الأجازة والتنسيق

[Engineer ..]

المشاركة الأصلية كتبت بواسطة 222ahmed222

بصوا يا شباب كلكم تقريباً سؤالكم واحد وباش مهندس محمد اجدر مني ف الرد
بس زيادة الخير خيرين فهرد بردو
هو القلق بتاعك دا ممكن يزودلك نتيجتك؟؟؟؟
بالتأكيد لأ
فإنت استمتع بحياتك كويس اوي وانسى النتيجه خاااااالص وصدقوني لكل شيء ف حلول أخرى يعني ال ملحقش هندسه ممكن يلحق حاسبات ومعلومات او الكترونيات المنوفية او فنون تطبيقيه او فنون جميلة قسم عمارة او تخطيط عمراني
يعني كتييييير
ولو ملحقتش أي حاجه من دول بردو مش هي دي نهاية المطاف الكلية دا ماهو إلا سبب بيخليك تنطلق لطريق معين من الحياة لو دخلت كليه غيرها نظام حياتك وطريقها هيختلف بس مش اكتر ممكن يكون اكثر نجاحاً وممكن يكون أقل وكله بيتوقف على توفيق ربنا ليك و اجتهادك انت ف الطريق دا
يعني القلق لا هيزود حاجه ولا هيقللها فاحن نستمتع بأجازتنا وبسسسسس عشان بقى لو ربنا خيب ظننا وجيبنا مجاميع حلوه ودخلنا كليات قمه ندخل واحن مرتاحين ف الأجازه انما لو مارتاحتوش هتحسوا انكم بتدرسوا سنتين ع التوالي من غير اجازه وهتتعبوا بجد ودا حصلي انا وحسيته عشان الاجازه كلها كنت بعمل اجراءات التحويل انما ان شاء الله ال عايز يعمل فيكم أي حاجه السنه دي ف انا معاه وكل الناس معاه اهل خبرة وعارفين المفروض تعمل ايه كويس
وربنا يوفقكم يارب لما يحبه ويرضاه
اتمنى اكون عرفت اجاوب ع سؤالكم

تمااااااااااااااااااااام يا باش مهندس أحمد انت جبت م الأخر بصراحة واجمل حاجه فعلاً اكون داخل مرتاح نفسياً لأن كل لما بتتقدم في سنة الموضوع بيصعب وبيضاعف وبيضغط ولازم تكون قد المسئولية فلازم ترتاح في وقت الراحة وتتعب في وقت التعب (الدراسة)
وربنا يسهلها يارب لينا كلنا
بس أجمل حاجه ان جميع الطلبة مستنيه النتيجة