يوميات فى التربية والتعليم شارك ولو ب ميــــــــــــــــــرسي

[الاستاذ محمود حميد]

موضوع مميز جداً كعادة موضوعاتك لوجين
واكيد الموضوع ده هيقرب اعضاء المنتدي من بعض اسرة واحدة
اما اطرف موقف حصل معايا من حوالي شهر
.
.
.
عندنا في المدرسة المدير والوكلاء بيطلبوا مننا الحضور دايماً في الاجازة ( عاوزينا نروح المدرسة كل يوم )
بس الواحد بيكبر دماغة ومش بيروح غير يومين في الاسبوع , في يوم روحت المدرسة بعد اسبوع بحالة مش روحت طبعا الوكيل قابلني بخناقة وكنت فين وليه مش بتيجي وهي سايبة ولا وكالة من غير بواب وووو....................
طبعاً انا محبش الاسلوب ده في الحوار وبتخنق بسرعة أثناء الوصلة بتاعت الوكيل انا كنت ماسك الدفتر علشان اوقع علي الايام الي مش روحتها اتاريهم في المدرسة وقعوا ليا الاسبوع القديم كله ( فالحين اوي ) وفاتحين صفحة الاسبوع ده ( الاسبوع وقت ما الحوار ده حصل يعني ) طبعا من كلام الوكيل مشوفتش غير اسمي روحت مضيت كل الايام بتاعت الاسبوع بعدين بصيت لقيت اني وقعت الاسبوع الي لسه هيبدأ , دي كانت بقي القشة الي قصمت ظهر البعير لقيت الوكيل انفجر بزيادة وزمايلي كلهم بيضحكوا علي ا
بصراحة كان موقف بايخ الوكيل قالي لو جت لجنة اقولها ايه قولتة ولا يهمك قولهم محمود الي عمل كده ( يا جامد )
بس والاسبوع عدي علي خير بس مش اكدب عليكم كان الذ اسبوع لاني مروحتش المدرسة برضوا !!!!!!!!!!!!!!!!
طيب اروح ليه وانا مضيت الاسبوع كله