هما احسن مني؟؟

[THE CodeR]

اهي الدروس دي لوحدها كارثة لو مكانش كلامي ده هيعتبر مبالغة كنت قولت ان الدروس دي هي السبب في كل مشاكلنا التعليمية اللي مترتب عليها المشاكل العلمية و السياسية و كمان الاقتصادية

بس المشكلة ان كل الطلبة عارفين ان الدروس تضييع للوقت مش عارفة بقى ايه اللي بيرمينا عليها

لا مش مبالغة
بس دي ازمة ثقة سواء في الاولاد او اولياء الامور
انا عن نفسي معرفش تتحل ازاي ولا هاتتحل امتي
ربنا يهدينا كلنا

معنى انك تسافر امريكا عشان تشارك في اولومبيات في وسط الدراسة
يبقى انت كدة هتستغنى عن سنة من عمرك............(و هو العمر في كم سنة)هو ده الرد اللي هتسمعه
على فكرة المشكلة مش في انك تسافر و يكون عندك شجاعة انك تشارك في اولومبيات ...المشكلة ان كل الطلبة متمسكين بالمنهج ميقدروش يبصوا في منهج تاني و لو عرضت على اي حد انه فعلا يسافر هيقوللك(احنا في ثانوية عامة يابا)

ماهي الاوليمبياد معمولة في الدراسة علشان النهائيات في الاجازة
في الدراسة بتكون في مصر
لكن مستحيل تكون النهائيات في الدراسة
علي فكرة كل المسابقات اللي كتبتها بتكون في الدراسة و نهائياتها العالمية في الاجازة
بس و بتكون قشطة بلوز!!

صراحة.......معتقدش
انت ممكن تقبل؟؟؟؟؟؟؟؟؟
على فكرة السفر و الاوليمبيات مش هي الطريقة الوحيدة اللي تقدر تفيد بيها نفسك و مش هي الطريقة الوحيدة اللي هتخليك تخرج من العلبة(علبة المنهج اللي انت بتقول عليها)

مش هي طبعاً الطريقة الوحيدة
بس دي طريقة و طريقة فعالة في كتير من الاحيان

اصعب حاجة انك تبقى عايز حاجة مش قادر تعملها
انا نفسي اطلع و اطلع برة المنهج بتاعي بس للاسف مش قادرة(ما انا قولتلك قبل كدة......الوقت ضيق قوي)و متقنعنيش ان انت تقدر تطلع برة المنهج او تغامر في الظروف دي

انا طلعت من برة العلبة من زمااااااااااااااان من اكتر من 3 سنين
و دلوقت ظهر اثر كده اني بقيت مثال للطالب المثقف وسط زمايلي
و انا حالياً في نظامي في اليوم اني بخلص مذاكرتي في كل يوم لغاية عشرة او حداشر و بعد كده بخرج برة العلبة براحتي سواء فيزياء او كمبيوتر.....
عقبال الجميع يارب

يا مين يسمعك
ده اللي مفروض يحصل بس انت تقدر تعمل كدة؟؟ممكن اعرف ازاي طالب في ثانوية عامة(و انت طبعا عارف المناهج عاملة ايه و حجمها عامل ايه)يقدر فعلا يفكر في حاجة و يسيب مستقبله
على فكرة انا مش ضد كلامك بس اقنعني ازاي تقدر تعمل كدة من غير ماتضيع مستقبلك
و تبقى فعلا نجحت في تحقيق اول خطوة........المشكلة ان الفكرة موجودة بس للي يصدقها و يعرف يطبقها

انا عملت كده
و نجحت كطالب ثانوية عامة اني اجمع بين الاتنين
درجاتي في الامتحانات مبشرة كطالب ثانوي و في نفس الوقت بطلع افكار جديدة و بقدر اقري و اتزود بالعلم في المجالات اللي بحبها
و مستقبلي مضعش ولا حاجة
بس المهم تنظيم الوقت
لانه هو السبيل لكده
و وضع العلم في خططي
يعني مثلاً اخلي عندي ساعة او اكتر كل يوم بعد المذاكرة في القراية
في الاول اقري عن حاجات عندي في المنهج بتوسع
علشان اقدر استفاد
بعد كده الامور هاتجر بعضها و هاتوسع اكتر يعني

انت بتتنافس على منهج تعليمي مش مسابقة ثقافية.............بالنسبة لكل الطلبة التعليم ده تقييد للطالب

و هل تعدي المنهج ده كونه نص اعمي بعضه خطأ؟؟
مش هايكون من الجميل اني احس اني بدرس علم حقيقي غيري بيدرسه هو هو في الجامعات ؟؟
احس اني بدرس علم علماء كبار تناقشوا فيه
و يا سلام انا اقدر اناقش حد فيه
ابقي وصلت لاشباع غريزة حب الستطلاع
مش اقرالي كلمتين ارجعهم علي الورقة بتاعت الامتحان و اتفهم من دماغي بعد كده...

طيب حللي مشكلة الوقت و انا اقول كل اللي عندي

نظمي وقتك هاتعرفي تعملي كل اللي عايزاه
و اطلبي مساعدة من القوات العليا (الاهل يعني )
و ربنا هينولك مرادك إن شاء

ارجو ان تتقبل تعليقي على تعليقك

علشان منتهش من بعض
تقبلته و بكل فرح