلصت امتحان وتقرير من النت بالدرجات وصور الأسكيل كارد وتمام التمام بس من حوالى شهر لما الشهادة طلعت قولت أوديها الأكاديمية فرع دمياط بس كنت مكسل من المشوار ولكن الحمد لله أمس 31 /5 ناس أصحابى راحو وبعت الشهادة معاهم يودوها الراجل شاف الشهادة وكتب على الصورة طبق الأصل ورجع الشهادة تانى قولت الحمد لله انه ماأخدهاش المهم ان أصحابى دول واخدين أفادات من مراكز خارجية وقدموا وكله تمام ومافيش اى حاجة وشكرا

[تسنيم رمضان محمد فرج]

شكرررررررررررررررررررررررررررررررررررررررررررررررا

[nourhan200005]

على حسب فهمى
انهم عاوزين يوفروا علينا المبالغ اللى بندفعها فى الخاص ويوفروا طول فترة انتظار استخراج الشهادة الاصلية اللى بتطلع بعد 6 شهور
لكن اللى خدها وخلاص لازم يسلم اصل الشهادة ليتاكدوا منها
بس هما ان شاء الله هيقبلوها بدليل انهم قالوا اننا منلجاش لها الا فى الضرورة ماقلوش اننا مش هنقبلها
ياريت يكون تفسيرى ده صحيح

[ahmed salh]

المدرس هيعمل ايه ولا ايه

[Mr.Shaaban]

المشاركة الأصلية كتبت بواسطة nourhan200005

على حسب فهمى
انهم عاوزين يوفروا علينا المبالغ اللى بندفعها فى الخاص ويوفروا طول فترة انتظار استخراج الشهادة الاصلية اللى بتطلع بعد 6 شهور
لكن اللى خدها وخلاص لازم يسلم اصل الشهادة ليتاكدوا منها
بس هما ان شاء الله هيقبلوها بدليل انهم قالوا اننا منلجاش لها الا فى الضرورة ماقلوش اننا مش هنقبلها
ياريت يكون تفسيرى ده صحيح

أكيد كلامك تمام لكن الامر يتطلب قليلاً من الصبر

[beefoo]

يا سيدي النشرة اللى حضرتك بتتكلم عنها دي بقلها اكثر من شهر على موقع الوزارة
هذا للعم
مش عايزين فرقعه وخلاص

[Observer]

نشرة غريبة ذات اهداف ملونة
مقدرش اقول غير انها خطوة خبيثة فى طريق الاستهزاء بالمعلم المساعد
وبصراحة المعلم المساعد يستاهل اللى يجراله لأنه مغيب وعايش الوهم

[(هند)]

ألسلام عليكم
انا قدمت الافادة وصورة الاسكل وتقرير بالدرجات كل دا صور طبق الاصل من المركزا لخاص الى امتحنت فيه وقدمته للاكاديمية واتقبل عادى واظن ان الاسكل مش بيتكتب عليها اسم مركز خاص او تبع الوزارة المهم اننا قدمنا وخلاص

[ghoneem84]

ماشى يابنى آدمين

[ghoneem84]

المشاركة الأصلية كتبت بواسطة mohamad fawzy

نشرة غريبة ذات اهداف ملونة

مقدرش اقول غير انها خطوة خبيثة فى طريق الاستهزاء بالمعلم المساعد
وبصراحة المعلم المساعد يستاهل اللى يجراله لأنه مغيب وعايش الوهم

كلام حضرتك صحيح
احنا فعلا عايشين الوهم ولكن...............
فيه ناس ممكن توقف وقفه جامدة أمام الدنيا كلها علشان تأخذ حقها ولكن الأغلبية مننا هيقف من بعيد يتفرج ويشوف ايه اللى هيحصل
لوفيه تعيين هيبقى للكل ولو فيه مشاكل يبقى هو بعيد