هام لكل معلم أول أ

[mah999er]

انا بحب عملى كمعلم وباعشق الرياضيات ولا اتخيل نفسى قاعد على مكتب كمدير او ناظر
علشان كده مهما اترقيت مش هاقبل نهائيا انى ابعد عن الطلاب او اترك الطباشير الى ان يتوافانى الله عز وجل
ولا حتى اقبل وظيفه موجه
حلو اوى انى اكون معلم اول أ ومرتبى يزيد واعيش مستور
واهم حاجة الصحة والاستقرار النفسى

اما لو اجبرت وده مش هيحصل على انى اكون مدير مدرسة فسيكون لى رؤية خاصة فى التعامل مع كل مفردات العملية التعليمية

احترام المعلم اولا لانه اساس العملية التعليمية
البعد عن الروتين الممل
عدم تدخل المتابعين فى شئون المدرسة الا فيما يخص المتابعة >> يعنى المتابع ما يتحركش الى اى مكان الا بمعرفة ادارة المدرسة ومش من حقه يمسك دفتر الحضور والانصراف ويشطب على الناس بشكل سافر

الطالب هو الرؤية وهو الرسالة وهو جوهر العملية التعليمية والتربوية
العودة الى التربية قبل التعليم واعادة النظر فى سلوك الابناء وتقويمها بشكل صحيح
لن اسمح بالعنف البدنى او الايذاء النفسى داخل مدرستى
لا لاى شىء ينال من كرامة المعلم او الطالب
تنشيط وتفعيل التنافس البناء الايجابى بين الطلاب
لن اصرف جنية واحد من ميزانية المدرسة دون ان يكون له فائدة على العملية التعليمية
الدعم المالى والنفسى للايتام والفقراء
لن اسمح باى حفلات او دعوات من اجل كسب شخصيات قيادية لاهداف شخصية
لن اوقع على ساعة جزاء ضد المعلم الا بعد استفاذ كل طرق الاصلاح واعطاءه الكثير من الفرص لتقويم نفسه ذاتيا
والعمل على حل مشكلاته
لن اسمح باى احزاب سياسية او جماعات دينية داخل المدرسة فالمدرسة مؤسسة علمية وتربوية
لن اسمح بطرد طالب من الفصل او من المدرسة مهما كانت الاسباب
اطبق الجودة اللى اعرفها انا مش اللى بيقولوا عليها ( مجرد سجلات شكلها حلو)