هل تأثرت المدارس بنتيجة الكادر ؟ من فضلك ادخل وشارك في الحوار

[ayadooo]

طبعا المدراس علي مستوي الجمهورية تاثرت تاثير بالغ السوء اولا :من نجح اصابه الغرور في مقتل (بطل يشتغل في الفصول) وثانيا :الراسب حدث ولا حرج(بطل يدخل الفصول) ثالثا :القيادات( قفلت المكاتب وروحوا لما رسبوا )رابعا :المؤجل للعام القادم (بيدخل ويخرج من الفصل كمثل من لدغته نحلة) وعليه العوض ومنه العوض

عياد
مدرس اول لغة انجليزية - معجب بالمنتدي جامد اووووووووووي

[mah999er]

المشاركة الأصلية كتبت بواسطة ayadooo

طبعا المدراس علي مستوي الجمهورية تاثرت تاثير بالغ السوء اولا :من نجح اصابه الغرور في مقتل (بطل يشتغل في الفصول) وثانيا :الراسب حدث ولا حرج(بطل يدخل الفصول) ثالثا :القيادات( قفلت المكاتب وروحوا لما رسبوا )رابعا :المؤجل للعام القادم (بيدخل ويخرج من الفصل كمثل من لدغته نحلة) وعليه العوض ومنه العوض

عياد
مدرس اول لغة انجليزية - معجب بالمنتدي جامد اووووووووووي

هههههههههههههههههههه
الاخ عياد زميل ليا فى مدرستى وهو من المدرسين المشهورين جدا فى مجال عمله ( اللهم لاحسد )
وكان عندى مشكلة فى نتيجتى والحمد لله اتحلت ونجحت لكن عاوز اقولكم انها قبل ما تتحل بعتلى 50 رسالة على موبايلى على هذه العينه
نشاطركم الاحزان
الف مبروك الرسوب
وبصراحه رسايله تعبتنى جدااااااااا رغم انه من اقرب القربين ليا وهو انسان طيييييييييييب جدا بكل المعانى

بس دلوقتى بيقول (( الغرور ))
احنا اخوه واصدقاء ياصاحبى والغرور انت عارف جاى منين لكن احنا علاقتنا ببعض عمرها ما يلوثها لاكادر ولا غيره

وبطل اخباط فينا يا عم عياد ... كل ما اسالك عن التسكين تقولى سنة 3000 ههههههههههههههه

بس بجد يا اخوه عياد عوده من الناس المحترمة جدااااااااااا والمتميزين جدا فى مجال تخصصه وهو من اوائل الناس اللى حصلت على icdl على مستوى مصر

وانا اسف للاطاله

[نجيب البقلي]

أعرف مدرس أول تاريخ ثانوي
كان يقوم بكل امال المدرسة و نشيط و منظم
لكن الكادر كان له راي آخر
المدرس راسب رغم كل النشاط ده
المدرس من يومها رفض الذعاب للمدرسة
الزملاء بيحاولو معاه و ربنا يستر

[ayadooo]

وكيل المرسة رسب في التربوي بطل يحضر للمدرسة وحزين جدا و اعضاءالمدرسة كلهم بيسخروا منه مع انهم غشوا
عياد

[amrorg2020]

بالطبع حدث تأثير ولكن ليس بصورة كبيرة ولكن سيحدث إنفجار على غير المتوقع عند صرف الكادر وتوقعى الشخصى أنه ستحدث مشاجرات لا حصر لها فى المدارس لإزدياد الضغوط النفسية والمالية على الكثير من المعلمين وشاغلى الوظائف التعليمية وأبدى إعجابى الشديد لتعليق أحد الأعضاء فى المنتدى وهو [
كون المدارس تتأثر او التلاميذ او العملية التعلمية بنتيجة الكادر امر مشكوك فيه ولا بد من بحثة لان المعلومات المتوفرة لدي انهم اموات والميت في دنيا المادة لا يحث ولا يتأثر ولكن في اعتقاد من يؤمن بالاخرة فسواء نجح او رسب فانه يعمل لما يؤمن به ]

[ayadooo]

المدارس تاثرت خد مثلا وكيل المدرسة لم يوفق في التربوي خلاص انقطعته علاقته بالمدرسه وراح واخد اعتيادي
عياد
مدرس اول لغة انجليزية

[ayadooo]

فيه حاجه كمان مهمه من ادي الامتحانات في كليات ظلم ظلم بين لدينا ادارة في محافظة البحيرة ادت الامتحان في احدي الكليات ومن هنا كانت النتيجه مخيبه للامال بدرجة كبيره عكس من ادي الامتحان في المدارس بنسبة غش عاليه ومن هنا من ادي الامتحانات في كليات اصيب باحباط ومن اداها في المدارس وزع الشربات
عياد

[mohsen ghareeb]

حسبى الله ونعم الوكيل

حسبى الله ونعم الوكيل

حسبى الله ونعم الوكيل

[ahmed 68]

شكرا لكل من شارك

[منى عبد الحافظ]

استحلفكم بالله انا نجحت لكن حالة زملائى صعب
ارفعوا شعارلا لكادر الظلم

[هويده]

عندنا في المدرسة عند ظهور النتيجة كنت في تدريب و عند العودة طبعا قالوالي كل اللي دخلوا الامتحان نجحوا لكن المشكلة في اللي ما دخلوش زعلنين و بيندموا علي عدم دخلهم الامتحان لانهم اللي سمع كلام مدرسين بلا نقابة و مدخلوش الامتحان و اللي مستني الدرجة لكن حاسة ان الافضل الكل يتساوي و يقبض افضل للجميع
انا كنت طابعة النتيجة لاحدي الزميلات قفالت لي زميلة اخري لم تدخل الامتحان كدة انتي علشان نجاحتي فخبيت الورقة علي طول امال عند الصرف ايه اللي حيحصل

[مستر ايمن]

انا بقي والحمد لله نجحت بس المدير والمديره كل واحد فيهم جاب ماده سواء تخصص او تربوي

المديره كل ما تشوف حد نجح تقول اشمعني اناااااااااااااا بقي ده ينجح وانا لاء ليه هههههههههههههه

ربنا يصبرها يارب ويصبر كل اللي داخلين علي المرحله الجايه ان شاء الله

[دبدوب زهران]

هل هذا عدل ؟؟؟؟
مجموعة من زمايلنا بيتباهوا بانهم جمعوا كل من لهم نفس كود الاختبار فى حجرة من المدرسة وعملوا كونسلتوا على الامتحان وكانت النسبة 100% وطبعا كل المدارس كانت بنفس الطريقة واللىامتحنوا فى الجامعة معظمهم اتكتم نفسهم والوقت ضاع منهم على ما وزعوا كراسات الاسئلة .
ومن باس فى الاكاديمية
النتيجة اول ما طلعت كانت 28% قالوا امسكوا ورق المدرسين فى الابتدائى والاعدادى لان الاساسى عندهم صغير ونجح كل اللى مظلل ال 100 دائرة ومايكونش جايب صفر ولذلك تلاقى الخسائر فى المرحلتين فى الوكلاء والمديرين وكل ما يكبر الاساسى يكتر الرسوب
علشان كده
نتيجة الكبار هى نتيجتهم الفعلية اذا ماكانش وضع كود اختبار خطأ ومن الاكواد الموجودة على الماسح فنتيجته ح تكون صفر فى الثلاث مجالات انما اللى غلط فى الكود بكود مش موجود على الماسح دا كان حظه احسن شوية

[دبدوب زهران]

المشاركة الأصلية كتبت بواسطة دبدوب زهران

هل هذا عدل ؟؟؟؟
مجموعة من زمايلنا بيتباهوا بانهم جمعوا كل من لهم نفس كود الاختبار فى حجرة من المدرسة وعملوا كونسلتوا على الامتحان وكانت النسبة 100% وطبعا كل المدارس كانت بنفس الطريقة واللىامتحنوا فى الجامعة معظمهم اتكتم نفسهم والوقت ضاع منهم على ما وزعوا كراسات الاسئلة .
ومن باس فى الاكاديمية
النتيجة اول ما طلعت كانت 28% قالوا امسكوا ورق المدرسين فى الابتدائى والاعدادى لان الاساسى عندهم صغير ونجح كل اللى مظلل ال 100 دائرة ومايكونش جايب صفر ولذلك تلاقى الخسائر فى المرحلتين فى الوكلاء والمديرين وكل ما يكبر الاساسى يكتر الرسوب
علشان كده
نتيجة الكبار هى نتيجتهم الفعلية اذا ماكانش وضع كود اختبار خطأ ومن الاكواد الموجودة على الماسح فنتيجته ح تكون صفر فى الثلاث مجالات انما اللى غلط فى الكود بكود مش موجود على الماسح دا كان حظه احسن شوية

واعتقد ان المنظر العام للنتيجة يؤيد هذا الكلام

[محمد احمد30]

علي فكرة مدرستنا لم تتاثر بالرغم من ان زميلا لنا عنده مادة التربوي ولكن الكل واساه ولكن الحزن يخيم علي الذين لم يدخلوا الامتحان !!!!!!!!!!!!!!!!