لعموم الفائدة:اكتب تجربة مريت بيها؟

[Heartbeat]

حصل لى السنة دى موقف غريب مش ممكن انساه
كنت انا وصحبتى رايحين المدرسة نزلنا من البيت الساعة 9 الاربع عادى كنا كل يوم بنروح المدرسة فى الميعاد ده ومكنش حد بيكلمنا
ووصلنا الساعة 9 كان فى مدرس واقف على البوابة احنا كنا داخلين عادى زى كل يوم قالنا استنوا انتوا كنتوا فين قلنا له حضرتك كنا فى البيت راح تنحلنا اوى اصلى لنا وصحبتى شبه بعض اوى قالنا انتوا توام قلنا له لا راح اخدنا عند الاداريات قالهم دول لسه جايين دلوقتى الميس قالت لنا انتوا كنتوا فين!!!!!!!
قلنا لها كنا فى البيت راحت بصت لينا بصة كده غريبة وقالت للمستر خدهم عند المديرة احنا بقى كنا خايفين اوى
المستر قالها دول لسه جايين دلوقتى
المديرة قالت لنا انتوا كنتوا فين!!!!!!!!!!
قولنا لها والله ياميس كنا فى البيت
قالت له خدهم عند الاخصائية وكل ده والمستر معانا خطوة بخطوة
رحنا لقينا اخصائيات مش اخصائية واحدة
وطبعا سالونا السؤال المعتاد انتوا كنتوا فين!!!!!!!!!!!!
قلنا والله كنا فى البيت
انا بقى قولت لها يا ميس ما احنا كل يوم بنيجى متاخر ومفيش حد بيكلمنا
واحدة من الميسات قالت لنا كل واحدة تتصل بولى امرها
انا لما بتصل ببابا هو بيكنسل ويتصل بيا عطيت الموبايل للميس وبعدين بابا بيتصل الميس التانية تقولها ايه !!!
اتاكدى ده باباها ولا لا بجد اتعصبت جدا
قولتلها يعنى هيكون مين حضرتك مردتش عليا
اكتر حاجة تعصبنى ان حد يتهمنى ظلم وكمان فى حاجة زى كده
انا بابايه وسيم وشكله صغنون مع انه جد
الميس تقولى هو ده باباكى قولت لها اه بابايه بابا بصراحة اتخض لما لقى واحده بترد عليه من تليفونى افتكر انى حصل لى حاجة
بس قلت له بنت حضرتك جت المدرسة الساعة 9 بابا عارف انى بروح فى الميعاد ده
قالها معلش حضرتك احنا متاسفين مش هتتكرر تانى
بس الميس دى طلعت مامة واحدة صحبتنا فانا بقولها يعنى يا ميس هو احنا شكلنا مش كده
قالتلى مش بالشكل فى بنات بيكون شكلها مؤدب وهم مش كويسين فى الحقيقة بس واتاسفت لنا

وتوتة توتة خلصت الحدوتة حلوة ولا منتوتة

انا وانا صغيرة كنت بحكم على الناس من شكلهم ولبسهم
واتعلمت من الموقف ده انى مش احكم على الناس من شكلهم بعد اللى حصلى لن ساعات الشكل بيكون خادع