ماذا بعد الانحطاط

[aly almasry]

المشاركة الأصلية كتبت بواسطة دبدوب زهران

كلنا شايفين ان التعليم فى المدارس يتدهور يوم بعد يوم ( باقول فى المدارس ) مدارس اتفصل نصف طلابها بسبب الغياب ومدارس على الحصة الثالثة تكون فاضية بعد الطلاب ما اطمانوا انهم غير مسجلين فى الغياب

المشاركة الأصلية كتبت بواسطة دبدوب زهران

والمدرس مش عارف يشتغل لان الطلاب سابقين فى الدرس الخصوصى

الطلاب مش عايزين طريقة اخرى غير طريقة مدرس الدرس الخصوصى
المدرس اللى مش عارف يشتغل لان الطلاب رافضين كلامه همه كله يضبط الفصل الى ان تنتهى الحصة
فى حالة الضبط تحصل احتكاكات بين الطلاب والمدرس
لذلك ان كنا نريد ضبط العملية التعليمية لابد من القضاء على الدروس الخصوصية
ازاى؟؟؟؟؟؟؟؟؟؟؟؟؟؟
ميزانية التربية والتعليم الحالية كافية لتحسين الوضع المادى للمعلم لو اننا منعنا التسريب الفظيع فى هذه الميزانية
مكافأت بالمليارات فى الكنترولات والمتابعة والتدريب الوهمى والمستشارين من اهل الحظوة ووسلئل تعليمية
تشترى باضعاف اثمانها الحقيقية ومد الخدمة الى 30 / 8 لعشرات الالاف من الذين انتهت خدمتهم
وبعد ذلك؟؟؟؟؟؟؟؟؟
قانون من مجلس الشعب يجرم الدروس الخصوصية يحدد العقوبة بالنقل الى محافظة نائية او الفصل واذا مارس المهنة بدون ترخيص يسجن
والنتيجة ؟؟؟؟؟؟؟؟؟
الطالب معدش امامه الا المعلم فى الفصل لازم يقعد محترم ان كان عايز يتعلم ولازم نحدد نسبة الحضور ب 85% من ايام السنة اكى يدخل الطالب الامتحان
والاداريين؟؟؟؟؟؟؟؟؟؟
طبعا الاداريين ح يكون دورهم كبير جدا فى التسجيل الحقيقى للغياب وابلاغ اولياء الامور بالوضع الحقيقىللطالب
فلابدمن عدم ابعاده عن عملية الاصلاح المادى
ان كان فيه حد عنده وسيلة اخرى للاصلاح نحب نسمعها

بجد كلام جميل جدا جدا ربنا يبارك فى عمرك استاذى الفاضل

بس انا ضد تجريم الدروس الخصوصية مع انى اول واحد اقر بدورها فى افشال التعليم
لاننا ديما نلجا الى الاجراء الاسهل وهو التجريم والضرب بيد من حديد الذى يسمى فى عرف اهل السياسة الحل الامنى ولقد ثبت فشله فشلا ذريعا
يعنى حضرتك هتشغل مخبرين يتابعوا الناس فى بيوتهم
يعنى لو افترضنا جدلا ان هذا الامر نجح فى القضاء على دروس المجموعات لن يستطيع بل سيزيد من دروس المنازل
وبعدين كما ان الدروس سبب مباشر فى افساد التعليم
كمان عيادات الاطباء سبب مباشر فى افشال دور المستشفيات الحكومية
اليست مؤسسة كما المدارس مؤسسات
يعنى ندخل فى مهاترات ليس لها لزمة كما يقولون
اظن ولى الامر لو وجد تعليم جاد فى المدارس لن يلجأ الى الدرس الخصوصى وكمان هيوفر على نفسه وعلى ابنه التعب والارهاق فى دروس خصوصية تفسد الاخلاق والذمم ...........الخ
كمان اظن ان المعلم الذى يحترم نفسه لو وجد ما يكفيه ويد به متطلبات الحياة لن يلجا الى اعطاء دروس تنهك الصحة وتاكل الوقت وتقلل القيمة فى زمن ضاعت فيه القيمة

لابد من عودة حقيقية لدور المدرسة فالمدرسة هى المكان الوحيد القادر على اخراج تعليم جيد وتربية متكاملة وحفظ وصون لابنائنا فى فترة حرجة من العمر

لكن من يسمع ومن يقرا
نحن نستورد انظمة من الخارج انظمة لاتناسب مجتمعنا ولا تناسب امكانياتنا لكن مين يسمع ومين يقرأ