رساله عاجلة الى ( مستر شريف واصحاب الخبرة والمشورة )

[شريف حسن .]

المشاركة الأصلية كتبت بواسطة د.عبدالرحمن المنياوي

السلام عليكم ورحمة الله وبركاته ..
تحية تقدير لاخوتي الأستاذ شريف حسن و الاستاذ محمد حسين لما يبذلوه من مجهود لإفادة إخوانهم واخواتهم في قطاع التعليم ..
وإذا سمح لي فإنه لي تعليق هنا في هذه النقطة ..

أولا لازم كلنا نتفق إن موظفين التربية والتعليم الإداريين المتواجدين في الإدارات والمديريات أغلبهم من أكثر الناس جهلا بتطبيق القوانين والقرارات منذ بداية تطبيق نظام الكادر .. استحالة تقدر تطلع برأي موحد من الإدارة لو سألت أكثر من مسئول.. ولو طلعت برأي أتحداك لو كنت تثق إنه سليم .. الموضوع ده خلى ناس كتير تتعطل وناس كتير تنضر بدون عزاء من الموظفين بعد تقديمهم آراء قانونية غير سليمة.. وكأن الموظفين بيتكسفوا يرسلوا استفسارات للوزراة .. ولازم يفتوا ..

خلينا بس نرجع لموضوعنا .. انا بدات البداية دي علشان اقول مش لازم يكون الموظف الإداري على حق لأني شخصيا دخلت مع الكثير منهم في صدامات كانت تنتهي لصالحي إما من النيابة الإدارية او من الوزارة او من المحافظ ..

الوزير في قراره بتعيين من اجتازوا كادر إبريل 2011 ثبتهم بقرار 244وأسقط عنهم مدة الـ6شهور لعملهم كمعلمين مساعدين مدة سابقة .. والقرار كان واضح في النقطة دي .. الموظفين بقى يقولوا ماينفعش اجازة بدون مرتب يبقوا بيفتوا ..

الموظفين قالوا كده معايا في حالة معينة .. ولما واجهتهم بالقرار قالوا طيب أصل الدرجات ماوصلتش ولما توصل ماشي ..

أما بالنسبة لحالتك يا أخي انا أرى إنك لو قدرت تسحب فلوسك أوكي .. أما لو ماقدرتش فامشي في اجراءاتك عادي يمكن يطلع لك القرار في الفترة دي .. وبعدها تمشي على طول .. واعتقد ان القرار سيكون قريبا ..

شكرا لحضرتك د \ عبد الرحمن على الافادة بس هو ده فعلا اللى حصل مع اصحاب قرار53 و 244

الموظفين فى الادارة عندنا قالولهم مفيش سفر ولا سحب قرض الا بعد 6 شهور

هنعمل ايه بيعطلوا مصالح الناس بون فهم ولا حتى يحاول يفهم من احد

هما عايزين القرار مفس بحيث يقول انه يحق ليه السفر او لا ويجوز يسحب قرض او لا

هنعمل ايه ربنا يستر

بشكر حضرتك مرة ثانية د \ عبد الرحمن بارك الله فيك