|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
|
|
#1
12-05-2008, 12:18 AM
|
||||
|
||||
الحلقة الأخيرة .........
شوفنا الغلا معاك ألوان ......... و فى عهدك شوفنا الهوان و لو ملكش قرايب او معارف او حبايب أو جيران تدخل القسم و لا تنطقشى ...... و تتضرب و لا تتكلمشى عشان تبسط النبطشى ....... و اللوا حبيب يبات فرحان كتبت يا ريس بقلمى ,,,,,,,,,,,,, القصيدة دى عشانك و مستعد أضحى بدمى ......... بس أشوف فى يوم مكانك واحد مصرى بجد و حقيقى ....... تكون مصر عنده حبيبة و من قلبه قريبة ..... و لو الشعب قاله لاء .... لا تبقى حرام و لا تبقى عيبة و معقول يا ريس بعد انجازاتك ......... و بعد ما شوفنا اهراماتك نقول خلاص كفاية عليك كدة ............ روح ربنا يبارك فى حياتك ومتزعلش منى يا بيه ........... آدى وطنى و آدى اللى فيه ....... و متزعلوش لما اقول احيه أحيه يا مصر و ميه أحيه ............. أحيه على شعبك اللى مات و محدش صوت عليه دى كانت الحلقة الاخيرة من انجازات الرئيس محمد حسنى مبارك و على فكرة لا فيه حاجة متألفة و لا متفبركة و لا من الخيال كل اللى كتبته موجود فى قلب و عقل كل مصرى بيحب مصر و الــ80 مليون مصرى شاهدين عليه و لا أراكم الله مكروها فى وطن لديكم ................... و لا عزاء للحكومة آخر تعديل بواسطة بندق__2007 ، 12-05-2008 الساعة 12:23 AM 
|
|
#2
12-05-2008, 12:30 AM
|
||||
|
||||
|
اقتباس:
أنا من 80 مليون إلى للأسف نفسى أخنقه
__________________
الحمد لله على كل شئ
|
|
#3
12-05-2008, 12:35 AM
|
||||
|
||||
|
اقتباس:
انتى حسيتى انه غلط ؟؟!!! سبعة يهود من أصل ألمان هيموتوا و للأسف ؟؟ لية الأسف ؟؟!! هههههههههههههههههههههههههههههههههههههههههه بجد متابعتك للموضوع شئ زاد موضوعى شرف و تعلقياتك زادته جمال جزاكى الله كل خير و أسعدتنى ردروك و تعليقاتك
|
|
#4
12-05-2008, 12:44 AM
|
||||
|
||||
|
اقتباس:
اقتباس:
:D
__________________
الحمد لله على كل شئ
|
|
#5
12-05-2008, 12:47 AM
|
||||
|
||||
|
اقتباس:
يقولوا واحد يهودى هيموت و انا كنت ببالغ شوية فيها حاجة ؟؟؟
|
|
#6
12-05-2008, 01:18 AM
|
||||
|
||||
|
اقتباس:
أوكى
مفهاش حاجة
__________________
الحمد لله على كل شئ
|
|
#7
27-08-2008, 03:01 PM
|
||||
|
||||
|
بندق ده راجل جدع وبيكتب شعر كمان
ولما لما سمع القلم قال للكتابه جعان بندق طاوع القلم وياريت اللي جراه ماكان قال هكتب عن الحكومه والظلم للعباد وكمان عن الرشاوي والتعليم والفساد بندق كتب كتير والشعب عدده كبير كام واحد سمع بندق ده واد كلامه خطير بندق ممكن ياناس ع السجن يرحلوه زي شباب كتير علي الفيس بيعتقولهم ربنا يستر عليك يابندق ياحبيبنا ده لو جرالك حاجه الحزن مش هيسيبنا متخفشي ياواد واكتب وقول حاكم حرامي ويوم ماهيخدوك مش هتلاقي محامي ممكن اثنين ثلاثه يقولوا لاء ده ظلم وانت ضعت في حماسه وراح بندق يأمي بندق ده شاب فاهم بيحب بلده بصحيح زي كتير مننا بس الفرق كبير ــــــــــــــــــ لحد دلوقتي مش عارف اعبر لك واقولك ايه يابندق
__________________
كما تدين تدااان
وعجبي 
|
|
#8
27-08-2008, 04:52 PM
|
||||
|
||||
|
اقتباس:
يا راجل دا انت كتبت اللى معرفش اكتبه ميرسى يا كركر يا حبيب قلبى على الكلام الكبير اهم حاجة الناس تسمع الكلام ده و يأثر فيها و يحرك فيها شئ حتى لو صاحب الكلام مات او اعتقل او باع القضية او ... او ... او ..... المهم ان الكلام يوصل الناس تتحرك مرورك دايما بيسعدنى بس المرة دى أسعدنى اكتر من أى مرة
|
|
#9
31-08-2008, 12:47 PM
|
||||
|
||||
|
تسمحيلي اقولك كدا ان فيه خطر عليكي من الكلام ده وبعدين انا عملت استطلاع محدش عاوز يمسك ومحدش عاوز حتي تبقي ملكه عاوزين مين يمسك الحكم بنشتكي من الاسعار وكله بيصيف مرتين و3 في السنه والبيت فيه 7 موبايلات وبدل البيت 3 عاوزين ايه يعني من الريس واللي بياكل حاجه بيرميها عالارض قبل ماتحاسبوا الريس حاسب نفسك سا مواطن
|
|
#10
19-05-2008, 03:25 AM
|
||||
|
||||
|
شعر مبار لي الشعب المري منقول
ياشعبي حبيبي ياروحي يابيبي ياحاطك في جيبي يابن الحلال ياشعبي ياشاطر ياجابر خواطر ياساكن مقابر وصابر وعال ياواكل سمومك يابايع هدومك ياحامل همومك وشايل جبال ياشعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ واخر انسطال احبك مكبر دماغك مخدر ممشي امورك كده باتكال واحب اللي ينصب واحب اللي يكدب واحب اللي ينهب ويسرق تلال واحب اللي شايف وعارف وخايف وبالع لسانه وكاتم ماقال واحب اللي قافل عيونه المغفل واحب البهايم واحب البغال واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محال واحبك تسافر وتبعد تهاجر وتبعت فلوسك دولار او ريال واحبك تطبل تهلل تهبل عشان مطش كوره وفيلم ومقال واحبك تأيد تعضض تمجد توافق تنافق وتلحس نعال تحضر نشادر تجمع كوادر تلمع تقمع تظبط مجال لكن لو تفكر تخطط تقرر تشغلي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز تطور وتعمللي روحك مفرد رجال ساعتها حجيبك لايمكن اسيبك وراح تبقى عبره وتصبح مثال حبهدل جنابك واذل اللي جابك وحيكون عذابك ده فوق الاحتمال وامرمط سعادتك واهزأ سيادتك واخلي كرامتك في حالة هزال وتلبس قضيه وتصبح رزيه وباقي حياتك تعيش في انعزال حتقبل ححبك حترفض حلبك حتطلع حتنزل حجيبلك جمااااال
__________________
ساعش رغم الداء والأعداء *** كنسر فوق القمه الشماء
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 05:50 PM.
