كيف تصبح الاول فى الثانوية العامة ؟

[einstien]

ملحوظة بسيييييطة اوى
اولا الدكتور اللى بيحط امتحان زى الكيمياء مثلا عمرة مابيكون حافظ المنهج زينا يعنى احنا نبقى حافظينة اكتر منه فلاحظوا انه بيحط معظم الامتحانات من كتب عندة هو مش من الامتحان اينعم بيجيب من كتب الوزارة بس بيجيب حاجات من دماغة ومن كتب عندة فمش حفظ الكيمياء هو الاساس بالنسبة للرياضة مش بتيجى صعبة عشان الادبى انما فى تالتة تيجى صعبة والمستوى الرفيع بيجى نفخ بالنسبة للنحو ابتعد عن الاسئلة المعقدة لان اللى بيحط الامتحان عاوز يحط سؤال يتحل مش سؤال ميتحلش الامتحان بيجى من المنهج مش بيطلع برا عشان اللى بيحط الامتحان فاهم اوى حكاية القصة والكلام دة اى اجابة تعتبر صح لاختلاف الاساليب وصدقونى والله مش الحفظ اللى بيولد النجاح لو حد دخل طب او هندسة او علوم او اى كليه وهو معتمد على الحفظ هيلاقى نفسة ضايع لانها مش بتعتمد على الحفظ خالص دة رايى

[ranmory]

المشاركة الأصلية كتبت بواسطة einstien

ملحوظة بسيييييطة اوى
اولا الدكتور اللى بيحط امتحان زى الكيمياء مثلا عمرة مابيكون حافظ المنهج زينا يعنى احنا نبقى حافظينة اكتر منه فلاحظوا انه بيحط معظم الامتحانات من كتب عندة هو مش من الامتحان اينعم بيجيب من كتب الوزارة بس بيجيب حاجات من دماغة ومن كتب عندة فمش حفظ الكيمياء هو الاساس بالنسبة للرياضة مش بتيجى صعبة عشان الادبى انما فى تالتة تيجى صعبة والمستوى الرفيع بيجى نفخ بالنسبة للنحو ابتعد عن الاسئلة المعقدة لان اللى بيحط الامتحان عاوز يحط سؤال يتحل مش سؤال ميتحلش الامتحان بيجى من المنهج مش بيطلع برا عشان اللى بيحط الامتحان فاهم اوى حكاية القصة والكلام دة اى اجابة تعتبر صح لاختلاف الاساليب وصدقونى والله مش الحفظ اللى بيولد النجاح لو حد دخل طب او هندسة او علوم او اى كليه وهو معتمد على الحفظ هيلاقى نفسة ضايع لانها مش بتعتمد على الحفظ خالص دة رايى

انا مش معاك فى ان الامتحانات بتيجى سهله عشان الادبى الواضعين للامتحان ما بيرحموش
بلاش يكون عندك تفاؤل زياده كده
شوف امتحان رياضه 2004 عامل ازاى
واضع الامتحان عايز الناس تسقط و الله مفيش حد ابن ناس الايام دى
الحفظ ضرورى فى التعريفات بس انا نسيت اقول نقطه ان ده بعد ما تفهمهاه

[ranmory]

كيف تبني ثقتك بنفسك؟؟ وكيف تثق بنفسك بكل امورك ؟ بس بدون ثقه زائده او غرور ....



إن الثقة تكتسب وتتطور ولم تولد الثقة مع إنسان حين ولد ، فهؤلاء الأشخاص الذين تعرف أنت أنهم مشحونون بالثقة ويسيطرون على قلقهم، ولا يجدون صعوبات في التعامل و التأقلم في أي زمان أو مكان هم أناس اكتسبوا ثقتهم بأنفسهم..اكتسبوا كل ذرة فيها.

انعدام الثقة في النفس :

ماذا تعني كلمة نقص أو انعدام الثقة في النفس؟؟..أننا غالبا ما نردد هذه الكلمة أو نسمع الأشخاص المحيطين بنا يردون إنهم يفتقرون إلى الثقة بالنفس؟!..

إن عدم الثقة بالنفس سلسلة مرتبطة ببعضها البعض تبدأ:

أولا: بانعدام الثقة بالنفس.

ثانيا: الاعتقاد بأن الآخرين يرون ضعفك و سلبياتك.. وهو ما يؤدي إلى:

ثالثا: القلق بفعل هذا الإحساس و التفاعل معه.. بأن يصدر عنك سلوك و تصرف سيئ أو ضعيف ، وفي العادة لا يمت إلى شخصيتك و أسلوبك وهذا يؤدي إلى:

رابعا: الإحساس بالخجل من نفسك.. وهذا الإحساس يقودك مرة أخرى إلى نقطة البداية.. وهي انعدام الثقة بالنفس وهكذا تدمر حياتك بفعل هذا الإحساس السلبي اتجاه نفسك و قدراتك.. لكن هل قررت عزيزي القارئ التوقف عن جلد نفسك بتلك الأفكار السلبية،والتي تعتبر بمثابة موت بطيء لطاقاتك ودوافعك ؟ إذا اتخذت ذلك القرار بالتوقف عن إلام نفسك و تدميرها.. ابدأ بالخطوة الأولى:

تحديد مصدر المشكلة:

أين يكمن مصدر هذا الإحساس ؟؟ هل ذلك بسبب تعرضي لحادثة وأنا صغير كالإحراج أو الاستهزاء بقدراتي ومقارنتي بالآخرين ؟ هل السبب أنني فشلت في أداء شيء ما كالدراسة مثلا ؟أو أن أحد المدرسين أو رؤسائي في العمل قد وجه لي انتقادا بشكل جارح أمام زملائي؟هل للأقارب أو الأصدقاء دور في زيادة إحساسي بالألم؟ وهل مازال هذا التأثير قائم حتى الآن؟؟……أسئلة كثيرة حاول أن تسأل نفسك وتتوصل إلى الحل…كن صريحا مع نفسك .. ولا تحاول تحميل الآخرين أخطائك، وذلك لكي تصل إلى الجذور الحقيقية للمشكلة لتستطيع حلها ،حاول ترتيب أفكارك استخدم ورقة قلم واكتب كل الأشياء التي تعتقد أنها ساهمت في خلق مشكلة عدم الثقة لديك ، تعرف على الأسباب الرئيسية و الفرعية التي أدت إلى تفاقم المشكلة .

البحث عن حل:

بعد أن توصلت إلى مصدر المشكلة..أبدا في البحث عن حل .. بمجرد تحديدك للمشكلة تبدأ الحلول قي الظهور…اجلس في مكان هادئ وتحاور مع نفسك، حاول ترتيب أفكارك… ما الذي يجعلني أسيطر على مخاوفي و أستعيد ثقتي بنفسي ؟

إذا كان الأقارب أو الأصدقاء مثلا طرفا أو عامل رئيسي في فقدانك لثقتك ..حاول أن توقف إحساسك بالاضطهاد ليس لأنه توقف بل لأنه لا يفيدك في الوقت الحاضر بل يسهم في هدم ثقتك ويوقف قدرتك للمبادرة بالتخلص من عدم الثقة.

أقنع نفسك وردد:

من حقي أن أحصل على ثقة عالية بنفسي وبقدراتي .
من حقي أن أتخلص من هذا الجانب السلبي في حياتي.
ثقتك بنفسك تكمن في اعتقاداتك:

في البداية احرص على أن لا تتفوه بكلمات يمكن أن تدمر ثقتك بنفسك..فالثقة بالنفس فكرة تولدها في دماغك وتتجاوب مهما أي أنك تخلق الفكرة سلبية كانت أم إيجابية وتغيرها وتشكلها وتسيرها حسب اعتقاداتك عن نفسك …لذلك تبنى عبارات وأفكار تشحنك

بالثقة وحاول زرعها في دماغك.

انظر إلى نفسك كشخص ناجح وواثق و استمع إلى حديث نفسك جيدا واحذف الكلمات المحملة بالإحباط ،إن ارتفاع روحك المعنوية مسئوليتك وحدك لذلك حاول دائما إسعاد نفسك ..اعتبر الماضي بكل إحباطا ته قد انتهى ..وأنت قادر على المسامحة أغفر لأهلك… لأقاربك لأصدقائك أغفر لكل من أساء إليك لأنك لست مسؤولا عن جهلهم وضعفهم الإنساني.

ابتعد كل البعد عن المقارنة أي لا تسمح لنفسك ولو من قبيل الحديث فقط أن تقارن نفسك بالأخريين…حتى لا تكسر ثقتك بقدرتك وتذكر إنه لا يوجد إنسان عبقري في كل شئ..فقط ركز على إبداعاتك وعلى ما تعرف أبرزه، وحاول تطوير هوايات الشخصية…وكنتيجة لذلك حاول أن تكون ما تريده أنت لا ما يريده الآخرون..ومن المهم جدا أن تقرأ عن الأشخاص الآخرين وكيف قادتهم قوة عزائهم إلى أن يحصلوا على ما أرادوا…اختر مثل أعلى لك وادرس حياته وأسلوبه في الحياة ولن تجد أفضل من الرسول الكريم صلى الله عليه وسلم وأصحابه رضوان الله عليهم، مثلا في قدرة التحمل والصبر والجهاد من أجل هدف سام ونبيل وهو إعلاء كلمة الله تعالى ونشر دينه.



بنك الذاكرة:

يقودنا النقص الزائد في الثقة بالنفس مباشرة إلى ذاكرة غير منتظمة فالعقل يشبه البنك كثيرا، إنك تودع يوميا أفكارا جديدة في بنكك العقلي وتنمو هذه الودائع وتكوِن ذاكرتك …حين تواجه مشكلة أو تحاول حل مشكلة ما فإنك في الواقع الأمر تسأل بنك ذاكرتك: ما الذي أعرفه عن هذه القضية ؟.. ويزودك بنك ذاكرتك أوتوماتيكيا بمعلومات متفرقة تتصل بالموقف المطلوب ..بالتالي مخزون ذاكرتك هو المادة الخام لأفكارك الجديدة ..أي أنك عندما تواجه موقف ما ..صعبا…فكر بالنجاح ،لا تفكر بالفشل استدعي الأفكار الإيجابية..المواقف التي حققت فيها نجاح من قبل …لا تقل : قد أفشل كما فشلت في الموقف الفلاني..نعم أنا سأفشل…بذلك تتسلل الأفكار السلبية إلى بنكك …و تصبح جزء من المادة الخام لأفكارك . حين تدخل في منافسة مع أخر ،قل : أنا كفء لأكون الأفضل، ولا تقل لست مؤهلا، إجعل فكرة (سأنجح)هي الفكرة الرئيسية السائدة في عملية تفكيرك . يهيئ التفكير بالنجاح عقلك ليعد خطط تنتج النجاح، وينتج التفكير بالفشل فهو يهيئ عقلك لوضع خطط تنتج الفشل. لذلك احرص على إيداع الأفكار الإيجابية فقط في بنك ذاكرتك،واحرص على أن تسحب من أفكارك إيجابية ولا تسمح لأفكارك السلبية أن تتخذ مكانا في بنك ذاكرتك.



عوامل تزيد ثقتك بنفسك:

عندما نضع أهداف وننفذها يزيد ثقتنا بنفسنا مهما كانت هذه الأهداف.. سواء على المستوى الشخصي.. أو على صعيد العمل.. مهما كانت صغيره تلك الأهداف.

اقبل تحمل المسؤولية.. فهي تجعلك تشعرك بأهميتك.. تقدم ولا تخف.. اقهر الخوف في كل مرة يظهر فيها.. افعل ما تخشاه يختفي الخوف.. كن إنسانا نشيطا.. اشغل نفسك بأشياء مختلفة..استخدم العمل لمعالجة خوفك.. تكتسب ثقة أكبر.

حدث نفسك حديثا إيجابيا..في صباح كل يوم وابدأ يومك بتفاؤل وابتسامة جميلة.. واسأل نفسك ما الذي يمكنني عمله اليوم لأكون أكثر قيمة؟ تكلم! فالكلام فيتامين بناء الثقة.. ولكن تمرن على الكلام أولا.

حاول المشاركة بالمناقشات واهتم بتثقيف نفسك من خلال القراءة في كل المجالات.. كلما شاركت في النقاش تضيف إلى ثقتك كلما تحدثت أكثر، يسهل عليك التحدث في المرة التالية ولكن لا تنسى مراعاة أساليب الحوار الهادئ والمثمر.

اشغل نفسك بمساعدة الآخرين تذكر أن كل شخص آخر، هو إنسان مثلك تماما يمتلك نفس قدراتك ربما أقل ولكن هو يحسن عرض نفسه وهو يثق في قدراته أكثر منك.

اهتم في مظهرك و لا تهمله.. ويظل المظهر هو أول ما يقع عليه نظر الآخرين.

لا تنسى.. الصلاة وقراءة القران الكريم يمد الإنسان بالطمأنينة والسكينة.. وتذهب الخوف من المستقبل.. تجعل الإنسان يعمل قدر استطاعته ثم يتوكل على الله.. في كل شيء. فكن انسان تثق بنفسك ....
.....منقوووووووووووووووووووووووول.....

[einstien]

شكرا بس علاقات عاطفيه ايه بس الل يخرب بيت الفراخ البيضا هى اللى عملت فى الناس كدة

[einstien]

والله شوفتة وحليته اكيد تقصدى التفاضل والمثلثات والله سهل وفيه عندى مسائل اعقد من دى ميت مرة بس شوفى امتحان السنة اللى فاتت ودة مش تفاؤل مانا بقوللك تالتة بيحطوها صعب جدااااااا انما تانية هيجيبوها صعبة بالشكل دة ازاى طب والادبى يسقط ومين اللى فهمك غلط وقاللك انهم بيحطوا الاسئلة عشان نسقط مين اللى قال كدة ؟ غلط طبعا انتى واخدة فكرة غلط خالص الامتحان لازم 70% من الجمهورية ينجحوا ولازم نسبة عاليه من ال 70 دول تجيب النهائية عارفة لو محدش قفل الامتحان فى الجمهورية كلها الراجل دة بتمنع من وضع الامتحانات انا فى سنة اخويا دكتور الفيزياء حط مسالة فيها قانون من برة المنهج والمسالة عليها خمس درجات اخويا محلهاش وجاب 45 فى الفيزياء وكانت اعلى درجة فى الجمهورية 45 الدكتور اتنقل جامعة اسيوط واتعاد الامتحان وجاب 49.5 فمينفعش يحط امتحان ميتحلش طب امال الامتحان محطوط لمين؟ ودة مش تفاؤل ولا حاجة شوفى انا كاتب مسالة فى قسم التفاضل اراهن ان كتير من المدرسين يحلوها بس مش هتيجى وانا عارف انها مش جاية ودة اكيد

[هارى12345]

ايه الكلام الكبير ده
وبالنسبة لنصيحتك يا ران فانا بجرب كل حاجة بس المشكلة الاكبر فى ايدى انها خطها وحش وزمايلى معظمهم خطهم احلى من الكتاب

[NO&NAME]

والله فعلا في حاجات كتير من اللي انتي قولتيها بتحصل معايا
يعني مثلا اخد درس مع حد انا مش طايقاه دي فعلا بتحصل معايا وبتخليني اكره الدرس واكره المادة واكره المدرس وبالتالي مش بذاكرها
كمان حكاية المدرسين انا ان شاء الله المفروض ف تانية اخد دروس عند مدرسين فعلا مش عاجبني اسلوبهم بس غصب عني عشان اختي الكبيرة كانت بتاخد عندهم وطبعا اقنعت ماما
كمان اللي بدايقني ف مدرسين المدرسة انهم بيبصولنا على اننا فشلة ومش نافعين مافيش كلمة عدلة يقابلو بيها ربنا بيقولوهلنا
ده كمان بيكرهني ف المدرسة


الخوف بقى ................ ربنا يستر......................................

يا

[ranmory]

بالنسبة لك فى حكاية المدرسه ففعلا معظم المدرسين اذا كنتى مش بتخدى عندهم درس بيحسسوكى انك فاشل و كده عشان تخدى معاهم درس
لو ما تستفاديش من المدرسه ما تروحيهاش
لكن ما تقوليش انا بفهم ف الدرس اكتر من المدرسه وكده لان ده اكيد
كل اللى قصدى ان لو المدرسين بيشرحوا روحى و استفادى
اما بداية من شهر فبراير خليكى ف البيت احسن
المراجعات اللى قبل الامتحان بيوم ما تحضريهاش احسن لانها بتتعبك و تخليكى ما تذاكريش كويس
و افتكرى ان اهم حاجه
المذاره المركزه -الدروس -البرامج التعليميه -حل الاسئله -شوفى الحاجلت اللى ف الاقسام التعليميه بتاعه ثانويه و ليكن مره كل اسبوع او شهر
و بس كده اتمنى اكون افدتك

[toly1997]

ههههههههههههههههههههه

[teddy eddie]

موضوع جامد جدا جداااااااااااااااااااااااااااااااااااااااااااااااا اااااااااااااااااااااااااااااااااااا اااااااااااااااااااااا
جداااااااااااااااااااااااااااااااااااااااااا اااااااااااااااااااااااااااا
انتي ليه مقولتيش ليا عليه

[ranmory]

شكرا لمروركم جميعا


يا تيدى هو الموضوع عجبك كده ؟!مع انه مش مالى عينى كنت عايزه يتثبت ههههههههههههههههههههههههه

[رحيق الإسلام]

السلام عليكم ورحمة الله وبركاته ،،

ماشاء الله . موضووووع هايل ران ،
باركَ الله فيكِ ويارب كلنا نبقى من الأوائل : )

[a7med bondok]

موضوع رائع وبصراحه شديده الموضوع يستحق التثبيت والله انا قلت يستحق التثبيت قبل ما اشوف رد ليك ويارب اكون الاول عالثانويه بس ممكن اعرف منك هو المستوى الرفيع بيدي كم في الميه

[ranmory]

2 فى المية


لانه بيدى 5 درجات

و شكرا لمروركم

[lune14]

موضوع جامد جدا يا ران
دعواتك معايا بقا أنا راحة أولى ثانوى وعايزة أنسى كل حاجة فى الاعدادى وابدأ بداية جديدة خالص
عشان نفسى أحقق أمل بابا فيا
شكرا على الموضوع وبصراحة طرح ممتاز