تحديث برنامج حل المثلث ..به الكثير ..فقط جربه !

[profvip]

السلام عليكم
مجهود رائع و جبار جدا جدا
غالبا حضرتك عملته بلغه البرمجه فيجول بيزيك أو سى شارب
للأسف عندنا فى الكليه بنتعلم لغات البرمجه ديه لكن قليل جدا من المبدعين اللى بيقدروا يطبقوا عليها و يعملوا بيها تطبيقات تفيد المجتمع -
طبعا فحر انه يبقى فيه برنامج لحل المثلث بتوقيع عربى لأ و كمان مصرى
================
عموما أنا حأقول ملحوظات تلميذ صغير أتمنى إن حضرتك تتقبلها بصدر رحب
ليه مثلا الحالات الخاصه زى مثلا ان المستبيخدم يدخل قيم غير منطقيه
AB=10 BC=20 CA=30
بيخللى البرنامج يعمل
Flush
فيه توبيك فى البرمجه اسمه
Exception Handling
و ده معناه ان لما يحصل ايرور خطير مثلا زى القسمه على صفر يروح ينفذ روتين تانى
و حضرتك فعلا عملت الكلام ده للحاله انى لو دخلت حروف بدل الأرقام و فعلا طلعتلى رساله بتقول دخل الارقام السليمه
ممكن برضه حضرتكم بدل الايرور اكسبشن
تعمل تشيك على الارقام اللى داخله
==============
حاله تانيه انه لما مجموع الزوايا اكبر من 180 مفروض برضه البرنامج يطلع رساله خطأ
====================
عموما لو بقى المستخدم دخل القيم السليمه فالبرنامج كده حيبقى شغال و تمام جدا
كنوع من التطوير ممكن حضرتك تخللى فيه مثلا امكانيه اختيار وحدات مختلفه لأطوال أضلاع المثلث
( سم - متر - الخ )
=====================
عموما جزاكم الله خيرا على هذا البرنامج الرائع
ويريت حضرتك تشارك خبرتك مع مدرسين الفيزياء لأن البرامج فى ماده زى الفيزياء حتبقى مهمه جدا
لأنها حتساعد على تخيل الماده بالاضافه طبعا لرياضه 2

شكرا مره تانيه و ربنا يبارك فيكم
و حأبقى أخللى أخويا فى تانيه ثانوى يجربهم ان شاء الله