|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
08-06-2009, 12:46 AM
|
||||
|
||||
حلو اوووووى الموضوع ده يا oteey
انا الحمد لله عندى أحلى أصحاب فى الدنيا وخلصت امتحانات ونجحت الحمد لله بس مضايقه اوى دلوقتى عشان قلقانه اوووووووى على حد ومش عارفه اطمن خالص عليه
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
|
|
#2
27-06-2009, 03:31 AM
|
||||
|
||||
|
اقتباس:
بس انا اسفة لانى اتاخرت بس ده مش بايدى والله مش عارفة اقولك ايه بس اللى اقدر اعمله ان ادعيلك ربنا يطمنك عليه فى رعاية الله |
|
#3
08-06-2009, 01:48 AM
|
||||
|
||||
|
يا دي الصحاب كنت فاكر ان هي مشكلتي لواحدي بس انا بردوا اختلف
تعملي ايه ف صاحب 4 سنين يخونك ويروح يطله كل اسرارك لناس مش مرغوب فيهم وعاوزينلك الاذي بكل الطرق وبسبب اللي عمله دا عشت اتعس ايام حياتي بس الحمد لله قدرت اتغلب عليها لانها علمتني حجات كتير اوي من بيحبني بجد ومين كنت فاكر ان هو بيحبني وممكن يعمل اي حاجه علشان بس يفضل معايا واتعلمت كمان ان الواحد لما يعطي يعطي بحساب وما يديش كل حاجه حتي لو كان الشخص دا مين صدقوني علشان لم يخسر مش يخسر كل حاجه زي ما انا عملت
__________________
منتهى التحدى أن تعشق من ليس لك وقمة الحزن أن تبتسم وفى عينيك ألف دمعه وقمة الألم أن تسكت وقى قلبك جرح يتكلم وقمة الحب أن تحب من جرحك
|
|
#4
27-06-2009, 03:36 AM
|
||||
|
||||
|
اقتباس:
بس عايزة اقولك حاجة ده مش يبقى اسمه صاحب وبعدين انت كنت لازم تعرفه من الاول بس انا مش معاك فى ان الواحد ما يديش كل حاجة لان فى ناس مالهاش ذنب وبتديك كل حاجة وشكراااااا فى رعاية الله |
|
#5
08-06-2009, 09:25 AM
|
||||
|
||||
|
انا بقى مشكلتى مش فى الاصحاب
مشكلتى فيا انا ساعات اعمل حاجات انا مش راضيه عنها وعارفه انى مش المفروض اعملها زى دلوقتى مثلا المفروض اكون باذاكر لان امتحانى كمان ايام بس انا مش باذاكر مضايقه من نفسى ومخنوقه منها بس برضه مش بارجع عن الى باعمله مش عارفه ده ايه زهق من المذاكره وملل ولا ايه حد يقولى اعمل ايه على فكره المشكله ديه مش فى المذاكره بس طولت عليكم |
|
#6
27-06-2009, 03:44 AM
|
||||
|
||||
|
اقتباس:
هتعملى كويس فى الامتحانات والنفس طبعا امارة بالسوء لكن اهم حاجة انك بترجعى تانى فى رعاية الله |
|
#7
08-06-2009, 11:13 AM
|
|||
|
|||
|
انا مش عارفة ابدا منين انا طول عمرى وحيدة من اول ما اتولدت عندي صحاب كتير بس علطول حاسة اني وحيدة اووى وانا قاعدة معاهم والبيت هنا بيسموني كئيبة لاني ما بعملشي حاجة ابدا غير العياط وللاسف ديه اكبر عيب فيه اني دموعي بتسبق كل افكارى واختي بتتجهز عشان الجواز وحاسة اني بعديها حبقي لوحدي ومش عارفة اعمل ايه مش عارفة افرحلها وكمان خطيبها اخدها مني وخلاص ما بقناش زى الاول مع بعض انا اسفة اووى علي اني طولت عليكم بس بجد انا مش لاقية حد اتكلم معاه طبعا ده غير ضغط الامتحانات وخوفي جدا منها وانا اسفة اووى اني اكابتكم معايا وشغلتكم بيا انا اسفة اووى اني طولت عليكم
|
|
#9
09-06-2009, 03:13 PM
|
||||
|
||||
|
انا الحاجه الوحيده اللي بتخليني مضايق شوية هي الثانوية العامه و مش حكاية امتحانات او خوف منها او اهتمام بيها انا الثانوية العامة متمثليش اي اهمية مع ان مجموعي 99.5% في سنه تانيه انما انا مخنوق من المناهج نفسها انا مش فاهم ايه الهبل دا يقول جددنا المنهج و اشوف المنهج الاقيه هوا هوا الحاجه الوحيده اللي عملوها مثلا في العربي انهم بدلو الحفظ خلوه دراسه و العكس او شالو درس و حطو واحد مكانه و تاني حاجه طريقة التعليم الغبيه هنا في مصر يعني ايه معناها اني اقعد طول السنه احفظ في كتاب و بعد كدا يمتحني فيه انا مش شايف اي معني
انا الماده الوحيد اللي كرهتها هي العربي انا بكرهها من طفولتي اساسا لدرجة اني ابتديت اكره اللغه نفسها مبقتش احب اتكلم عربي من اساسه . دا بالنسبه للتعليم بالنسبه لحياتي الاجتماعيه انا معنديش اصحاب في مصر عندي زملاء انما اصحاب مفيش كل اصحابي في اوروبا او استراليا ودا اللي مخلي الكمبيوتر و الانترنت حياتي لأنها طريقة الاتصال الافضل بيني و بينهم بس ايه السبب انا معرفش يمكن لأن انا متفق معاهم في ارائهم او شخصيتي ماشيه معاهم معرفش بس دي الحقيقه . انا بتعلم كل حاجه على ايديهم علم او سياسه او اقتصاد او تاريخ كمان لغات انا بتكلم 4 لغات هي العربي طبعا (مع اني كرهتها بسبب الماده بتاعتها) و الانجليزي و الفرنسي و شوية في الايطالي |
|
#10
09-06-2009, 09:14 PM
|
||||
|
||||
|
بسم الله الرحمن الرحيم
انا مشكلتي مش تعتبر خاصه .. دي عامه مش لوحدي يعني انا بقى اكتر شخصيه متوتره ممكن اي حد يقابلها في حياته .. من شهر 5 وانا متوتره عشان الامتحانات .. و زي ما يكون فيه انهيار كده بذاكر اي نعم و كل حاجه .. بس خايفه اوىىىىىىىىى .. و اي حد يجيب لي سيرة الامتحانات بعيط و ممكن ادب معاه خناقه خاصة لو قالي (بوسي مش وقته تعملي كذا عشان الامتحانات) و كذا ده يكون اني قومت اتمشى في الشقه مثلاً !! بجد بقيت فظيعه .. عصبيه لابعد الحدود .. و التوتر ده طغى على كل حاجه لدرجة اني قرفت من كل حاجه حتى الاكل مش باكله .. يادوب مقضياها شرب سوائل وبس لإني بطلع فيها غلبي و تعبي .. و بشربها بشراهه زي اللي بيشرب خمره كده اي حاجه بقى .. ميه .. عصير .. بيبسي اي حاجه بتتشرب و خلاص مش عارفه حاسه اني مجنونه من توتري ده و حاسه اني ناسيه كل حاجه .. و خايفه اوىىىىىىىىىى من الامتحان .. خايفه محلش حاجه و ماوصلش لحاجه و خايفه الامتحانات تيجي صعبه و تقرفني و اخويا الوحيد اللي كان بيطمني و بيهديني راح الجيش .. يعني مافيش حد معايا يهديني انا تعبت والله يا جماعه .. و بقرأ قرآن على اد ماقدر عشان استريح و كل لما انام اشوف كوابيس و احلام وحشه و احلم اني بموت في عنايه مركزه و حاجات عجيبه بصحى منها مفزوعه .. لدرجة اني بقيت اخاف انام .. انا اتجننت بسبب ورقه فيها شوية اسئله ولا ايه ؟؟ خايفه ماوصلش لحاجه .. قولوا لي اعمل ايه بالله عليكم؟؟ بوسي مصطفى
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#11
09-06-2009, 09:50 PM
|
||||
|
||||
|
التوتر مبيفدش حاولي تبقي هاديه (بارده بمعنى اصح)
والا هتتعبي على الفاضي المفروض تثقي بنفسك مادام انتي مخلصه كله انا مثلا جايب 99.5% في تانيه وعندي فرص كبيره اني اطلع من اوائل الجمهوريه بس انا مش متوتر بالعكس انا فرحان و حتى لو نزلت مش هزعل
__________________
99.5% ملهاش اي لازمه
Say it and tell me What u think I love Italy |
|
#12
09-06-2009, 10:16 PM
|
||||
|
||||
|
ايه يا بوسى التوتر ده كله انتى وترتينى انا على ما قرأت ردك
يابنتى انتى اكيد الحمد لله مزاكره وكويسه وان شاء الإمتحانات هتكون سهله بإذن الله وهتجيبى مجموع كويس ان شاء الله وتدخلى الكليه اللى انتى عاوزاها لو هديتى كده وبطلتى التفكير فى الإمتحانات بالشكل ده واستعنتى بربنا كده وان شاء الله كل حاجه هتكون كويسه لاتقل يارب عندى هم كبير وقل يا هم عندى رب كير ربنــــــــــــــــــــــــا معاكم كلكم ان شاء الله
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
|
|
#13
09-06-2009, 11:14 PM
|
|||
|
|||
|
بوسي حرااااااااااااااااااااااااااااااااام
ايه يا بنتي مااحنا كنا زيك في ثانويه عامه وكنا بنذاكر وبنجتهد اه انا تجاره بس نصيبي كده مع ان كان هدفي هندسه بس هل معني كده اني خلاص معيشي يعني قصدي مالهوش لازمه التوتر ده اللي ربنا كاتبهولك لازم ترضي بيه لانه نصيبك وحكايه النسيان دي طبيعيه جدا في الفتره دي عادي يا بنتي خليكي ريلاكس عشان تعرفي تحلي كويس ولازم اصلا قبل ده كله تكوني واثقه ان ربنا عمره ما يخيب ظنك ولا يضيع مجهودك ابدا بطلي عبط يا بت خليكي هاديه وريلاكس كده وعيشي حياتك طبيعيه وكمان عشان الناس متزعلش منك لان مافيش اي حاجه مستاهله ثم اصلا انا ساعه الثانويه لما ببقي متوتره باكل  لغايه مانا اهو بتربي وقاعده بعمل ريجيم عاتي يا بنتي امتحاناتكم هتجيلكم ان شاء الله سهله بأذن الله بس لازم تكوني متفائله الرسول قال كده في رعايه الله يا حبيبتي
__________________
B,M,Y مع السلامه اتمني تبقوا افضل حالا
|
|
#14
10-06-2009, 09:56 AM
|
|||
|
|||
انا ايمي انا خايفة اوووى من الامتحانات ومرعوبة ومش عارفة اعمل ايه ونفسي اوووى اجيب 97% واي ما حد يقولي اي حاجة علي الامتحان علطول اروح معيطة لدرجة انا بقيت خايفة لحسن نظري يروح ومش عارفة اعمل ايه انا خايفة اوووى بليز قولولي اعمل ايه
|
|
#15
10-06-2009, 10:32 AM
|
||||
|
||||
|
تعملوا ايه لما تكونوا خايفيين على حد من اقرب الناس ليكوا
انا مريت باوحش اسبوع عشته فى حياتى الاسبوع الى فات دة لدرجة انى كنت بخاف انام علشان مصحاس على صوت حد يقولى قولى الله يرحمه بجد انا حسيت انى اتهديت بليز كلكوا ادعوله ان ربنا يقومه بالسلامة ربنا يخليك ليا يا خالى وميحرمنى منك ابدااااااا
__________________
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 08:26 PM.
