انا طالبة حاجة واحدة بس ((شوية هوا))

[the black rose]

اولا:السجاير

البلد كلها بقت بتشرب سجاير
والله بقت حاجة فوق الوصف
فالكلية سجاير وفالباص سجاير وفالششارع سجاير
حتى ياربى فالمدرج سجاير
الواحد خلاص اشتكى

الحمدلله لسة موصلتش للمدارس
شكل المدارس هى اللى عليها الدور
بس بجد يا نسمة زى ما رحمة قالت انتى بتكلمى فمين
اوعد انا كمان مش هشرب سجاير و الحمدلله مفيش حد فى اسرتى بيشربها

ثانيا :العربيات

وما ادراكوا ما العربيات بقت كل اسرة تقريبا عندها بمعدل عربيتن
وياريتها عربيات محترمة كل عربية بطلع دخان قدها عشر مرات

دى بقى مش عارفة اقولك ايه
والله الواحد اتخنق
المفروض يتعمل غرامات بس بجد مش قوانين عالورق و خلاص
و برده اوعدك انى مش هعمل كدة
لانى معنديش عربية

ثالثا بقى والاهم:الرز

انا نفسى افهم فين المسئولين
فين وزااااااااااااااااااااااااااااااارة البيئة

طبعا كلكوا ملاحظين الحريقة الى فى البلد بقلها 3 ايام
الناس الى بتحرق قش الرز
طب ما القش دة ممكن يستخدموه فى حاجات كتير مفيدة
المشكلة ان الحكومة ساكته عن البلوة دية

ايه يا نسوم مجتلكيش رسالة
فى رسالة جاتلى بتقول حرق القش بياذى بلدنا
للابلاغ عن حرق القش اتصل مش فاكرة ايه كمان كدة
مش عارفة يعنى هى الحكومة اخرها تبعت رسالة ولا ايه
ما كانت تدينا رنة و خلاص
على ايه تكلف نفسها كمان رسالة
انتى ظالمة الحكومة يا نسمة
و فى الاخر هقولك برده اوعدك انى مش هحرق قش