معلش ممكن مساعدة ؟

[j♥smile]

المشاركة الأصلية كتبت بواسطة دى برولى

عليكم السلام ورحمة الله وبركاته
بصي طالما طريقك لهدفك مش واضح اختارى اى طريق بس متقفيش تندمى
دلوقتى انتى مش عارفة تبدأي منين اختارى اى مادة وابدأي ومتضيعيش وقتك فى التفكير

دلوقتى دى فترة حل امتحانات بالمراجعه
متعديش تذاكري تذاكرى تذاكرى وعشان عندك كاام مادة كل مادة قد ايييه مش هتحسي بالانجاز هتحبطي ومش هيجيلك نفس تكملى

لازم تحلى امتحانات ناو هتقوليلي مش عارفة احل -- هو ده المطلوب انك الى مش عارفاه تروحى تذاكريه هو بس لحد ما تعرفيه

لو انتى خلصتى كمية الامتحانات الى عندك هتلائي نفسك ذاكرتى المنهج كله ولكل المواد
ومن هنا هتعرفى انتى ضعيفة فى ايه بالظبط وهتخلصي وفى اقل من الشهرين كمان

شيلي من دماغك حكاية التأجيل دى خاالص حراام انتى معاكى وقت
الى بيقلولك مش هتقدري دول حرامية النجاح وهما السبب فى حالتك دلوقتى انصحك تبعدى عنهم

كونى واثقة تماما انك هتقدري متجيبيش سيرة فشل ولو فى ذهنك كده بس
لإنك مش هتقدري فعلا تعملى كده وتخلصي بسرعة الا اما تقدري تنجحى فى عقلك جواكى

وان شاء الله بالتوفيق ومش تقلقي كل حاجة مكتوبة بس انتى اسعى وما تخليش حد يحبطك لأنك تقدرى تعملى اضعاف اضعاف كده كمان

طب يامستر انا فاضلى فى كل مادة درسين او تلاتة يعنى احل امتحانات واللى يقف قصادى اذاكره

[دى برولى]

المشاركة الأصلية كتبت بواسطة j♥smile

طب يامستر انا فاضلى فى كل مادة درسين او تلاتة يعنى احل امتحانات واللى يقف قصادى اذاكره

انا مش مستر ولا حاجة انا يا دوبك اكبر منك بكام سنة بس

بصي انا مش بقول قانون
طالما طريقتك انتى واثقة انها صح وكل الى فات انتى كويسة فيه ومش فاضل الا الدرسين دول خلصيهم الاول

لكن لو حسيتى انك كأنك مذاكرتيش حاجة يبقا تبدأي تحلي امتحانات فورا

ووممكن تتوسطى تحلي امتحانات مع اكام درس الى فاضلين دول
وبالتوفيق ان شاء الله