الجنيه غلب الكارنيه؟والضمير مالوش مكان بينهم!!

[ostazmath4m]

السلام عليكم ورحمه الله وبركاته
فعلا مش دي مأساة حقيقية بجميع المقاييس؟؟
مش دي كارثة ودليل علي انحلال المجتمع بتاعنا!!!
ايه اللي بيحصل ده؟ وبيحصل ليه؟؟ وفي مصلحه مين بيحصل؟؟
ومين اللي مسؤل علي اللي بيحصل؟؟
اسأله كتيرة فين اجابتها...... اصل اللي ايده في الميه
مش زي اللي ايده في النار.....انا بقول ايه؟؟اكيد هتجنن من الكلام
مش شايفين...بيقولوا الجنيه غلب الكارنيه؟؟سامعين
تــــــــــــاني الجنيه غلب الكارنيه!!!طب والضمير فين؟؟
والاخلاق فين؟؟
والقيم والمبادئ فين؟؟؟؟؟؟ وديننا الاهم والاول فين فين؟؟
حرام بجد لما اتنين يتقدموا لوظيفه واحد مؤهل بجدارة واستحقاق
لهذه الوظيفه قلبا وقالبا ومؤهل ثقافيا وعلميا لها... والتاني..
لقد اسمعت لو ناديت حيا..ولكن لا حياة لمن تنادي..مالوش فيها خالص
ولا في اي حاجه غيرها..وتلاقي بقدرة قادر اللي مالوش فيها
وعلي راي اعلانات المنتخب اللي مش فاهمين بيشجعوا واحنا معاهم
تلاقيه ياخويا هو اللي اشتغل في الوظيفه..سبحان الله له في خلقه شؤؤن
ولا تمشي في أمان الله تلاقي واحد(شايف نفسه)بيقول لواحد تاني(الغلبان)
انت مش عارف انا مين؟انت مش عارف انت بتكلم مين؟؟علي اساس
ان اللي معاهم فلوس واللي معاهم كارنيهات وكروت عليها القاب ونياشين
هم اللي ليهم حق التصرف في كل شئ وهم اولي واجدر بالوظائف من اصحاب المؤهلات
اللتي تكفي لاستحقاق الوظيفه..حتي قسم الشرطه بيفرق بينهم
يعني حد هيقولي الجنيه غلب الكارنيه؟ طيب انا هسألك ياللي بتقول كده
فين ربنا ضميرك؟فين دينك؟فين أخلاقك؟فين مبادئك؟فين شرفك؟
أتمني ان ياتي اليوم الذي استيقظ فيه اري كل انسان
في مكانه الناسب في منصبه الملائم كلا له دوره يؤديه باتقان
حتي نرقي بانفسنا اولا ونرقي بمجتمعنا ثانيا ونحيا حياة كريمه
تليق بمجتمع بشري قال عنه ربنا عز وجل:
"ولقد كرمنا بني أدم وحملناهم في البر والبحر"ارجو الا يحرمونا
من هذا التكريم.....واسف ع الاطاله وشكرا....