محتااااااااااااااااااار جداً ساعدوني

[amothman123]

المشاركة الأصلية كتبت بواسطة pseudonym

بس لو انا قرفان هل اقدر اشتغل اصلاً و افيد المريض ...

زى ما قلت لحضرتك الى داخل مجال طب المفروض موضوع الـ " قرف " دة يبقى آخر حسابات
ما هو مثلاً طب فيها جراحة .. ما هو الجراح بيفتح بطن المريض و يشتغل فى الأعضاء البشرية عملى !! طيب طب نسا و توليد ؟؟ المسالك البولية ؟؟ أطفال ؟؟ طيب التشريح ؟؟
ماظنش يعنى إن المجالات دى كلها " نظيفة " يعنى
معيار اختيار الكلية هو : مستقبلك هايبقى بعدها أزاى ؟؟ جانبها المادى كويس ؟؟ أية الخدمات الى هاتقدر تقدمها للمجتمع و للمرضى ؟؟
الصيدلى كتيره بيبقى واقف فى صيدلية واحد ييجى يطلب منه الدواء و يدوهوله و خلاص .. مايفرقش كتير فى رأيى عن أى سوبر ماركت بس الفرق إن الصيدلى عارف أسامى الأدوية لا أكثر و لا أقل .. مع كامل احترامى لبتوع صيدلة طبعاً
إنما طب أسنان أنت بتعالج مجال بيسبب آلام رهيبة لناس كتيرة جداً .. و شغل عايز دقة .. الطبيب بيفتح عيادة محترمة و لو شاطر بيلاقى الجانب المادى بتاعها ممتازة دة غير إنه بيخدم مرضى كتير مش مجرد بيبيع دواء للمريض كدة و خلاص
أية بقى القرف الى فيها ؟! أنت بتفتح فم المريض و تشوف أسنانه عاملة أزاى .. لو في عصب مكشوف أو حاجة محتاجة حشو أو ضرس يتخلع و يتعمل و خلاص .. ماظنش إنها مقرفة مثلاً إلا لو اعتبرنا الجراحة و فتح بطن المريض مجال مقرف مثلاً .. فى رأيى أسنان أرحم
شغلانة منظمة و محترمة من كافة الجوانب .. و بكل صراحة أنا كنت ناوى عليها أصلاً من الأول لكن لولا إنى جيبت مجموع بشرى السنة دى كنت دخلتها
فباختصار المقارنة الصعبة فعلاً هى الى بين طب بشرى و طب أسنان
لكن لو مجال المقارنة بين أسنان و الصيدلة يبقى مش محتاجة مقارنة هى أسنان بدون أدنى نقاش
صيدلة بصراحة ممكن أقول إنها كويسة للبنات إنما غير كدة صدقنى خيار بعيد لو ماجبتش لا بشرى و لا أسنان بس انت جايب أسنان الحمدلله
و عموماً برضة دة قرارك أكيد و فى رأيى صلى صلاة استخارة هاتلاقى الدعاء بتاعها و طريقة تأديتها فى أكثر من كتاب و إن شاء الله ربنا يهديك للقرار الأنسب

[MemOo66]

المشاركة الأصلية كتبت بواسطة amothman123

زى ما قلت لحضرتك الى داخل مجال طب المفروض موضوع الـ " قرف " دة يبقى آخر حسابات
ما هو مثلاً طب فيها جراحة .. ما هو الجراح بيفتح بطن المريض و يشتغل فى الأعضاء البشرية عملى !! طيب طب نسا و توليد ؟؟ المسالك البولية ؟؟ أطفال ؟؟ طيب التشريح ؟؟
ماظنش يعنى إن المجالات دى كلها " نظيفة " يعنى
معيار اختيار الكلية هو : مستقبلك هايبقى بعدها أزاى ؟؟ جانبها المادى كويس ؟؟ أية الخدمات الى هاتقدر تقدمها للمجتمع و للمرضى ؟؟
الصيدلى كتيره بيبقى واقف فى صيدلية واحد ييجى يطلب منه الدواء و يدوهوله و خلاص .. مايفرقش كتير فى رأيى عن أى سوبر ماركت بس الفرق إن الصيدلى عارف أسامى الأدوية لا أكثر و لا أقل .. مع كامل احترامى لبتوع صيدلة طبعاً
إنما طب أسنان أنت بتعالج مجال بيسبب آلام رهيبة لناس كتيرة جداً .. و شغل عايز دقة .. الطبيب بيفتح عيادة محترمة و لو شاطر بيلاقى الجانب المادى بتاعها ممتازة دة غير إنه بيخدم مرضى كتير مش مجرد بيبيع دواء للمريض كدة و خلاص
أية بقى القرف الى فيها ؟! أنت بتفتح فم المريض و تشوف أسنانه عاملة أزاى .. لو في عصب مكشوف أو حاجة محتاجة حشو أو ضرس يتخلع و يتعمل و خلاص .. ماظنش إنها مقرفة مثلاً إلا لو اعتبرنا الجراحة و فتح بطن المريض مجال مقرف مثلاً .. فى رأيى أسنان أرحم
شغلانة منظمة و محترمة من كافة الجوانب .. و بكل صراحة أنا كنت ناوى عليها أصلاً من الأول لكن لولا إنى جيبت مجموع بشرى السنة دى كنت دخلتها
فباختصار المقارنة الصعبة فعلاً هى الى بين طب بشرى و طب أسنان
لكن لو مجال المقارنة بين أسنان و الصيدلة يبقى مش محتاجة مقارنة هى أسنان بدون أدنى نقاش
صيدلة بصراحة ممكن أقول إنها كويسة للبنات إنما غير كدة صدقنى خيار بعيد لو ماجبتش لا بشرى و لا أسنان بس انت جايب أسنان الحمدلله
و عموماً برضة دة قرارك أكيد و فى رأيى صلى صلاة استخارة هاتلاقى الدعاء بتاعها و طريقة تأديتها فى أكثر من كتاب و إن شاء الله ربنا يهديك للقرار الأنسب

بس فية ناس بتقول ان طب بشرى بيبقا سنوات طويلة ومش بيبقا الجانب المادى اكتر من طب الأسنان وان طب الأسنان مش مجرد كشف طب حشو وممكن تعمل تقويم يبقا الجانب المادى اكتر
صح ولا اية رأيك انا محتار جداً والله

[MemOo66]

....................

[amothman123]

المشاركة الأصلية كتبت بواسطة memoo66

بس فية ناس بتقول ان طب بشرى بيبقا سنوات طويلة ومش بيبقا الجانب المادى اكتر من طب الأسنان وان طب الأسنان مش مجرد كشف طب حشو وممكن تعمل تقويم يبقا الجانب المادى اكتر
صح ولا اية رأيك انا محتار جداً والله

بصراحة أنا شايف إن المفاضلة بين طب بشرى و أسنان صعبة جداً لأن كل واحد منهم فيه ميزات و فيه عيوب
خريج طب بشرى بيبقى مكانته الاجتماعية أكبر شوية دة غير إنها عدة تخصصات مختلفة يعنى متشعبة و دة يديها متعة أكبر شوية لو بتحب تتشعب فى دراستك .. بس عايزة طول بال رهيب و مزاكرة ضرب نار ( طبعاً كل الكليات عايزة مذاكرة بس طب زيادة عن حبتين علشان مناهجها أكبر .. خاصة طب المنصورة ) و فيها ضغط شوية بس لو قدرت تاخد نيابة فى الجامعة مستقبلك الاجتماعى و قدرت تفتح عيادة فى نفس الوقت مستقبلك بعدها هايبقى ممتاز
طب أسنان كلية راقية و محترمة و عالية جداً و جانبها المادى ممتاز حتى لو ماتعينتش فى الجامعة تفتحلك عيادة و لو شاطر هايبقى وضعك المادى فوق الامتياز و الإقبال عليها كبير بسبب كثرة آلام الأسنان بصفة عامة دة .. و الكلية سنوات الدراسة فيها أقل من بشرى سنة واحدة يعنى لعلمك مش فرق كبير يعنى يخليك تسيب بشرى و تروح أسنان
و الناس الى بتقول إنها مجرد حشو و خلع و خلاص غير صحيح .. لو جالك ألم فى ضرسك - ربنا يحفظك من كل سوء إن شاء الله - هاتعرف قد أية آلام الضروس رهيبة و أية أهمية طبيب الأسنان فى تخفيف آلام المرضى و دى أنا نفسى جربتها صدقنى .. و أنا متفق معاك فيها
دة الى اتوصلتله من القراءة بين الأثنين و أنا شايف المقارنة بينهم صعبة بصراحة لكن الأمر يرجع للميول بقى فى الحالة دى .. لأن الأثنين فى رأيى طب و مستقبلهم ممتاز و مكانتك الاجتماعية محترمة ز دور طبيب الأسنان لا يقل عن بشرى .. لكن بشرى تخصصاته أكثر شوية