مش لسه هفكر فى عنوان .. عايزاكم ضرورى

[سيف عبد العظيم]

المشاركة الأصلية كتبت بواسطة أسيل رزق

السلام عليكم ورحمة الله وبركاته

بصوا يا جماعة من غير مقدمات

إمبارح فضلت أفكر بليل كده مع نفسى .. تخيلت إنى مُت و شفت الناس اللى حواليا وردود أفعالهم لما سمعوا خبرى

لاقيت اللى زعل شوية وخلاص .. و لاقيت اللى بكى بحُرقة .. ولاقيت اللى عيط شوية و خلاص .. ولاقيت اللى مأثرش فيه الخبر خالص .. يمكن يكون فرح كمان

كلنا هنموت .. مافكرناش إحنا سبنا مين زعلان مننا ولو يوم واحد .. مافكرناش لو قربنا من الناس و حبيناهم و حتى لو كانوا مش كويسين ممكن نغيرهم .. مافكرناش لما يكون ليك حد بيحبك أوى وتزعله منك لأى سبب إزاى بنجرحه ..إزاى بيجيلنا نوم و إحنا زعلانين مع فلان وفلان

و فكرت فى نفسى كده .. بما إن لسانى زى ما إنتو عارفين فا أى حد غير أصحابى بياخد عنى فكرة مش ظريفة خالص و جايز يكون فى ناس بتكرهنى أو على الأقل مش بتطيق سيرتى

طيب ليه كل ده؟؟

أصل فلان قالى كلمة ضايقتنى فا رحت رادد عليه .. سبب تافهه

أصله قال عليا كلام من ورايا مش كويس .. طيب تفتكروا إن الحل هو الخصام أو توصل للكراهية

أصلى مش مرتاحله شخص مش طبيعى .. بس يمكن لو قربته منك و حاولت تصاحبه أكيد هتشيل الفكرة دى من عقلك

أصل و أصل وأصل

حاجات كتيرة أوى .. عن نفسى فضلت أقول أصل دى كتير أوى .. و لقيتنى بقول إن كل دى تفاهات ومالهاش أى أساس

حب الناس كنز لا يفنى .. تخيل إن فى شخص صاحبك بيحبك أوى أوى بدون مقابل .. ياااااااه كفاية إنك لما تموت هتلاقى حد يدعيلك هتلاقى حد يفتكرك بالخير .. حتى لو فارقته هيفضل فاكرك بكل خير عكس ما تخلى حد يزعل منك .. جايز لما تموت هيزعل عليك بس عمره ما هينسى إنك فى يوم زعلته منك

قد إيه الكلمة الطيبة بتغير نظرة اللى قدامك ليك بنسبة كبيرة أوى فعلاً: الكلمة الطيبة صدقة ، الإبتسامة فى وجه أخيك صدقة

موضوعى ممكن نقول عليه التسامح بس مش مع الآخرين بس

لأ ده التسامح مع نفسك قبل الآخرين .. كل واحد يقعد مع نفسه نص ساعة على الأقل كل يوم يفكر هو عمل إيه ويا ترى زعل مين؟؟ طيب لو زعل حد يجرى بسرعة علشان يصالحه

بجد نفسى أبقى كده رغم إنى طيبة جداً بس لسانى ده مش بيسكت ..

بس تيجوا كلنا نصالح بعض حتى لو مش زعلانين من بعض

خلى فى بينا مودة ورحمة وحُسن نية

خصوصاً فى المنتدى .. على طول بنعمل خناقات ومشاكل بداعى وبدون

طيب ليه؟؟ بجد بجد مش مستاهلة .. طيب لا قدر الله لو حد من المنتدى إتوفى ..و انت كنت زعلانه منه ومش بتكلمه .. مش هتحس بندم وإنكسار جواك علشان مات وانتو متخاصمين .. هل ده ينفع ؟؟ هل ده صح؟؟

و أنا من موقعى هذا .. بعتذر لكل اللى فى يوم زعلتهم منى .. وهحاول بقدر المستطاع إنى مازعلش حد منى مهما كان السبب

لسه الموضوع هنتناقش فيه أكتر

بس بجد .. مفيش حاجة تستاهل إننا نخسر حد كنا من السهل إننا نكسبه بسهولة

و لنا عودة

السلام عليكم ورحمة الله وبركاته

والله كلامك طيب اوى ولاكن ليا تعليق عليه مهم جدا

انتى وصفتى نفسك انك بتتكلمى كتير يعنى على قد

ما فهمت من كلامك ممكن اكون صح وممكن اكون غلط

ده مش موضوعنا

موضوعنا ان الواحد يعرف عيبه ويحاول يصلحه

على قد ما يقدر


دى ناحية والناحية الاخرى يقول الله عزوجل اذكرو محاسن

موتاكم

صدق الله العظيم

وانا احييكى على الموضوع الجميل ده ياااااارب يبارك فيكى

فىرعاية الله

[ymymym]

ازيك يا سوسو
انا مش هعلق انتي عارفه رايي

بس في واحد هنا في المنتدي قاللي قبل ما تمشي سامحي كل اللي ضايقوكي وقلتله لأ ازاي مينفعش بس اكتشفت اصلا اني مسامحه الكل ولو زعلت واحده ببعتلها الف رساله والف رنه والف مكالمه وبقوله سامحيني وانتي عارفه كده كويس ولعلمك نفسيتي بترتاح بكده فعلا لانك لو ضايقتي حد في يوم هييجي ويسامحك فسامحي الناس يسامحوكي بعد كده وتحسي انك راضيه عن نفسك انا مش ملاك من السما او ما شابه لأ اه انا عصبيه جدا وممكن ازعل ناس بعصبيتي بس باجي وبعتذر ففعلا بيبقي غصب عن الواحد بيزعل اللي قدامه مش عارفه افكاري متلخبطه
هبقي اتكلم بعدين بقي بس موضوعك جميل وانا اتكلمت فيه قبل كده