انقذوا الاسلام من هذا الرجل

[أحمد2025]

متشغلوش دماغكم ياجماعة بالفتاوى دى
لا يُفتى ومالك فى المدينة
يعنى مثلا الفتوى دى هتتغير؟ لا طبعا الكبير عايزها كده
اه على فكرة
بيتهيألى الصوم مش بيأثر للدرجة اللى هى على اللى بيذاكر
واللى بيذاكر مايذاكر بعد الفطار
يعنى ياجماعة ان الطالب يفطر فى رمضان ده مش مبرر انه مش قادر يذاكر وهو صائم

[..Just Stop]

ههههههههههه
يا واد يا جمعة
ايه الفتاوى الطازة دى

على جمعة يا على جمعة

ودتنا فى داهية يا جمعة

عمال بتالف فى فتاوى

وكاننا قاعدين فى اهاوى

شكلك شارب حاجة يا مفتى

اصلك كل ما تسكر تفتى

شكلك كدا عبد المأمور

شكلك كدا حلو وامور

بكره يجيلك يوم اه يا شيخنا

من فتاويك كدا نمنا ودخنا


حسبى الله ونعم الوكيل
وانا لله وانا اليه راجعون
على العلم يالله السلام
دا الفتوى بقت بالكلام
وعجبــــــــــــــــــــــــــــــــــــــــــــــ ـــــــــــــــــــــــــــــى

[الرهينه]

الاستاذ الدكتور على جمعه يا حلاوه
هو لسه فيه نفس يقول فتاوى
وبعدين المفتى اتروشن يا رداله
لبس قميص وبنطلون بعد الجبه والقفطان
عايزين منه ايه
وعلى رأى اللى قالها ده عبد المأمور والكبير عايز كده
بس برده احنا ليه نشغل نفسنا بالفتاوى دى
احنا عارفين الصح من الغلط بالفطره
يعنى باختصار لو حضرتك طالب وصايم وفطرت تبعا لهذه الفتوى القيمه من المفتى الجليل
هتستخبى من الناس ولا لا
وكلنا عارفين الحاجه اللى بنخاف حد يشوفنا واحنا بنعملها هى دى الحرام بعينه
وبعدين فتوى زى دى لما يفتى بها محدش هيصدقها ممكن ناس تقنع نفسها ان ده الصح عشان هما عايزين كده
وساعتها هو هيتحمل الذنب معاهم
وزى ما الرسول عليه الصلاة والسلام بيقول فيما معناه
من سن سنة حسنه فله اجرها واجر من عمل بها الى يوم الدين ومن سن سنة سيئه فعليه ومن عمل بها الى يوم الدين
وربنا يهدينا جميعا
وسورى على الاطاله

[احمد رضا]

هههههههه اللهم صلي علي النبي
مين الكابتن اللي قال الكلام اللي فوق ده
اوعي يكون جيمو

اولا ميرسي يا استاذ حسام علي الموضوع اللي اكدلنا جمعه ده ايه اصلا ان هوا ميستاهلش لقب انسان مش شيخ او مفتي او استاذ أصلا .. مشكلته ان نسي ان الكبير اللي بيحركه زي الانسان الآلي و الأجهزه الأمنيه- اللي بتقوله اطلق الفتاوي عبال ما احنا نعدي يا جيمو - فيه اكبر منها اللي هوا ربنا

وعجبني اوي الكلام بتاع ان ده استاذ جمعه و علمه و الكلام ده ههههههههههههههههه :D:D:D:D:D:D
سلامات يا جيمو ابقي سلملي علي الفتا مش الافتا و هكتبهالك في التوقيع يا جيمو يالا باي موبايلات بقه

معلش يا استاذ حسام اسلوبي مش كويس اوي بس كدا احسن ما اتنرفز و اضيع صيامي علي الفاضي بطلع غلي كدا بس جزاك الله كل خير و ربنا ينتقم منه و ينتقم من امثاله واللي منهم قال ان المرأة العامله نظرا ً لظروف العمل و الساعات الطويله التي تقضيها في العمل تقوم بارضاع زملاء العمل من الرجال في الشغل عشان يبقوا زي اخواتها و محرمين عليها . والله يا جماعه الفتاوي دي أصلا مش غرضها الافاده او الاجتهاد في الدين الحكومه بتشغل دماغنا عبال ما هيا تخلص نفسها بتلعب بكروت معينه محفوظه و كل الناس عرفاها
الفتنه الطائفيه - قانون الطوارئ - والفتاوي اللي زي دي

يارب ارحمنا بقه من الناس دول

جزاك الله خيرا يا حسام معلش طولت عليك

[egyptianvampire]

عليه النعمه احنا عندنا مفتى زى العسل بيدى شويه فتاوى بس فى الجون ربنا يوفقه علشان الراجل ده بيتعب

[abdo_moh123]

بسم الله والصلاة والسلام على النبى الكريم

انا شايف ان الاخ اللى جاب الموضوع مش جايب أى مصدر ولا فتوى رسمية

قال تعالى "{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ} (6) سورة الحجرات"

أنا ما أقصدش حد بالفاسق بس أنا جبت نص الآية
شكرا

[fares elnet]

المشاركة الأصلية كتبت بواسطة abdo_moh123

بسم الله والصلاة والسلام على النبى الكريم

انا شايف ان الاخ اللى جاب الموضوع مش جايب أى مصدر ولا فتوى رسمية

قال تعالى "{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ} (6) سورة الحجرات"

أنا ما أقصدش حد بالفاسق بس أنا جبت نص الآية
شكرا

اولا شكرا على مرورك الكريم بالموضوع

ثانيا انا مش بكتب حاجة من عندى

ثالثا عاوز مصدر الموضوع اتفضل

ادخل على الرابط ده


http://www.egypty.com/people-talk-details.aspx?people_talk=830

[abdo_moh123]

بسم الله الرحمن الرحيم
آسف عشان أنت فهمتنى غلط
بس يا راجل ارجع انت للمقال فى الموقع تانى

لمصدر : جريدة صوت الأمة بتاريخ 24-9-2007

يعنى عملت copy لحد قبل المصدر

حظك كده


وشكرا على الرد
أحب أتعرف

[المجاهد فى سبيل الله]

السلام عليكم ورحمة الله وبركاته
يا جماعه حرام عليكم كده مشانته يا اخى الى تحكم عليه برضه اخى حسام اتقى الله
اتقى الله الشيخ الجليل على جمعه لم يفتى بغير دليل اقولك على حاجه احسن دورله على موقع اوكى
ووجه بكل الى عندك ده بدل ما انتم فى المنتدى ملكوش سيره الا هو ممكن تعمل كده الاول وبعد كده تقول رائيك
بس يا ريت انك تقول ان ده رائى الشخصى
بجد يا جماعه انا بعتبره من اعلم الناس فى هذا الزمان بصدق
انا اسمع الفتوه منه اتصدم زيكم كده
انما لما اسمعها منه هو مش من الجرايد المنافقه بتعتنا دى
واقسملكم بالله انا مره وقفت وصقفتله فى بيتى وانا اشاهده فى فتوى بتاعت ان فوائد البنك حلال ولا شئ فيها
واقتنعت بيها ميه فى الميه

[Dr.Cheetah]

يا جماعة لو كل واحد هيقول رأيه الدين هيبقى تين ومش هنعرف الحق من الباطل ......... وهو مهما حصل أعلم مننا

[Dr.Cheetah]

المشاركة الأصلية كتبت بواسطة fares elnet

اخر فتاوى سيى جمعه بيه

المفتى يفجر ازمة جديدةويبيح الاستحمام بالبن
وافطار طالب؟

خرج الدكتور على جمعة بخسائر ضخمة من موقعة التبرك ببول الرسول التي فقد فيها الكثير من رصيده ويبدو أن جمعة لم يتعلم من الدرس بعد وعاد للفتاوى المثيرة للجدل مرة أخرى فأصدر فتويان من المتوقع أن تجعله عرضة للقذائف الأولى تبيح للطلبة الإفطار في رمضان إذا خافوا من الرسوب أما الثانية فهي إباحته الاستحمام باللبن والتخلص من بقاياه في المجاري.

استند المفتي في فتواه بإباحة الفطر للطلبة على أنه ينبغي على انه ينبغي أن يفرق بين من يستطيع المذاكرة مع نوع من المشقة وبين من لا يمكنه المذاكرة اصلا بسبب الصوم، وبين من لا يجد عائلا يعوله وينفق عليه، ومن ينفق هو على نفسه أو عياله بحيث أن رسوبه سيؤثر على حياته العملية التي لابد منها لكسب قوته وقوت عياله فإذا احتاج المكلف شرعا احتياجا أكيدا يؤثر على معيشته أو معيشة من يعوله إلى المذاكرة في نهار رمضان وغلب على ظنه أن صومه يقضي إلى رسوبه المستلزم لضعفه وعجزه عن إكمال مسيرته التعليمية التي لابد له منها فإنه في هذه الحالة يباح له الفطر آخذا بما استظهره ابن عابدين وغيره من إباحة الفطر للخباز ونحوه من أرباب الحرف الشاقة وقال المفتي الواجب على هؤلاء الطلاب قضاء ما أفطروه فور زوال الظرف الطارئ وأن هذه الفتوى مشروطة بكون مذاكرة الطالب مضطرا إليها في شهر رمضان ولا يمكن تأجيلها .

أما فتوى الاستحمام باللبن فجاءت ردا على سؤال حول حكم بناء فندق أو الشراكة فيه ويكون متضمنا مواصفات معينة منها وجود حمامات اللبن التي تستحم فيها السيدات لأغراض تجميلية وعلاجية علما بأن اللبن يرمى في المجاري ولا يستعمله الإنسان؟

واستند المفتى في حكمه بإباحة الاستحمام باللبن إلى دراسة قامت بها دار الإفتاء تحت إشرافه وخلصت إلى أن استخدام اللبن إن كان المقصود منه أمور علاجية أو تجميلية فلا مانع في ذلك ، ووجه الانتفاع بما خلق الله سبحانه وتعالى من الأشياء المحيطة بالإنسان تختلف باختلاف طبائع البشر وعاداتهم فالانتفاع والاستعمال للأشياء يتغير بتغير الزمان وتطور معارف الإنسان بما قد يعود عليه من النفع لاستخدام الأشياء.

وواصل الدكتور جمعة تحليله لفتواه قائلا: الاستحمام باللبن يدخل في بابالعلاج والعناية بالجسم، فقد نص فقهاء الشافعية على جواز التيمم للمريض فترك الواجب وهو الوضوء واستخدام الرخصة وهو التيمم من أجل الحفاظ على ظاهرالبدن مما يدل على اهتمام الشرع بالشكل الجمالي لظاهر البدن.

أما رمي اللبن بعد استخدامه في الصرف فهو أمر لا بأس به لأنه لا يتصوراستخدامه بعد ذلك في التغذية ولا يعد إسرافا لأنه قد يكون فيه مجاوزة من الحلال إلى الحرام، وقد يكون بمجاوزة الحق في الإنفاق ويضيف المفتي: والتجميل لم يمانع منه الشرع بل طلبه ورغب فيه ، من ذلك قول النبي صلى الله عليه وسلم أن الله تعالى إذا أنعم على عبد أحب أن يرى أثر نعمته عليه وقول الرسول صلى الله عليه وسلم إن الله جميل يحب الجمال فهذه الآثار وغيرها تدل على عناية السلف بمظهرهم من اللباس وحسن الزينة مما قد يعده بعد الناس الآن من الإسراف وليس كذلك واستخدام اللبن في الاستحمام قد تتحقق منه فائدة معتد بها لأنه قد يكون للعلاج أو للتجمل فإن كان للعلاج فلا لوم على الإنسان إنسعى في تحصيله ولا حد يمكن أن يوضع في الإنفاق من أجله فالنفقة فيه تكون
بحسب الحاجة للوصول للمقصود وان كان للتجمل كأن يستخدم في أحواض الاستحمام فيتسبب في اكساب الجلد طراوة ونعومة مما يجعله اكثر مقاومة للتجاعيد والانكماشات فهو يمكن اعتباره من المندوبات إن حسنت النية ولا يكون هذا من السرف في شئ أما التعامل مع هذا اللبن بعد استخدامه فيما ذكر فلو وجدت طريقة للاستفادة به في غير الغذاء للإنسان بان يستخدم للحيوان والنبات أو فيالصناعة بشروطها ومواصفاتها أو في أي وجه من أوجه النفع العام أو الخاص فهوأحسن.

الدكتور علي جمعة بفتواه فتح الباب امام صدام جديد بينه وبين رجال الدين الذين حملوه في مسألة الفطر في رمضان ذنب كل الطلبة والمراهقين الذين سيفطرون بسبب فتواه.

أما بالنسبة لفتوى الاستحمام باللبن قالوا فيها انها فتوى خطيرة يمكن أن تؤدي إلى اتساع هوة الاحقاد بين الفقراء والأثرياء فحمام من اللبن ممكن أن يكفي ثمنه لإطعام عائلة فقيرة شهر أو يزيد وأيضا منهم من قال أن المفتي أخطأ لأن هذا إفراط وتفريط واللبن نعمة من نعم الله ولا يجوز التفريط فيها بهذا الشكل. ولم يرد ايضا عن أي امة أو أي طبيب أو أي زمان أن اللبن علاج وكثير من علماء الدين رفضوا فتوى الاستحمام باللبن .

والنبى ده كلام يخرج من مفتى للديار الاسلامية
وايه اخرتها معاك يا جمعة

حرام التريقة دي دا مهما حصل شيخ

[wafa2y]

المشاركة الأصلية كتبت بواسطة dr.cheetah

حرام التريقة دي دا مهما حصل شيخ

أنا شايف إن حضرتك رديت في الموضوع و قلت رأيك
لزمتها إيه ترجع الموضوع عشان الكلمتين دول
بلاش نسير فتنة بالله عليكم
إحنا في رمضان

[Dr.Cheetah]

المشاركة الأصلية كتبت بواسطة operati0n

أنا شايف إن حضرتك رديت في الموضوع و قلت رأيك
لزمتها إيه ترجع الموضوع عشان الكلمتين دول
بلاش نسير فتنة بالله عليكم
إحنا في رمضان

وحضرتك اية اللي مدايقك اية الفتنة اللي حصلت .... اما واحد يقول اخرتها يا جمعة ويا جمعة بية يبقي دي قلة ادب مع العلماء ولا لأ مش عاجبك رأية خلاص ... دا المسيحيين بيبوسوا ايد ابوهم نقوم احنا نتتريق حاجة غريبة والله

[Mr. Medhat Salah]

لا حول ولا قوه الا بالله حتي انت كماااااااااااااااااااااااااااااااااااان دخلت الدين في السياسيه والمصالح الاقتصاديه

[يارا احمد]

لا حول ولا قوه الا بالله