الحقد والغيره الحق والإيمان وأعداء النجاح

[nanes]

لو فكرت كويس وشغلت عقلك هتلاقى إن السبب الوحيد المنطقى هو عنوان الموضوع " الحقد والغيره الحق والإيمان وأعداء النجاح " العضو مسافه ما يبدأ يظهر تلاقى كل الأنظار عليه بتبصله نظره حقد وغل وغيره العضو اللى كان زمان معاه وواقف جنبه فجأه بقه ضده واللى كان دائماً بيشجعه بقدره قادر بقى بيصطاد أخطاؤه واللى كان بيستنى مواضيعه عشان يقرأها بقى بيقعد يتفرج على منظر الردود فى الموضوع وهو بيعلى ويقول إشمعنى هو ده موضوع يستاهل النقاش ده كله هما مدينه أكبر من حجمه كده ليه دا لسه مشترك من يومين أنا أحق منه أنا أفضل منه أو عشان يرضى غروره ويحاول يخدع نفسه وإنه فعلاً مش بيحقد عليه ولا غيران منه يقول فيه أعضاء تانيه ومواضيع تانيه أحسن منه ومش واخده حقها ويبدأ تنشأ عداوه بينهم وتزيد يوم عن يوم لحد ما فى يوم وليله يتقلبو من أصحاب لأعداء ودائماً يحاول يعجزه ويكسره وننقسم لأحزاب وكل حزب بيكره الحزب التانى وتنشأ المصالح والحق يتقلب باطل والباطل يتقلب حق ونمشى نقول ورى بعض آمين سواء صح أو خطأ المهم مصلحتى ثم مصلحتى أنا لو قولت ورى محمد آمين هينصرنى ضد أحمد حتى لو كنت أنا غلطان وبسبب الحكايه دى ياجماعه بتتولد المشاكل وتنشأ الصرعات وبدل ما نوجه جهودنا ونوحد أهدفنا للخير والإفاده بنوجها ونسددها للشر والتعجيز ونخسر بعض ومع الوقت بنخسر نفسنا وبنخسر ناس كتير حبناهم ولما بنفوق دا لو فوقنا أصلاً بنفوق بعد فوات الأوان بعد ما بيكون وقت الندم والإعتزار فات وكل واحد شاف طريقه واللى إتظلم رحل مكسور حزين باكى على الأيام اللى سهر يكتب فيها ويدى فيها خبرته ووقته لناس متستهلش .




تقريبا دي المرة العاشرة ... ادخل الموضوع اقراه واقرا الردود واكتفي بالصمت واخرج يا مولاي كما خلقتني

حقيقي الحقد والغيرة مفيش اكتر من كده في ايامنا .... الظريف بقى لما تواجه حد بكلمة حقود على فلان او غيران من علان
يقولك مين ده ... انا احقد على ده ... هو ده حاجه اساسا عشان احقد عليه .. وبكده يبقى وصل لاقوى انواع الغيرة اساسا وهو مش حاسس
احسن حاجه كبر دماغك للناس دي بجد .. دول مهمتهم تعطيل المرور مش اكتر
الواحد المفروض يتوجه لهدفه ومش يتشغل بمعارك جانبية هتبعده كتييير عن هدفه الاساسي **النجاح**

شكراً يا باشا ع الموضوع