اســئلة للخبــــــــراء ((خارج منهج فيزياء الثانوية)) ممنوع دخول ضعاف القلب:d

[badnamef4]

بص أنا أظن إني عارف إجابة السؤال التاني
ده بسبب خاصية التوتر السطحي تقريباً
فيه موائع بتبقى كارهة للإناء اللي محطوطة فيه فتلاقيها محدبة لأعلى لما تحطها في أنبوبة زي الزئبق
و فيه موائع تانية بتبقى محبة للجدران فتلاقيها محدبة لأسفل و الهيليوم من النوعية دي
فكل ما تحطه في الإناء كل الجزيئات عايزة تقرب من الجدران فبيتحدب سطح السائل لأسفل و عشان قوى المقاومة و الجاذبية مهملة بيقدر يطلع و يتحدب براحته
بس الكلام ده مش دقيق ولا حتى بنسبة 30% عشان أنا ماخدتش درس التوتر السطحي عشان ده ملغي في المنهج الجديد من 2006 تقريباً و لكن جالي نفس السؤال في بالي فسألت أساتذتي فقالوا لي حاجة تقريباً زي كده
و عشان محدش ينعت أساتذتي بالجهل أنا بقول أهو إن كلامهم كان صح لكن أنا اللي مش فاكر خالص
أما بالنسبة للسؤال الأول فمعنديش فكرة لكن أخمن مثلاً إنه ممكن يكون بسبب قوى التجاذب الكهرومغناطيسية اللي ماسكة جزيئات السائل من أساسه مع بعض - و مش متأكد هو كهرومغناطيسية ولا إيه نوعها -
بمعنى ليه الجسم الصلب صلب و السائل سائل؟ أكيد في حاجة ماسكة الجزيئات دي مع بعض . اللي ماسكهم مع بعض هو اللي مخلي المائع يلتصق بجسم صلب
لكن ده مجرد تخمين بحت
و لو بتحب الفيزياء و كويس إلى حد ما في الإنجليزي شوف محاضرات walter lewin بتاعة ال mit فوق الرائعة و ممتعة بس ممكن تحص في الأول إنك تايه ابقى شوف الكورس 8.02 عن الكهربية و المغناطيسية رائع
لو حبيت تتفرج ابقى اسألني لو معرفتش تشغل الفيديوهات أو تلاقيها هي على اليوتيوب
و أهيه أول محاضرة و ابقى شغل الcc هيسهل عليك الانجليزي
السلام عليكم و رحمة الله و بركاته