جحيم المواهب في جنة المتوسطين

[Bent 3bdo]

المشاركة الأصلية كتبت بواسطة زملكاوى للأبد

لأ أصل فى ناس كتير أعرفها لما تحب تحفظ موضوع عندها بتحفظه على خلفيه فى برامج كتير بتعمل كده حتى برنامج الword ذات نفسه فيه الخاصيه دى فأنا إعتبرتك من الناس دول والخلفيه ساعتها كانت ورد بس شوفتى الفرق بعد ما التوبيك إتعدل

فاضيه انا بقى ؟
و لو حطيت كمان احط ورد
لا لا لست انا هذا الرجل

بس شوفتى الفرق بعد ما التوبيك إتعدل

بقى بالالوان

[زملكاوى للأبد]

المشاركة الأصلية كتبت بواسطة Bent 3bdo

فاضيه انا بقى ؟
و لو حطيت كمان احط ورد
لا لا لست انا هذا الرجل


بقى بالالوان

على فكره الحكايه مبتاخدش وقت دى مجرد ثوانى بس الظاهر إنك بتكرهى أى حاجه فيها رسم

[Bent 3bdo]

المشاركة الأصلية كتبت بواسطة زملكاوى للأبد

على فكره الحكايه مبتاخدش وقت دى مجرد ثوانى بس الظاهر إنك بتكرهى أى حاجه فيها رسم

لا انا بكره اي حاجه فيها شغل

[Bent 3bdo]

up up up :'(

[Super Teacher]

المشاركة الأصلية كتبت بواسطة Bent 3bdo

جحيم المواهب في جنةالمتوسطين

شيكابالا ، لاعب نادي الزمالك المصري ، يعيش غربة كاشفة في الملعب. غربة المواهب الكبيرة ، الخارقة ، في لحظة تُعبَّد مُتوسطي الموهبة ، وتحوّله إلى نجم نجوم، ما دام قابلاً للتنميط ، والدخول في عُلب جاهزة للتوزيع كأنه سلعة مأمونة .!!

إسمه الرسمي محمود عبد الرازق ، من قرية بالقرب من أسوان ، مدينة الجنوب الساحرة . ورغم عجينتها الهادئة ، فإن شيكابالا مثل إسم شهرته، مجنون ، لا يشير الى شيء تقليدي ، أو يخضع لمسطرة يمكن القياس عليها . هو شيطان جمهور كرة القدم وملاكه ، مُنقِذ نادي الزمالك ولعنته . لا يصلح قدوة مثل أبو تريكة ، أو نموذجاً للمشاغبة الحادة مثل أحمد حسام (ميدو) . يغضب ، يفور ، يخرج عن حدود الانفعالات المعروفة في الملاعب ، يخترق حاجز الأدب المُعتاد ، ويطير مثل طائر النار ، يحرق ما بينه وبين جمهور يحفظ نجومه في ثلاجة الملائكة ويقدر نفاقهم الاجتماعي أكثر من موهبتهم.

الجمهور نفسه يطير سعادة عندما يحول شيكابالا المستحيل إلى شيء عادي ، تتحول المدرجات الى تراتيل فتنة ، ويبدو الفتى الأسمر بالقوة الساحرة المنطلقة من قدمه اليسرى ، رسول مُتعة لا يمكن تفاديها لحظة الغضب على شيكابالا.

هو موهبة لا تتحملها توافقات مصر في عصر قام كله على تقديس المتوسط. الوسط له قيمة وتقدير ، والنجاح للمتوسط والأقل كفاءة ، لا إبداعات خارقة، ولا خروج عن حدود يرسمها متوسط الموهبة . يقف شيكابالا غريباً في الملعب ، غربته مع الجميع ، فريقه الزمالك ، والمنتخب في لحظات الرضا القليلة عنه . شيكابالا غريب عن المزاج العام.

مصر ليست الأرجنتين التي جعلت من مارادونا أيقونتها المنفلتة، المجنونة، الخارقة للعادة . البرازيل، رغم فتنتها الكروية، ارتضت بـ«الطيب» بيليه، الصاعد على مسطرة الأخلاق العامة.

مصر لا تستوعب شيكابالا، ترضى فقط بمن يقصّون الأجنحة، ويدورون برؤوسهم في حلقات ذكر ودروشة تكرر المألوف، وتخاف من التجربة والإبداع باسم الاستقرار . ومصر بلد الاعتدال والوسط . هكذا تتوه الموهبة الكبيرة، يحاصرها السياق الضيق الذي يستوعب جيوشاً من المنافقين ولا يقدر على تحمل موهبة واحدة خارج النمط، تفتح سياقاً آخر.

ولد شيكابالا في الملاعب غريباً، وسيرحل غريباً، بعد أن يترك سحره علامات على لحظة لا تستوعب موهوبيها، وتمنح نفسها كاملة للأنصاف والمتوسطين

وصدقت التنبؤات

[Bent 3bdo]

يلا حسبى الله ونعم الوكيل ف للى كانا لسبب ان كان حسن شحاته ولا مجلس الادارة
و اهو بردو عشان الناس بتاعه الاخلاق و المباديء ترتاح
و احنا ان شاء الله ربنا هيكرمنا و ناخد دورى الاخلاق و كاس الروح الرياضيه
بلا شيكابلا بلا قله ادب

[Super Teacher]

المشاركة الأصلية كتبت بواسطة bent 3bdo

يلا حسبى الله ونعم الوكيل ف للى كانا لسبب ان كان حسن شحاته ولا مجلس الادارة
و اهو بردو عشان الناس بتاعه الاخلاق و المباديء ترتاح
و احنا ان شاء الله ربنا هيكرمنا و ناخد دورى الاخلاق و كاس الروح الرياضيه
بلا شيكابلا بلا قله ادب

حرام عليكي نفسك احسن تتعبي مع انه الواحد تعب خلاص . الزمالك محدش عايزه يلعب كرة تاني ومصيره حيكون زي مصير السكة الحديد . ويبقى لنا ....... . وداعا زمالك.

[Bent 3bdo]

عشان مجلس ادارة فاشل
مش عارفين يجيبو لاعيبه عدله و قولنا ماشى
مش عارفين يجيبو فلوس و قولنا ماشى
مش راضين يدفعو فلوس مع ان الناس انتخابتهم عشان يدفعو اصلا و قولنا ماشى
مش عارفين ينيلو اى حاجه ف اى حته و قولنا ماشى
انما يجو عند شيكابلا الحاجه الوحيده اللى باقيلنا من ريحه الزمالك لأ بقى كتير
انا مشوفتش ف حياتى ناس بتعشق لفشل و لتهزيق اد مجالس ادارات الزمالك و المجلس العسكرى عقبال ما يغورو زيه
مباديء ايه بس و اخلاق ايه انا نفسي افهم
الواد غلط و اتعاقب و اتخصم منه مبلغ ماتخصمش من حد ولا هتخصم و سكت و قال ماشى
جرب يعتذر بدل المرة 3 و معجبش
طلعو و بهدلوه ف كل القنوات و مجبوش سيرة انه اعتذر و طلعوا نفسهم ملايكه وهو الوحش اللى مبيحترمش حد و ما أكلمش
مخلهوش يخش النادى اللى مفتوح ع حسه اساسا ( حقيقه للاسف )و سكت و متكلمش
يقطع نفسه يعنى
انما خايفينلى من الاعلام
مع ان سبحان الله حسام غالى اتخانق مع جوزيه و و جوزيه قال يانا يا هو وهو مشي و غالى فضل و الدنيا بيس و محدش فتح بقه

نادى عنده احسن لاعب ف مصر و مجاش و لا هيجى زيه ولا هيعرفو (و هما مش هيحاولوا اصلا ) يجبو حد يعمل ربع اللى بيعمله و يفرط فيه بكل سهوله
و عشان خاطر واحد كمان مش باقى عليك ولا انت فارق معاه ف حاجه و باعك قبل ماتش مهم بكل بساطه و معملش حساب حتى لكون انه ابن النادى و يا ريت بسبب مقنع حتى انما تلاكيك

هنجيب اصلنا كل يوم لاعيب زي شيكا و لو جبت هيستحملك بكل ظروفك دى عشان نقعد نقول مؤدب لا بيشتم لا مابيغسلش سنانه قبل ما ينام

مختلفناش ان شيكا غبي شويتين تلاته و بيعمل حاجات غريبه الشكل
بس مش اللى مينفعش تسيطر عليه يعنى او كل يوم بمشكله
مش شايفه اى مشكله ان لما يبقى حد ف امكانياته ممكن نتغاضى ف مقابل كده عن مشكله كل اد مده طويله
انما نظريه المهم الاخلاق دى معرفش اى علاقتها بالكورة
مين قال ان اننا هناسبه
اللى معترض ع اخلاقه لو جيه يتقدم ليكى او لبنتك او لاختك لو متبقوش توافقو
يلا اهو مشى و الكلام مبقاش منو فايده
بس كان نفسي شحاته كده يسترجل و يكمل و يورينى هيعمل ايه من غيره